San Lucas 20:17 - Tz'utujil (Ja Cꞌacꞌa Chominem)

¹⁷ Ja cꞌa Jesús kas xertzꞌelwachij in quewaꞌ xbij chique riꞌ: —¿Nak moda ja maquita xtibantaj cumplir como quewaꞌ tzꞌibtal can chipan ja rtzobal Dios riꞌ: —Ja banol jay cꞌo jun abaj ja mta quigana ruqꞌuin in quechꞌaꞌ pro jariꞌ abaj cojon chic chi rbanic ja jay, arjaꞌ ja más nim rukꞌij como arjaꞌ nchapowi ja resquinaꞌil, queriꞌ nbij ja rtzobal Dios.

Tz'utujil NT

¹⁷ Ja' Jesús xera' xertz'ulchij y cawra xbij chca ra: —Nak tzra mquita xtbantaja cumplir com cawra tz'ibtanak cana chpam rtzojbal Dios: —Je e bnoy jay c'ola jun abaj majo'n cgan tzrij y xecch'ojquij, per jara' abaj csan chic che rbanic jay, arja' más na nim ruk'ij com arja' nechpowa resquin-il jay, cara' nbij rtzojbal Dios.

San Lucas 20:17 Iomraidhean Croise

San Mateo 21:42

Ja cꞌa Jesús arjaꞌ xbij chic chique: —¿La mta cꞌa jutij esiqꞌuin chipan ja rtzobal Dios jawaꞌ jun tzij riꞌ? —Ja banol jay cꞌo jun abaj ja mta quigana ruqꞌuin in quechꞌaꞌ pro jariꞌ abaj cojon chic chi rbanic ja jay, arjaꞌ ja más nim rukꞌij como arjaꞌ nchapowi ja resquinaꞌil. Jariꞌ samaj kajaw Dios banowi in kas ncꞌascꞌoꞌi nkatzꞌat, neꞌe.

Marcos 10:23

Ja cꞌa Jesús xertzꞌelwachij ja rdiscípulo in quewaꞌ xbij chique riꞌ: —Ja biyomaꞌ congana cꞌayew chique chi neꞌoc chipan ja gobierno xin Dios, neꞌ chique.

Marcos 12:10

¿La mta cꞌa jutij esiqꞌuin chipan ja rtzobal Dios jawaꞌ jun tzij riꞌ? —Ja banol jay cꞌo jun abaj ja mta quigana ruqꞌuin in quechꞌaꞌ pro jariꞌ abaj cojon chic chi rbanic ja jay, arjaꞌ ja más nim rukꞌij como arjaꞌ nchapowi ja resquinaꞌil.

Marcos 3:5

Cꞌacꞌariꞌ pi ryewal ja Jesús chiquij in xertzꞌelwachij, congana bison cumal rumac ja ni mta wiꞌ quigana nchꞌobtaj cumal ja xbij chique. In xbij chic tre ja rachi ja siquirnak jun rukꞌaꞌ: —Tayukuꞌ ja rakꞌaꞌ, neꞌ tre. Ja cꞌa rachi xumaj ryukic ja rukꞌaꞌ in tzuri.

San Lucas 19:41

Xcꞌa janiꞌ xenakajin más tre ja Jerusalén. Ja cꞌa Jesús tok xutzꞌat pon ja tinamit xumaj okꞌej rmal,

San Lucas 22:37

Queriꞌ nbij chewe como anin puersa ninkꞌax na chipan ja tzꞌibtal can chwe chipan ja rtzobal Dios, quewaꞌ tzꞌibtal can chwe riꞌ: —Arjaꞌ xa junan ban tre ja caniꞌ nba̱n chique ja ritzel tak winak. Queriꞌ ja tzꞌibtal can chwe in puersa nbantaj na cumplir como nojel ja tzꞌibtal can chwe jariꞌ ntajini nbantaj cumplir, neꞌe ja Jesús chique.

San Lucas 22:61

Ja cꞌa kajaw Jesucristo arjaꞌ xuyaꞌ vuelta in xtzꞌelwachij ja Pedro. Ja cꞌa Pedro xurkaj tre ja bin tre rmal ja Jesús, quewaꞌ bin tre riꞌ: —Ja tok majaꞌn tokꞌi ja acꞌ, oxmul xtabij na chwe chi: —Anin ma wotak ta rwach ja Jesús, natcheꞌ na chwe. Queriꞌ ja bin tre rmal ja Jesús.

San Lucas 24:44

Cꞌacꞌariꞌ xbij chique: —Camic bantaj cumplir ja tzij ja xinbij chewe tokoriꞌ tok majaꞌn quincami como ja xinbij chewe chi puersa nbantaj na cumplir nojel ja tzꞌibtal can chwe chipan ja rtzobal Dios caniꞌ tre ja tzꞌibtal can rmal ja Moisés in cumal ja juleꞌ chic profeta xin Dios in chakajaꞌ ja tzꞌibtal can chwe chipan ja libro xin salmo, neꞌ chique.

San Juan 15:25

Queriꞌ nqueban utzcꞌa chi nbantaj cumplir ja tzꞌibtal can chwe chipan ja ley xin Dios ja cꞌo cuqꞌuin, quewaꞌ nbij riꞌ: —Ejeꞌeꞌ xa itzel xinquetzꞌat pro chaka queriꞌ mta wil, mta xinban chique. Queriꞌ ja tzꞌibtal can.

Hechos 4:11

Ja Jesús arjaꞌ caniꞌ jun abaj ja más na nim rukꞌij chi rbanic jun jay como jariꞌ abaj jariꞌ nchapowi ja resquinaꞌil ja jay. Pro ixix ix caniꞌ juleꞌ banol tak jay ja xa nquechꞌaꞌ ja rabaj ja más na nim rukꞌij como mta egana ruqꞌuin ja Jesús, xa itzel xetzꞌat.

Efesios 2:20

Ixtiquil parwiꞌ ja rsimientoꞌil jun templo. Ja rsimientoꞌil jawaꞌ templo riꞌ jariꞌ cojon cumal ja rapóstol in cumal ja profeta in cꞌo jun abaj cojon tre ja más chi na nim rukꞌij, jariꞌ abaj ja Cristo Jesús.

1 Pedro 2:6

Caniꞌ tzꞌibtal can chipan ja rtzobal Dios quewaꞌ nbij ja Dios ja ncꞌambex tzij riꞌ: —Anin cꞌo jun lokꞌlaj abaj ja nmajon rcojic chi rbanic ja templo wxin. Chipan ja tinamit Sión ncoj wiꞌ ja rabaj. Jariꞌ abaj anin xinchaꞌowi, congana nim rukꞌij. Ja winak ja nyukeꞌ quecꞌuꞌx ruqꞌuin ejeꞌeꞌ ma xtiqueyaꞌ ta queqꞌuix pro nquewil na ja rutzil ja cayben. Queriꞌ ja tzꞌibtal can.