San Lucas 20:16 - Tz'utujil (Ja Cꞌacꞌa Chominem)

¹⁶ Ja nuban, arjaꞌ npeti neꞌurcamsaj ja rajchonlaꞌiꞌ, ja cꞌa rchenoj nuyaꞌ chic jutij pa kajonem chique juleꞌ chic ajchonlaꞌiꞌ, neꞌ chique. Ja cꞌa winak tok quicꞌaxaj ja xbij ja Jesús quewaꞌ quibij tre riꞌ: —Ja cꞌa xabij kaj leꞌ congana cꞌayew, maquita xtibantaj cumplir, xecheꞌ tre.

Tz'utujil NT

¹⁶ Jnuban, arja' npeta y nquercamsaj ajchental, y je rchinoj nuya' chic jmul pe kjonem chca jle' chic ajchental, cara' xbij chca. Je' wnak tak xecc'axaj je xbij Jesús cawra xecbij tzra ra: —Jxabij kaj la congan lowlo', mquita xtba'n ta cumplir, cara' xecbij tzra.

San Lucas 20:16 Iomraidhean Croise

San Mateo 21:34

Ja tok nakajinto ja tiempo ja xtiwachin wiꞌ ja rtijcoꞌm, arjaꞌ ecꞌo juleꞌ rmoso xerutakel cuqꞌuin ja rajchonlaꞌiꞌ chi nequicꞌamaꞌ ja renta.

San Mateo 21:41

—Arjaꞌ ni ma jutzꞌit npokonaj quewach alaꞌ ja ritzel tak winak nabij leꞌ, nercamsaj, ja cꞌa rchenoj nuyaꞌ chic jutij pa kajonem chique juleꞌ chic ajchonlaꞌiꞌ ja cotak nquetoj ja renta tok nerilaꞌ ja tiempo chi nquetoj, xecheꞌ tre.

San Mateo 22:7

Ja cꞌa rey tok xekaj rbixic ruqꞌuin ja bantaji arjaꞌ congana pi ryewal, xerutakel ja rsoldado, xequicamsaj ja camsanelaꞌ in quiporoj ja quitinamit.

Marcos 12:9

Camic tebij cꞌa chwe, ja rajaw chenoj ¿nak nuban cꞌariꞌ? Ja nuban, arjaꞌ npeti, neꞌurcamsaj ja rajchonlaꞌiꞌ, ja cꞌa rchenoj nuyaꞌ chic jutij pa kajonem chique juleꞌ chic ajchonlaꞌiꞌ.

San Lucas 19:27

Ja cꞌa winak ja xa itzel ninquetzꞌat ja mta quigana chi xinoc rey pa quewiꞌ queꞌecꞌamaꞌto camic, ni chinwach queꞌecamsaj wiꞌ, neꞌe ja rey chique ja rajsamajelaꞌ. Queriꞌ ja cꞌambal tzij ja xbij ja Jesús chique ja winak.

San Lucas 20:15

Cꞌacꞌariꞌ quiwasajto chipan ja chenoj in quicamsaj. Queriꞌ nbij ja cꞌambal tzij, neꞌe ja Jesús chique. Cꞌacꞌariꞌ xbij chic chique: —Camic tebij cꞌa chwe, ja rajaw chenoj ¿nak nuban cꞌariꞌ?

Hechos 13:46

Ja cꞌa Pablo in Bernabé ejeꞌeꞌ matiquixbej quiꞌ chiquewach, quewaꞌ quibij chique riꞌ: —Ni rjawaxic wiꞌ chi chewe ixix kabij wiꞌ ja rtzobal Dios nabey pro como mta egana ruqꞌuin jariꞌ nekꞌalasbej chi ma yatal ta chewe chi newil ja utzlaj cꞌaslemal ja mta qꞌuisic trij. Rmalcꞌariꞌ ja tok nokbe chic cuqꞌuin ja winak ja ma e aj Israel ta.

Romanos 11:1

Pro majutij techꞌob chi ja Dios erchꞌakin can ta ja raj Israel como in aj Israel anin chakajaꞌ. Como anin in riy rumam can ja rAbraham, ruqꞌuin ja tribu xin Benjamín inpenak wiꞌ.

Romanos 11:11

Queriꞌ cꞌa queban ja tinamit Israel, ma xquewil ta ja totajem xin Dios pro ¿la tibij cꞌa tzij ariꞌ chi ni mchita wiꞌ chomtajic chiquij? ¿La queriꞌ ja rchominto ja Dios? Jariꞌ ma queriꞌ ta pro quewaꞌ rbanic riꞌ. Ja raj Israel tok ma xquinimaj ta ja Jesucristo rmalcꞌariꞌ tok xekaj chic rbixic ja totajem xin Dios cuqꞌuin ja winak ja ma e aj Israel ta. Queriꞌ rchominto ja Dios utzcꞌa chi ja raj Israel pokon xtiquenaꞌ rmal utzcꞌa chi npi chic jutij quigana chi nquinimaj ja Jesucristo.

Romanos 3:31

Ja cꞌa tok yukul chic kacꞌuꞌx ruqꞌuin ja Jesucristo ¿la tibij cꞌa tzij ariꞌ chi mchita rsamaj chake ja ley xin Dios? Jariꞌ ma queriꞌ ta. Pro ja kas rubey, ja tok yukul kacꞌuꞌx ruqꞌuin ja Jesucristo jariꞌ más chi na nkanimaj ja ley xin Dios.

Romanos 3:4

Jariꞌ ni ma can ta wiꞌ. Ja cꞌa rok winak nixtacꞌa jun chake ja maquita xtutzꞌak ta tzij pro ja Dios ma queriꞌ ta, arjaꞌ ni katzij wiꞌ nojelal ja nbij. Caniꞌ tzꞌibtal can chipan ja rtzobal Dios quewaꞌ nbij riꞌ: —Queriꞌ cꞌa rbanic nataꞌ Dios utzcꞌa chi puersa xtikꞌalajin na chi atat ni utz wiꞌ ja naban, ni rubey wiꞌ nojelal ja nabij in tok wi cꞌoli xtichꞌaꞌ chawe pro nij atat wiꞌ xcatchꞌocmaji, neꞌe.

Romanos 3:6

Ja cꞌa Dios arjaꞌ ni mta wiꞌ moda xtuban ta ja ma rubey ta. Mta moda como ja Dios wixta cꞌoli ja ma rubey ta xtuban ¿nak ta cꞌa moda ariꞌ xticowin ta xtukꞌet ta tzij chakij ja rok winak?

Romanos 6:15

Ja cꞌa camic, como xa nsipax chake ja totajem xin Dios in mta rukꞌaꞌ ja ley chake ¿la tibij cꞌa tzij ariꞌ chi ok libre chic chi nkaban ja il mac? Jariꞌ congana itzel na wixta queriꞌ rbanic.

Romanos 6:2

Pro jariꞌ congana itzel na ja xtikaban ta queriꞌ. Ja cꞌa tok kanimaj ja Jesucristo xokoc caniꞌ ok camnakiꞌ chwach ja il mac, matikasil chic kiꞌ chi rbanic ja il mac. Ja cꞌa camic ¿nak moda xtikasil chi ta jutij kiꞌ chi rbanic ja il mac?

Romanos 7:13

Pro wi utzil nrajoꞌ ja mandamiento chwe ¿la rumac cꞌariꞌ ja mandamiento tok xinnaꞌ kaj chi xa camíc yatal chic chwij? Jariꞌ ma rumac ta mandamiento pro rumac ja il mac. Queriꞌ rbanic utzcꞌa chi bien nchꞌobtaj kumal nak ja kas mero rbanic ja il mac utzcꞌa chi nkotakij chi congana itzel na ja il mac.

Romanos 7:7

Ja wi queriꞌ rbanic ja ley xin Dios ¿nak cꞌa nkabij tre nechꞌob ixix? ¿La xa itzel ja ley? Ma itzel ta. Ja cꞌa wixta maquita cꞌoli ja ley maquita nchꞌobtaj ariꞌ mwal nak ja kas mero rbanic ja il mac. Ja ley nbij chi: —Maxta chaka benak chi nayarij quinakun winak, neꞌe. Pro ja wixta maquita cꞌoli ja ley maquita xinwotakij ariꞌ chi xa il mac ja nayarij quinakun winak.

Romanos 9:14

¿La tibij cꞌa tzij ariꞌ chi ma rubey ta ja nuban ja Dios? Jariꞌ mta moda xtuban ta ja ma rubey ta.

1 Corintios 6:15

¿La ma ewotak ta cꞌa chi ja recuerpo ixix jariꞌ ocnak miembro jeꞌe rxin ja rcuerpo ja Cristo? ¿La rubey ta cꞌariꞌ nechꞌob ixix newasajel jeꞌe miembro rxin ja rcuerpo ja Cristo in necoj chic ruqꞌuin ja rcuerpo jun itzel ixok? Ja queriꞌ congana itzel na.

Gálatas 2:17

Pro ajoj wi nkajoꞌ chi nokrutoꞌ ja Dios in nokrwasajel libre chipan ja kil kamac pro wi rmal ja xa jun nkaban ruqꞌuin ja Cristo tok nkaban queriꞌ jariꞌ matiyukeꞌ chic kacꞌuꞌx ruqꞌuin ja ley, xa ek ok junan cuqꞌuin ja ma e aj Israel ta, xa ok ajꞌil xa ok ajmaquiꞌ chakajaꞌ. Ja cꞌa wi queriꞌ rbanic ¿la tibij cꞌa tzij ariꞌ chi xa il mac xucoj can chakij ja Cristo? Mni, ma queriꞌ ta.

Gálatas 3:21

¿La tibij cꞌa tzij ariꞌ chi xa nchꞌojij riꞌ ja ley ruqꞌuin ja rutzil ja tzujun can rmal ja Dios? Mni, ma queriꞌ ta. Wixta cꞌo jun ley ja cowin ta xuqꞌuex ta ja kanaꞌoj in xuyaꞌ ta chake ja utzlaj cꞌaslemal ja mta qꞌuisic trij rmal ta cꞌariꞌ ley tok xoktotaji in xokwasaxel libre rmal ja Dios.

Gálatas 6:14

Pro anin nat cꞌo wariꞌ chwe ja xtinban ta queriꞌ. Pro ja rcamic ja kajaw Jesucristo chwach cruz solo jariꞌ ja nyaꞌ rukꞌij anin. Ja chwe anin caniꞌ ripon chic chwach cruz ja ritzelal xin rwachꞌulew in queriꞌ chwe anin chakajaꞌ in caniꞌ inripon chic chwach cruz, caniꞌ incamnak chic chwach ja ritzelal, mchita ngana ruqꞌuin.