San Lucas 20:14 - Tz'utujil (Ja Cꞌacꞌa Chominem)

¹⁴ Pro ja rajchonlaꞌiꞌ ja tok xekaji ja ralcꞌwalaxel cuqꞌuin quewaꞌ quibij chibil tak quiꞌ riꞌ: —Jalaꞌ jun achi leꞌ noc na pa rukꞌaꞌ ja rulew riꞌ como herencia. Camic kacamsaj utzcꞌa chi pa kakꞌaꞌ ajoj noc wiꞌ ja herencia rxin, xecheꞌe.

Tz'utujil NT

¹⁴ Per j-e' ajchental tak xekaja rlec'walxel cuq'uin cawra xecbij chbil tak qui': —Jala acha noc na pruk'a' julew com reherencia. Camic kcamsaj ch-utz c'ara' pkak'a' ajoj noc wa' reherencia, cara' xecbij.

San Lucas 20:14 Iomraidhean Croise

San Mateo 16:7

Ja cꞌa rdiscípulo ejeꞌeꞌ quemaj tzij chibil tak quiꞌ, quewaꞌ nquibij riꞌ: —Queriꞌ nbij chake rumac ja mta way kacꞌampi ta, xecheꞌe.

San Mateo 21:25

Camic tebij chwe, ja Juan Bautista ¿nak yoꞌ tre ja rsamaj chi neruban bautizar ja winak, la jaꞌ Dios ja cꞌo chilaꞌ chicaj ja yoꞌ tre owi xa winak? xecheꞌxi rmal ja Jesús. Ja cꞌa rejeꞌeꞌ quemaj tzij chibil tak quiꞌ: —Ja wi xtikabij tre chi Dios yoꞌ tre, arjaꞌ nbij chake: —Ja wi queriꞌ ¿nak cꞌa tre tok ma xenimaj ta? neꞌ alaꞌ chake.

San Mateo 21:34

Ja tok nakajinto ja tiempo ja xtiwachin wiꞌ ja rtijcoꞌm, arjaꞌ ecꞌo juleꞌ rmoso xerutakel cuqꞌuin ja rajchonlaꞌiꞌ chi nequicꞌamaꞌ ja renta.

San Lucas 19:47

Kꞌij kꞌij ni nertijoj wiꞌ ja winak chipan ja templo. Pro ja cꞌa maestro ja netijon quixin ja winak tre ja ley xin Dios e cachbil ja jefe quixin sacerdote ejeꞌeꞌ quemaj rcanoxic rij rwach nak nqueban tre chi nquicamsaj.

San Lucas 20:13

Ja tok qꞌuiswani quewaꞌ xbij ja rajaw chenoj riꞌ: —¿Nak nban cꞌawaꞌ camic? Como cꞌo jun ncꞌajol ja congana nwajoꞌ jariꞌ ntakel chic cuqꞌuin. Ja tok xtiquetzꞌat chi ncꞌajol matzij xtiqueban respetar, neꞌe.

San Lucas 20:15

Cꞌacꞌariꞌ quiwasajto chipan ja chenoj in quicamsaj. Queriꞌ nbij ja cꞌambal tzij, neꞌe ja Jesús chique. Cꞌacꞌariꞌ xbij chic chique: —Camic tebij cꞌa chwe, ja rajaw chenoj ¿nak nuban cꞌariꞌ?

San Lucas 20:19

Ja cꞌa jefe quixin sacerdote e cachbil ja maestro xin ley tok quicꞌaxaj ja cꞌambal tzij bien chꞌobtaj cumal chi ejeꞌeꞌ ja xebixi. Rmalcꞌariꞌ tok ni jariꞌ hora laj quechap ja Jesús quecoj ta preso pro xa nquixbej quiꞌ chiquewach ja winak.

San Lucas 20:5

Ja cꞌa rejeꞌeꞌ quemaj tzij chibil tak quiꞌ: —Ja wi xtikabij tre chi Dios yoꞌ tre, arjaꞌ nbij chake: —Ja wi queriꞌ ¿nak cꞌa tre tok ma xenimaj ta? neꞌ alaꞌ chake.

San Lucas 22:2

Ja cꞌa jefe quixin sacerdote e cachbil ja maestro ja netijon quixin ja winak tre ja ley xin Dios ejeꞌeꞌ quimajon rcanoxic rij rwach nak nqueban tre ja Jesús chi nquicamsaj. Queriꞌ queban como xa nquixbej quiꞌ chiquewach ja winak.

Hechos 2:23

Ja Dios xuyaꞌ lugar chewe chi xecamsaj ja Jesús como xejach pa quekꞌaꞌ ja winak ja ma cotakin ta ja rtzobal Dios in ejeꞌeꞌ querip chwach cruz. Ja Dios ni rotak wiꞌ ojer chi ja Jesús nja̱ch na pa quekꞌaꞌ ja netzelan rxin como arjaꞌ ni rchominto wiꞌ ojer chi niquirwariꞌ nba̱n tre.

Hechos 3:15

Xecamsaj ja Jesús ja Yoꞌl cꞌaslemal pro ja Dios arjaꞌ xuyaꞌ tre chi cꞌastaji chiquicojol camnakiꞌ. Jariꞌ katzꞌat ruqꞌuin kawach in kamajon rbixic camic.

Romanos 8:17

Caniꞌ nba̱n tre jun alcꞌwalaxel cꞌo jun herencia nja̱ch tre in queriꞌ cꞌa chake ajoj chakajaꞌ, cꞌo jun herencia xin Dios majaꞌn tijach chake, ajoj jun xtijach na chake ja herencia ruqꞌuin ja Cristo. Queriꞌ xtikaban ja wi ajoj jun chakajaꞌ matikapokonaj ja xtikatij rpokonal ja caniꞌ xuban ja Cristo utzcꞌa chi ajoj jun xtiyataj na chake chi nchꞌaꞌan chakij ja gloria xin Dios ja caniꞌ yatajnak tre ja Cristo.

Hebreos 1:2

Pro ja rbanon ja Dios camic chipan awaꞌ qꞌuisbal tak kꞌij rxin ja tiempo ja rokcꞌo wiꞌ riꞌ xucoj ja Ralcꞌwal chi arjaꞌ kꞌalasan chikawach ajoj janiꞌ ja rnaꞌoj. Xuyaꞌ tre ja Ralcꞌwal chi mta nak ta ja maquita noc na pa rukꞌaꞌ in xucoj ja Ralcꞌwal chakajaꞌ chi arjaꞌ winakarsani ja caj in rwachꞌulew.