San Lucas 20:23 - Tz'utujil (Ja Cꞌacꞌa Chominem)

²³ Pro ja Jesús arjaꞌ bien rotak chi xa banoj engaño ja nqueban in quewaꞌ xbij chique riꞌ: —¿Nak tre tok newajoꞌ ninecꞌambajaj?

Tz'utujil NT

²³ Per Jesús arja' bien rutkin che xe engaño quemjon rij y cawra xbij chca ra: —¿Nak tzra tak newajo' cneban probar?

San Lucas 20:23 Iomraidhean Croise

San Mateo 16:1

Ecꞌo cꞌa juleꞌ fariseo e cachbil juleꞌ saduceo, ejeꞌeꞌ xeꞌekaj ruqꞌuin ja Jesús. Cꞌoli quicꞌaxaj tre pro xa nquicꞌambajbej rxin, quewaꞌ quibij tre riꞌ: —Tabanaꞌ jun milagro ja ncꞌutu chikawach chi Dios yoyon chawe ja poder ja cꞌo pan akꞌaꞌ, xecheꞌ tre.

San Mateo 22:18

Pro ja Jesús arjaꞌ bien rotak ja ritzelal ja ncajoꞌ nqueban tre in quewaꞌ xbij chique riꞌ: —Cacaꞌ epalaj ¿nak tre tok newajoꞌ ninecꞌambajaj?

San Lucas 20:20

Quemaj rcanoxic rij rwach nak nqueban tre. Ecꞌo juleꞌ winak xequetakel ruqꞌuin chi rcꞌambajaxic pro juleꞌ winak nquikꞌalasaj quiꞌ chwach chi e utzlaj tak winak utzcꞌa chi cꞌo jun tzij nelto pa ruchiꞌ in jariꞌ tzij nquichapbej rxin como cꞌo quigana nquejach pa rukꞌaꞌ ja gobernador utzcꞌa chi nkꞌe̱t tzij trij.

San Lucas 20:22

Camic tabij chake, ja rimpuesto ja ncꞌutux chake rmal ja César ja nimlaj rey aj Roma ¿la rubey cꞌariꞌ chi nkatoj owi ma rubey ta? xecheꞌ tre.

San Lucas 20:24

Tecꞌutuꞌ jun ja pwok chinwach, neꞌ chique. Ja cꞌa tok quecꞌut ja pwok chwach quewaꞌ xbij chic chique riꞌ: —¿Chok xin ja wiꞌaj cꞌo chwach ja pwok riꞌ in nak chok xin ja biꞌaj tzꞌibtal chwach chakajaꞌ? neꞌ chic chique. —Rxin César, xecheꞌ tre.

San Lucas 5:22

Pro ja Jesús arjaꞌ bien rotak ja netajini nquechꞌob kaj pa tak canma in xbij chique: —¿Nak tre tok queriꞌ nechꞌob kaj pa tak ewanma?

San Lucas 6:8

Pro ja Jesús arjaꞌ rotak ja quimajon rchꞌobic in xbij tre ja rachi ja siquirnak rukꞌaꞌ: —Catyictaji in catpeꞌe waweꞌ chikacojol, neꞌ tre. Ja cꞌa rachi yictaji in peꞌi chiquicojol.

Hechos 13:10

in quewaꞌ xbij tre riꞌ: —Atat xa at banol engaño, xa at itzel achi, xa at ralcꞌwal diablo, ni mta wiꞌ agana ruqꞌuin ja rutzil. ¿Nak cꞌa tre ja tok nachꞌaꞌ ja rtzobal Dios? ¿Nak cꞌa tre ja tok matayaꞌ lugar chique ja winak chi nquinimaj?

1 Corintios 10:9

In jun chic, maxta kas kꞌalawachili tikamaj rcꞌambajaxic janiꞌ rpaciencia ja kajaw Dios xtikaban ta ja ma utz ta xtikabij ta chi mta nuban chake ja caniꞌ queban juleꞌ chique. Como xuban jutij ecꞌoli chique xetiꞌ cumal cumatz in xecami pro rumac ja xajutij quimajon rcꞌambajaxic rpaciencia ja kajaw Dios tok ban queriꞌ chique.

1 Corintios 3:19

Queriꞌ nbij chewe como ja nimak tak naꞌoj ja xa xin rwachꞌulew jariꞌ xa pa tzꞌanem nco̱j wiꞌ rmal ja Dios. Caniꞌ tzꞌibtal can chipan ja rtzobal Dios quewaꞌ nbij riꞌ: —Ja Dios arjaꞌ xa caniꞌ pa trampa neruyaꞌ wiꞌ ja winak ja congana cotak como ja nimak tak naꞌoj nquecoj xa noc caniꞌ jun trampa ja nchapo quixin, neꞌe.

Efesios 4:14

Pro bien ntzꞌakat na ja kanaꞌoj utzcꞌa chi ma ok caniꞌ chi ta juleꞌ acꞌalaꞌ utzcꞌa chi ma chaka ta nojel tijonem ta nkanimaj caniꞌ tre juleꞌ tijonem ja xa quixin juleꞌ winak ja rebanol engaño, juleꞌ winak ja congana e listo in natqueyaꞌ pa jun bey ja ma xin Dios ta.

Hebreos 4:13

Ja Dios ni majun nak ta ja rawatal ta chwach, nojel ncaꞌy wiꞌ, ni majun ja maquita nutzꞌat, chwach cꞌa nekajachaꞌ na wiꞌ cuenta.