San Lucas 20:21 - Tz'utujil (Ja Cꞌacꞌa Chominem)

²¹ Ja cꞌa tok xeꞌekaj ruqꞌuin quewaꞌ quibij tre riꞌ: —Maestro, ajoj kotak chi ni rubey wiꞌ ja nattajini nabij, ni rubey wiꞌ ja tijonem ja ramajon ryaꞌic. Ajoj kotak chi atat mta jun utz in mta jun itzel natzꞌat pro ja rbey Dios amajon rcꞌutic chikawach ni utz wiꞌ naban chi rbixic.

Tz'utujil NT

²¹ Tak xe'ekaja ruq'uin cawra xecbij tzra: —Maestro, ajoj kutkin ne rbeyal wa' jamjon rbixic, ne rbeyal wa' jtijonem jamjon rya'ic. Ajoj kutkin che atet nmajo'n jun utz y nmajo'n jun itzel ta natz'et, per nrubey Dios amjon rc'utic chkawech y nwen naban tzra che rbixic.

San Lucas 20:21 Iomraidhean Croise

San Mateo 22:16

In xequetak ja quidiscípulo ejeꞌeꞌ, xecachbilajel juleꞌ chic winak ja recꞌo chipan ja partido rxin Herodes, xebe ruqꞌuin ja Jesús. Ja cꞌa tok xeꞌekaj ruqꞌuin quewaꞌ quibij tre riꞌ: —Maestro, ajoj kotak chi atat majutij natzꞌak ta tzij in chakajaꞌ ja rbey Dios amajon rcꞌutic chikawach ni utz wiꞌ naban chi rbixic. Ajoj kotak chi majun nak ta nacoj wiꞌ awiꞌ como atat mta jun utz in mta jun itzel natzꞌat.

Marcos 12:14

Ja cꞌa tok xeꞌekaj ruqꞌuin quewaꞌ quibij tre riꞌ: —Maestro, ajoj kotak chi atat majutij natzꞌak ta tzij. Kotak chi majun nak ta nacoj wiꞌ awiꞌ como atat mta jun utz in mta jun itzel natzꞌat pro ja rbey Dios amajon rcꞌutic chikawach ni utz wiꞌ naban chi rbixic. Camic tabij chake, ja rimpuesto ja ncꞌutux chake rmal ja César ja nimlaj rey aj Roma ¿la rubey cꞌariꞌ chi nkatoj owi ma rubey ta? ¿La nkayaꞌ owi ma can ta? ¿Nak nabij atat tre? Queriꞌ quibij tre.

San Lucas 20:20

Quemaj rcanoxic rij rwach nak nqueban tre. Ecꞌo juleꞌ winak xequetakel ruqꞌuin chi rcꞌambajaxic pro juleꞌ winak nquikꞌalasaj quiꞌ chwach chi e utzlaj tak winak utzcꞌa chi cꞌo jun tzij nelto pa ruchiꞌ in jariꞌ tzij nquichapbej rxin como cꞌo quigana nquejach pa rukꞌaꞌ ja gobernador utzcꞌa chi nkꞌe̱t tzij trij.

San Lucas 20:22

Camic tabij chake, ja rimpuesto ja ncꞌutux chake rmal ja César ja nimlaj rey aj Roma ¿la rubey cꞌariꞌ chi nkatoj owi ma rubey ta? xecheꞌ tre.

San Juan 3:2

Xuban cꞌa jutij xekaji ja Nicodemo ruqꞌuin ja Jesús chakꞌaꞌ in xumaj tzij ruqꞌuin, quewaꞌ xbij tre riꞌ: —Rabí, ajoj kotak chi atat at jun tijonel attakonto rmal ja Dios como anin wotak chi majun winak xticowin ta xtuban ta ja nimak tak milagro ja ramajon rbanic atat ja wi mta ja Dios ruqꞌuin, neꞌ tre.

2 Corintios 2:17

Pro ajoj nkaban jawaꞌ samaj riꞌ como ma ok junan ta cuqꞌuin ja juleꞌ chic winak ja xa por interés nquexol ja rtzobal Dios ruqꞌuin juleꞌ itzel tak tijonem. Pro ajoj tok nkayaꞌ rbixic ja rtzobal Dios nojel kacꞌuꞌx nojel kanma nkayaꞌ, Dios nyoꞌ chake ja nkabij, arjaꞌ nokrutzꞌat, xa jun kabanon ruqꞌuin ja Cristo chi rbixic.

Gálatas 1:10

Ja cꞌa xinbij chewe riꞌ triꞌ cꞌa netzꞌat wiꞌ chi ma ja ta ninoclaꞌ il tre ja xtinchꞌec ta quigana winak pro ja nintajini nyaꞌ rgana jariꞌ ja Dios. Ja wixta cꞌa ninoclaꞌ il tre ja xtinchꞌec quigana winak jariꞌ ma in ajsamajel ta cꞌariꞌ rxin ja Cristo.

Gálatas 2:6

Xoktzijon cuqꞌuin ja kachꞌalal ja más na nimak quekꞌij netzꞌa̱t cumal ja juleꞌ chic pro ja chwe anin xa junan wi nimak quekꞌij owi ma nimak ta quekꞌij como ja Dios arjaꞌ ma jun ta utz nutzꞌat in ma jun ta itzel. In tok xoktzijon cuqꞌuin ni majun nak ta quibij ta chwe ja majaꞌn tikꞌalasax chic chinwach triꞌ rmal ja Dios.