San Lucas 21:17 - Tz'utujil (Ja Cꞌacꞌa Chominem)

¹⁷ Xa itzel nixtzꞌat na cumal canojel ja winak pro mwal anin ja tok xtiban queriꞌ chewe.

Tz'utujil NT

¹⁷ Xitzel nquixtz'e't na cmal conjelal wnak per nmal anen tak cara' xtba'na chewa.

San Lucas 21:17 Iomraidhean Croise

San Mateo 10:22

Ja cꞌa rixix xa itzel nixtzꞌat na cumal canojel ja winak pro mwal anin ja tok xtiban queriꞌ chewe. Pro canojel ja xtiquecochꞌ quewach chipan ja rpokonal in ni matiqueyaꞌ can wiꞌ ja yukulbal quecꞌuꞌx wqꞌuin ejeꞌeꞌ riꞌ nquewil na ja totajem xin Dios.

San Mateo 24:9

Ja cꞌa rixix nixjach na pa quekꞌaꞌ winak chi nba̱n pokon chewe in nixcamsax na. Xa itzel nixtzꞌat na cumal ja winak ja recꞌo nojel tak nación pro mwal anin ja tok xtiban queriꞌ chewe.

San Mateo 5:11

Congana quiꞌil chewe ja tok nixtzꞌuji nixyokꞌi in tok nba̱n itzel chewe in tok nojel rwach ja ritzelal nbix chewe ja ma katzij ta pro mwal anin tok nba̱n queriꞌ chewe.

Marcos 13:13

Ja cꞌa rixix xa itzel nixtzꞌat na cumal canojel ja winak pro mwal anin ja tok xtiban queriꞌ chewe. Pro canojel ja xtiquecochꞌ quewach chipan ja rpokonal in ni matiqueyaꞌ can wiꞌ ja yukulbal quecꞌuꞌx wqꞌuin ejeꞌeꞌ riꞌ nquewil na ja totajem xin Dios.

San Lucas 21:16

Nixjach na pa quekꞌaꞌ ja recꞌulel cumal etataꞌ eteꞌ, cumal ewachꞌalal in cumal ewamigo chakajaꞌ. Ecꞌoli necamsax na chewe.

San Lucas 21:18

Pro jariꞌ nixtacꞌa cꞌo ta jun ti rsamal ewiꞌ xtitzak ta chwach ja Dios.

San Lucas 6:22

Congana quiꞌil chewe ixix ja nixtzelax cumal ja winak in maquixcꞌul cumal in xa nixtzꞌuj cumal in nbix chewe cumal chi xa ix itzel tak winak pro congana quiꞌil chewe ja wi mwal anin tok nba̱n queriꞌ chewe, anin ja rin Alcꞌwalaxel ja xinoc alaxic cuqꞌuin ja winak.

San Juan 15:19

Ja wixta ix cachbil ja winak ja xa ruqꞌuin rwachꞌulew yukul wiꞌ quecꞌuꞌx jariꞌ lokꞌ ta nixquenaꞌ ariꞌ. Pro jariꞌ ma ix cachbil ta como anin xixnuchaꞌ chiquicojol in xixnpartiꞌij rmalcꞌariꞌ tok itzel nixquetzꞌat.

San Juan 15:21

Pro mwal anin ja tok xtetij pokon pa quekꞌaꞌ. Ejeꞌeꞌ nqueban na pokon chewe como ma cotak ta janiꞌ rnaꞌoj ja Dios ja takyonto wxin.

San Juan 17:14

Anin bien xinkꞌalasaj chiquewach ja ratzobal ja rabin chwe in camic xa itzel netzꞌa̱t cumal ja winak ja xa ruqꞌuin rwachꞌulew yukul wiꞌ quecꞌuꞌx como ejeꞌeꞌ ma ruqꞌuin ta rwachꞌulew yukul wiꞌ quecꞌuꞌx in caniꞌ chwe anin chakajaꞌ ma ruqꞌuin ta rwachꞌulew yukul wiꞌ nucꞌuꞌx.

San Juan 7:7

Como ja chewe ixix, ja winak mta moda itzel ta xquixquetzꞌat pro ma queriꞌ ta chwe anin, xa itzel ninquetzꞌat rmal ja nmajon rkꞌalasaxic chiquewach ja ritzelal nqueban.

Hechos 9:16

Como anin nchꞌobo chwach chi congana rpokonal nutij na pa nubiꞌ, neꞌe ja kajaw Jesucristo tre.

2 Corintios 12:10

Rmalcꞌariꞌ ja tok ninquicot rmal ja bien nchꞌobtaj mwal chi anin in jun achi ja xa in débil, caniꞌ tre tok nintzꞌuji in ninyokꞌi rmal ja samaj xin Dios in caniꞌ tre tok cꞌo jeꞌe nuban falta chwe rmal ja samaj, in caniꞌ tre tok nba̱n pokon chwe in tok ninqꞌuejeꞌ pa rcꞌayewal rmal ja Cristo. Ninquicoti como ja tok bien nchꞌobtaj mwal chi xa in débil jariꞌ congana nsamaji ja poder xin Cristo chipan ja ncꞌaslemal.

2 Corintios 4:11

Queriꞌ nbij chewe como ja rokcꞌasli ni ncanox wiꞌ kij kawach nak nba̱n chake chi nokcamsaxi pro rumac ja Jesús ja tok nba̱n queriꞌ chake. Queriꞌ nba̱n chake utzcꞌa chi bien nkꞌalajin na janiꞌ rcꞌaslemal ja Jesús chi ntajini nsamaji chipan ja kacꞌaslemal masqui xa ok ulew.

2 Corintios 4:5

Como ni ja wiꞌ ja Jesucristo nkanataj tok nkayaꞌ rbixic ja utzlaj tzij, arjaꞌ Rajaw nojelal, nokcheꞌ tre, ma ajoj ta nkanataj kaj ta kiꞌ kayon. Ja cꞌa rajoj ok ilinelaꞌ ewxin pro rumac ja Jesús ja tok kabanon queriꞌ.

Filipenses 1:29

Queriꞌ rbanic como ixix yatajnak jun privilegio chewe chi yukul ecꞌuꞌx ruqꞌuin ja Cristo in nixsamaj pa rcuenta. Pro ma ruyon tariꞌ como cꞌo chi na jun privilegio yatajnak chewe jariꞌ chi netij rpokonal rmal ja Cristo chakajaꞌ.

1 Pedro 4:14

Ja wi rmal ja yukulbal ecꞌuꞌx ruqꞌuin ja Cristo tok nixtzꞌuji in tok nixyokꞌi jariꞌ cꞌoli rcꞌamonto chewe. Ja wi queriꞌ nba̱n chewe jariꞌ ni kꞌalaj wiꞌ chi cꞌol ewqꞌuin ja lokꞌlaj Espíritu Santo xin Dios. Ja nebano pokon chewe ejeꞌeꞌ xa itzel netzijon tre ja rEspíritu Santo pro ja rixix neyaꞌ rukꞌij.

Apocalipsis 2:3

Ecochꞌon ja penak jeꞌe chewij in cꞌol epaciencia chi rcochꞌic in mwal anin congana ixsamajnak pro ni ma capujnak ta wiꞌ ecꞌuꞌx.