San Lucas 20:24 - Tz'utujil (Ja Cꞌacꞌa Chominem)

²⁴ Tecꞌutuꞌ jun ja pwok chinwach, neꞌ chique. Ja cꞌa tok quecꞌut ja pwok chwach quewaꞌ xbij chic chique riꞌ: —¿Chok xin ja wiꞌaj cꞌo chwach ja pwok riꞌ in nak chok xin ja biꞌaj tzꞌibtal chwach chakajaꞌ? neꞌ chic chique. —Rxin César, xecheꞌ tre.

Tz'utujil NT

²⁴ Tec'tu' jun pak chenwech, cara' xbij chca. Tak xquec'ut pak chwech cawra xbij chca: —¿Nak chuxin plaj jc'ola chwech pak y nak chuxin bi'aj tz'ibtanak chwech chka'? cara' xbij chca. —Rxin César, cara' xecbij tzra.

San Lucas 20:24 Iomraidhean Croise

San Mateo 18:28

Pro jariꞌ ajsamajel tok xelel chaka jalal tok quecꞌul quiꞌ ruqꞌuin jun chic rach ajsamajel in cꞌo rucꞌas ja rach ajsamajel ruqꞌuin pro xa jun ciento quetzal ja rucꞌas. Cꞌacꞌariꞌ xuchap chi rukul: —Tatojoꞌ ja racꞌas wqꞌuin, neꞌ tre.

San Mateo 20:2

Ja trata xuban cuqꞌuin ja rmoso, jun quetzal nuyaꞌ chique ja jun kꞌij. Ja cꞌa tok tzur trata rmal xerutak chipan ja rtijcoꞌm.

San Mateo 22:20

—¿Chok xin ja wiꞌaj cꞌo chwach ja pwok riꞌ in nak chok xin ja biꞌaj tzꞌibtal chwach chakajaꞌ? neꞌe ja Jesús chique.

Marcos 12:16

In quecꞌut ja pwok chwach. —¿Chok xin ja wiꞌaj cꞌo chwach ja pwok riꞌ in nak chok xin ja biꞌaj tzꞌibtal chwach chakajaꞌ? neꞌe ja Jesús chique. —Rxin César, xecheꞌ tre.

San Lucas 2:1

Jariꞌ tiempo cꞌo jun censo bani. Cꞌo jun nimlaj rey triꞌ, César Augusto rubiꞌ, arjaꞌ xuyaꞌ jun orden chi nba̱n censo chique ja winak ja recꞌo pa tak nación pro ni canojelal.

San Lucas 20:22

Camic tabij chake, ja rimpuesto ja ncꞌutux chake rmal ja César ja nimlaj rey aj Roma ¿la rubey cꞌariꞌ chi nkatoj owi ma rubey ta? xecheꞌ tre.

San Lucas 20:23

Pro ja Jesús arjaꞌ bien rotak chi xa banoj engaño ja nqueban in quewaꞌ xbij chique riꞌ: —¿Nak tre tok newajoꞌ ninecꞌambajaj?

San Lucas 20:25

—Ja rxin César tre César teyaꞌaꞌ wiꞌ, ja cꞌa rxin Dios tre Dios teyaꞌaꞌ wiꞌ, xecheꞌxi rmal ja Jesús.

San Lucas 23:2

Ja cꞌa tok xeꞌekaji quemaj rbixic juleꞌ ril ja Jesús: —Ajoj katzꞌaton ja nuban alaꞌ jun achi leꞌ, xa ntajini nuyoj quinaꞌoj ja kach tak aj Israel. Arjaꞌ nbij chique ja winak chi ma rubey ta ja nquetoj ja rimpuesto pa rukꞌaꞌ ja César ja nimlaj rey. In jun chic, nucoj riꞌ como Cristo, tibij cꞌa tzij ariꞌ chi nucoj riꞌ como jun rey, xecheꞌ tre ja Pilato.

San Lucas 3:1

Ja cꞌa Juan ja rcꞌajol Zacarías arjaꞌ xerilaꞌ ja kꞌij ja tok tzijoni ja Dios ruqꞌuin pa jun lugar ja kas talan wiꞌ tokoriꞌ pa rtiempo ja nimlaj rey rbinaꞌan Tiberio César. Ja cꞌa Tiberio César olajuj junaꞌ toqui ja pa kꞌetbaltzij ja tok tzijoni ja Dios ruqꞌuin ja Juan. In juleꞌ chic ja rachiꞌiꞌ ja reꞌocnak kꞌetol tak tzij chipan ariꞌ tiempo quewaꞌ quebiꞌ riꞌ. Jun, Poncio Pilato rubiꞌ, arjaꞌ ocnak gobernador xin Judea. Jun chic, Herodes rubiꞌ, pa rukꞌaꞌ arjaꞌ cꞌo wiꞌ ja departamento Galilea. Jun chic, Felipe rubiꞌ rchꞌalal ja Herodes, pa rukꞌaꞌ arjaꞌ cꞌo wiꞌ ja caꞌiꞌ lugar Iturea in Traconite. In jun chic, Lisanias rubiꞌ, pa rukꞌaꞌ arjaꞌ cꞌo wiꞌ ja lugar Abilinia. Ja rachi ja rocnak lokꞌlaj sacerdote triꞌ Anás rubiꞌ rachbil Caifás.

Hechos 11:28

Ja cꞌa tok xeꞌekaji cꞌo jun chique Agabo rubiꞌ, arjaꞌ peꞌi chiquewach ja kachꞌalal in xbij chique ja bin tre rmal ja rEspíritu Santo, quewaꞌ xbij chique riꞌ: —Cꞌo jun nimlaj waꞌal penak chwach ja rwachꞌulew, neꞌ chique. In queriꞌ xuban cꞌo jun nimlaj waꞌal peti pa rtiempo ja Claudio ja nimlaj rey xin Roma.

Hechos 26:32

Ja cꞌa rAgripa xbij tre ja Festo: —Utz ta wasaxel ta libre ja rachi ja maquita xcꞌutuj ja César chi arjaꞌ nkꞌeto tzij trij, neꞌ tre.

Filipenses 4:22

Ja kachꞌalal ja re xin Dios ja nesamaji pa rochoch ja César ja lokꞌlaj rey aj Roma ejeꞌeꞌ nquetakel rutzil ewach chakajaꞌ in queriꞌ nqueban canojel ja kachꞌalal.