San Lucas 20:1 - Tz'utujil (Ja Cꞌacꞌa Chominem)

¹ Kas cꞌa rmajon quitijoxic ja winak tre ja utzlaj tzij ja rcꞌamonto totajem xin Dios ja tok xeꞌurkaji ja jefe quixin sacerdote e cachbil ja maestro ja netijon quixin ja winak tre ja ley xin Dios e cachbil chakajaꞌ ja principaliꞌ xin tinamit.

Tz'utujil NT

¹ Kas remjon ctojxic wnak tzrij utzlaj tzij jrec'mon ta totanem rxin Dios tak xe'erkaja cjefe sacerdote e quexbil maestro je nquetijona cxin wnak tzrij rley Dios e quexbil chka' principal-i' rxin tnamet.

San Lucas 20:1 Iomraidhean Croise

San Mateo 26:55

Ja cꞌa riꞌ hora ja Jesús arjaꞌ xbij chique ja winak: —¿La in alakꞌom laꞌan chewiꞌ tok ecꞌamonto espada ecꞌamonto cheꞌ chwij chi nchapic? Pro xinqꞌuejeꞌ waꞌan chipan ja nimlaj templo xin Dios in kꞌij kꞌij xentijoj ja winak chipan pro ma xinechap ta waꞌan triꞌ.

San Lucas 20:2

Quewaꞌ quibij tre riꞌ: —Tabij cꞌa chake ¿nak atocnak wiꞌ chewiꞌ tok amajon rbanic nojel awaꞌ ja kamajon rtzꞌatic in nak yoyon chawe chi naban? xecheꞌ tre.

San Lucas 8:1

Xuban jun caꞌiꞌ kꞌij xumaj chic jutij bey ja Jesús, be pa tak tinamit in pa tak aldea chijujunal, nuyaꞌ rbixic ja rtzobal Dios in nuchꞌob chiquewach ja winak ja utzlaj tzij ja nucꞌut chikawach nak rbanic ja gobierno xin Dios. Xerachbilajel ja cablajuj apóstol.

San Juan 18:20

Ja cꞌa Jesús xbij tre: —Pro ma pan awatal ta waꞌan tok xinyaꞌ ja tijonem, ni chiquewach ja winak xintzijon wiꞌ. Xentijoj pa tak jay xin molbal riꞌil, xentijoj chipan ja nimlaj templo xin Dios como ni triꞌ wiꞌ nquemol wiꞌ quiꞌ ja raj Israel in ni majun nak ta ja chaka ta pan awatali xinbij chique.

Hechos 4:1

Ja Pedro rachbil Juan ejeꞌeꞌ cꞌa quimajon na tzij cuqꞌuin ja winak ja tok ecꞌo juleꞌ sacerdote xeꞌekaj cuqꞌuin e cachbil ja jefe quixin ja chajil templo e cachbil chakajaꞌ ja saduceo.

Hechos 6:12

Queriꞌ queban ja rachiꞌiꞌ, quetzꞌak tzij trij ja rEsteban in rmalariꞌ tok ja tinamit e cachbil ja principaliꞌ e cachbil chakajaꞌ ja maestro xin ley ejeꞌeꞌ xeyictaj trij. Ja cꞌa rachiꞌiꞌ tok xeꞌekaj ruqꞌuin ja rEsteban quechap in quecꞌamel chiquewach ja kꞌetol tak tzij.