San Lucas 21:15 - Tz'utujil (Ja Cꞌacꞌa Chominem)

¹⁵ como anin xquinyoꞌ chewe nak chi tzijal ja xtebij chique, anin xquinyoꞌ chewe ja renaꞌoj triꞌ. Rmalcꞌariꞌ tok ja recꞌulel ma xticanoy chi ta cumal nak ja xtiquibij chic chewe, xtetzꞌapij quechiꞌ.

Tz'utujil NT

¹⁵ Com anen quenyowa chewa nak chtzij xtebij chca, anen quenyowa ena'oj tzra'. Rmal c'ara' tak je nquetzelana ewxin majo'n chic necney ta cmal nak xtecbij chic chewa, netz'apij quechi'.

San Lucas 21:15 Iomraidhean Croise

San Lucas 12:12

como ja rEspíritu Santo arjaꞌ ni jariꞌ hora xtuyaꞌ chewe nak rjawaxic chi nebij chique, neꞌe ja Jesús chique ja rdiscípulo.

San Lucas 21:16

Nixjach na pa quekꞌaꞌ ja recꞌulel cumal etataꞌ eteꞌ, cumal ewachꞌalal in cumal ewamigo chakajaꞌ. Ecꞌoli necamsax na chewe.

San Lucas 24:45

Cꞌacꞌariꞌ xuchꞌob más chiquewach ja rtzobal Dios,

Hechos 2:4

Cꞌacꞌariꞌ noji ja rEspíritu Santo pa tak canma canojelal in quemaj tzij chipan chic juleꞌ tzobal ja caniꞌ yataj chique chiquijujunal rmal ja rEspíritu Santo.

Hechos 24:25

Ja cꞌa Pablo ja tok xekaji xumaj tzij ruqꞌuin ja Félix, xumaj rchꞌobic chwach nak rbanic ja tok nawcꞌaj jun utzlaj cꞌaslemal chwach ja Dios, in jun chic, nak rbanic ja tok nakꞌil awiꞌ chawij utzcꞌa chi mataban ja ritzelal, in jun chic, nak rbanic ja nimlaj juicio xin Dios ja penak. Ja cꞌa Félix arjaꞌ congana xbej riꞌ rmal ja tok xcꞌaxaj in quewaꞌ xbij tre ja Pablo riꞌ: —Mejor, ja camic jat. Nak kꞌij ja tok cꞌo tiempo chwe cꞌa tokoriꞌ xtintak chic acꞌamaric, neꞌ tre.

Hechos 26:28

Ja cꞌa rAgripa quewaꞌ xbij tre riꞌ: —Ja nachꞌob atat xa jurata ninachꞌec chi ninoc ewachbil ja rix xin Jesús, neꞌ tre.

Hechos 6:10

Pro ja tok ntzijoni ja rEsteban ejeꞌeꞌ maticanoy chic cumal nak la nquibij chic tre como congana tzꞌakat rnaꞌoj in ja rEspíritu Santo ucꞌayon rxin chi rbixic ja tzij.

Efesios 6:19

In tebanaꞌ orar pa ncuenta anin chakajaꞌ, tecꞌutuj tre ja Dios chi arjaꞌ ninrutoꞌ chi rbixic ja utzlaj tzij xin Jesucristo, jariꞌ ja utzlaj tzij ja rawatali nabey pro kꞌalasan chic camic. Ja tok xtinyaꞌ rbixic, Dios ta xtiyoꞌ chwe ja tzij ja nbij in xtuyaꞌ ta chwe chakajaꞌ chi matinxbej wiꞌ chi rbixic.

Santiago 1:5

Ja wi ecꞌoli chewe wi cꞌo jeꞌe ja matichꞌobtaj cumal nak rjawaxic chi nqueban tiquicꞌutuj tre ja Dios, arjaꞌ nuyaꞌ chique chi nchꞌobtaj cumal nak nqueban. Arjaꞌ nuyaꞌ chique xa nak ta necꞌutun tre in nojel rucꞌuꞌx nuyaꞌ chique, ma pa chꞌolinem ta.