San Lucas 21:19 - Tz'utujil (Ja Cꞌacꞌa Chominem)

¹⁹ Ja cꞌa wi necochꞌ ja npi chewij jariꞌ newil ja utzlaj cꞌaslemal ja mta qꞌuisic trij.

Tz'utujil NT

¹⁹ We xtecoch' je xtpeta chewij jara' newil utzlaj c'aslemal je rxin junlic.

San Lucas 21:19 Iomraidhean Croise

San Mateo 10:22

Ja cꞌa rixix xa itzel nixtzꞌat na cumal canojel ja winak pro mwal anin ja tok xtiban queriꞌ chewe. Pro canojel ja xtiquecochꞌ quewach chipan ja rpokonal in ni matiqueyaꞌ can wiꞌ ja yukulbal quecꞌuꞌx wqꞌuin ejeꞌeꞌ riꞌ nquewil na ja totajem xin Dios.

San Mateo 24:13

Pro canojel ja xtiquecochꞌ quewach chipan ja rpokonal in ni matiqueyaꞌ can wiꞌ ja yukulbal quecꞌuꞌx wqꞌuin ejeꞌeꞌ riꞌ nquewil na ja totajem xin Dios.

San Lucas 8:15

Pro ja cꞌa rijaꞌtz ja kaj pan utzlaj ulew jariꞌ tibij tzij chi ecꞌoli winak ja nquicꞌaxaj ja rtzobal Dios in nquecꞌol pa tak canma pro jun utzlaj anma ja mta engaño rcꞌan. Ejeꞌeꞌ nquecochꞌ ja npi chiquij in tok nqꞌuiswani buena nwachini ja rutzil pa tak quicꞌaslemal.

Romanos 15:4

Xa nak ta ja tzꞌibtal can chipan ja rtzobal Dios ojer jariꞌ ma chaka ta tzꞌibtali, rumac chi nokrpaxbaj. Ja tzꞌibtal can ojer jariꞌ nuyaꞌ ja kapaciencia chi rcochꞌic ja nkawil jeꞌe chipan ja kacꞌaslemal in nyukbaꞌ más kacꞌuꞌx chakajaꞌ. Jariꞌ rcꞌamonto chake utzcꞌa chi nokquicoti chi raybexic ja tzujun chake rmal ja Dios.

Romanos 2:7

Juleꞌ xtuyaꞌ chique ja utzlaj cꞌaslemal ja mta qꞌuisic trij. Ejeꞌeꞌ riꞌ ja ni matiqueyaꞌ can wiꞌ ja banoj utzil como ejeꞌeꞌ xajutij quimajon rtijic quekꞌij chi nequilaꞌ ja gloria xin Dios, ja ta ncajoꞌ chi utz netzꞌa̱t rmal ja Dios in neqꞌuejeꞌ ta chipan jun quicotemal ja mta yojtajic trij.

Romanos 5:3

In jun chic, congana nokquicot rmal chakajaꞌ ja rpokonal ja nkatij pa rubiꞌ ja Jesucristo. Nokquicoti como bien kotak chi chipan ja rpokonal nqꞌuiy wiꞌ más ja kapaciencia.

Romanos 5:4

Ja cꞌa paciencia jariꞌ ncowirsan más ja kacꞌaslemal chi rbanic ja rutzil. Ja cꞌa tok ncowir más ja kacꞌaslemal chi rbanic ja rutzil jariꞌ xa janiꞌ nokquicot más chi raybexic nojel ja rtzujun chake ja Dios.

Romanos 8:25

Pro wi kotak chi nerilaꞌ na ja kꞌij ja kayben jariꞌ ni maticapuj wiꞌ kacꞌuꞌx chi raybexic.

1 Tesalonicenses 1:3

Ja tok nkaban orar ruqꞌuin ja katataꞌ Dios ni nurkaj wiꞌ chake nojel ja samaj ja rebanon rmal ja yukulbal ecꞌuꞌx ruqꞌuin ja Jesucristo. Bien nurkaj chake nojel ja rutzil ja rebanon rmal ja rajoben riꞌil xin Dios ja cꞌo pa tak ewanma in bien nurkaj chake chakajaꞌ nojel ja recochꞌon rmal ja congana nixquicoti chi raybexic ja kajaw Jesucristo.

2 Tesalonicenses 3:5

Ja kajaw Jesucristo xtuyaꞌ ta chewe chi nchꞌobtaj más emwal nak rbanic ja rajoben riꞌil xin Dios in xtuyaꞌ ta chewe chakajaꞌ chi necochꞌ nojel caniꞌ xuban ja Cristo.

Hebreos 10:36

Maxta teyaꞌ can jutzꞌit como ni rjawaxic wiꞌ chewe chi necochꞌ ja rpokonal utzcꞌa chi rvoluntad Dios ja neban in newil ja rtzujunto chake.

Hebreos 6:11

Ja cꞌa nwajoꞌ chewe camic chejujunal, tetijaꞌ ekꞌij chakajaꞌ chi rchꞌobic ja tzujun can chake rmal ja Dios ja kayben camic. Tiyukeꞌ ecꞌuꞌx chijutij ruqꞌuin ja rtzujun can chake. Ni ta quirwariꞌ ebanon ja tok xtipi chic jutij ja Jesucristo.

Hebreos 6:15

In queriꞌ xuban ja rAbraham, ni yataj wiꞌ tre nojel ja tzujux tre rmal ja Dios pro congana xucochꞌ na rwach chi raybexic.

Santiago 1:3

Queriꞌ nbij chewe como ewotak chi ja prueba jariꞌ nkꞌalasani janiꞌ ja yukulbal ecꞌuꞌx ruqꞌuin ja Dios, ewotak chi wi cꞌol epaciencia chi rcochꞌic ja prueba quewaꞌ rcꞌamonto chewe riꞌ, más na nqꞌuiyi ja repaciencia chi rcochꞌic ja juleꞌ chic prueba ja penak chewach.

Santiago 1:4

Teyaꞌaꞌ lugar tre ja paciencia chi nsamaj pa tak ewanma, teyaꞌaꞌ lugar tre chi nwinakarsaj nojel rwach ja rutzil xin Dios. Quirtariꞌ neban jutzꞌit utzcꞌa chi nqꞌuiyi utzcꞌa chi nwachini nojel rwach ja rutzil pa tak ewanma utzcꞌa chi majun ja maquita tzꞌakat tre ja rewanma.

2 Pedro 1:6

Techꞌoboꞌ rij rwach nak neban chi mateyaꞌ ewiꞌ tre ja ritzelal chi xquixrucꞌamel ta. Tecochꞌoꞌ xa nak ta npi chewij. Ni jaꞌ wiꞌ Dios techꞌoboꞌ.

Apocalipsis 1:9

Anin in Juan, in ewachꞌalal, in ewachbil chi rtijic ja rpokonal, in ewachbil chipan ja gobierno xin Dios, in ewachbil chi rcochꞌic nojel ja npi chakij rmal ja xa jun kabanon ruqꞌuin ja Jesucristo. Ja tok kꞌalasax chinwach ja xtintzꞌibaj chewe riꞌ tokoriꞌ tok xinqꞌuejeꞌ chipan ja lugar Patmos ja cꞌo pa mar. Rumac ja rtzobal Dios in rumac ja nyaꞌon rbixic ja Jesucristo chewiꞌ tok xinqꞌuejeꞌ triꞌ.

Apocalipsis 13:10

Ja nechapo quixin ja winak chi nequecoj preso pa quekꞌaꞌ jariꞌ necha̱p chic ejeꞌeꞌ chakajaꞌ, neꞌoc na preso. Ja re cojol tak espada chi quicamsaxic ja winak jariꞌ necamsax chic ejeꞌeꞌ chakajaꞌ tzaꞌn tak espada. Waweꞌ cꞌa nkatzꞌat wiꞌ chi ja tinamit xin Dios rjawaxic chi nquecochꞌ quewach chipan ja rpokonal, rjawaxic chi ni nyukeꞌ wiꞌ quecꞌuꞌx ruqꞌuin ja Jesucristo.

Apocalipsis 14:12

Waweꞌ nkatzꞌat wiꞌ chi ja tinamit xin Dios ja ni nquinimaj wiꞌ ja rmandamiento in ni yukul wiꞌ quecꞌuꞌx ruqꞌuin ja Jesucristo ejeꞌeꞌ congana ncꞌatzin chique ja quipaciencia chi nquecochꞌ quewach chipan ja penak chiquij.

Apocalipsis 3:10

Como ja rixix eniman ja ntzobal ja xinbij chewe chi nqꞌuejeꞌe ja repaciencia chi rcochꞌic ja npi jeꞌe chewij, anin chakajaꞌ nixnchajij na chipan ja nimlaj rpokonal ja penak chwach nojel ja rwachꞌulew. Jariꞌ nimlaj rpokonal ja xtipi na jariꞌ necꞌambajbexi ja winak ja recꞌo chwachꞌulew.