San Lucas 2:9 - Tz'utujil (Ja Cꞌacꞌa Chominem)

⁹ Chaka cꞌa jalal ja tok cꞌo jun ángel winakar chiquewach takonto rmal ja kajaw Dios in cꞌoli ja gloria rxin ja kajaw Dios quetzꞌat, ntajini nuqꞌuiak riꞌ chiquij, congana quixbej quiꞌ rmal.

Tz'utujil NT

⁹ Chek q'uenjlal tak c'ola jun ángel xwankera chquewech tkon ta rmal Kajaw Dios, y xquetzu' regloria Kajaw Dios je ntajina nuq'uiek ri' chquij, congan xecxibej qui' rmal.

San Lucas 2:9 Iomraidhean Croise

San Mateo 1:20

Pro kas cꞌa queriꞌ rmajon rchꞌobic ja tok chaka jalal winakar jun ángel rxin ja kajaw Dios pa rwaram in xbij tre: —José ja rat riy rumam can ja rojer rey David, ma taxbej ta awiꞌ, tacꞌamaꞌ ja María como ja tacꞌal ja cꞌo pa gracia, Espíritu Santo samajin rxin.

San Lucas 1:28

Ja cꞌa tok xekaji ja ángel ja bar cꞌo wiꞌ ja María quewaꞌ xbij tre riꞌ: —María, ja Dios camic congana utz rbanon chawe, arjaꞌ cꞌol awqꞌuin. Camic más na utzil yaꞌon chawe atat rmal ja Dios chiquewach canojelal ja rixokiꞌ, neꞌ tre.

San Lucas 2:8

Ecꞌo cꞌa juleꞌ yukꞌul tak carnelo, triꞌ ecꞌo wiꞌ chinakaj ja tinamit Belén, quimajon quichajixic ja tak carnelo chakꞌaꞌ pa tak kꞌayis.

San Lucas 24:4

Congana sachnak quinaꞌoj rmal ja tok chaka jalal ecꞌo caꞌiꞌ achiꞌiꞌ xequetzꞌat epaꞌl pa tak quixquin, congana ncꞌacꞌoti ja quitziak.

San Juan 12:41

Queriꞌ rbin can ja rIsaías, tokoriꞌ xbij ja tok xutzꞌat ja gloria ja rcꞌan ja Kajaw in tok tzijon tre nak rbanic.

Hechos 12:7

Chaka cꞌa jalal ja tok xekaji ja ángel ruqꞌuin ja Pedro, ni sakari pa cheꞌ rmal. Ja cꞌa ángel arjaꞌ xuchapoc pa rupox ja Pedro chi rcꞌasic in quewaꞌ xbij tre riꞌ: —Catyictaji pro ni chanim riꞌ, neꞌ tre. Chaka jalal tok tzakel ja cadena chi rukꞌaꞌ ja Pedro.

Hechos 27:23

Queriꞌ nbij chewe como ja xakꞌak cꞌo jun ángel xin Dios winakar chinwach, jariꞌ Dios arjaꞌ Wajaw, anin in jun ajsamajel rxin.

Hechos 5:19

Pro cꞌo jun ángel xin Dios xurkaji chakꞌaꞌ, xujak ruchiꞌ ja cheꞌ in xerlasajto ja rapóstol. Ja cꞌa tok xelastajto quewaꞌ bix chique rmal ja ángel riꞌ:

2 Corintios 3:18

In ajoj kanojelal ja yukul kacꞌuꞌx ruqꞌuin ja kajaw Jesucristo majun nak ta botzben ta kapalaj, kamajon rtzꞌatic camic ja kajaw Jesucristo chi más kꞌaxnak chi na ruchꞌaꞌ Dios cꞌo ruqꞌuin. In como kamajon rtzꞌatic chi congana nim rukꞌij chewiꞌ tok noktajini nokqꞌuextaji, ntajini noqui ja kanaꞌoj ajoj ja caniꞌ rnaꞌoj arjaꞌ, xa janiꞌ npi más npi más ja ruchꞌaꞌ pa tak kanma. In nojel ariꞌ ruqꞌuin ja rEspíritu rxin ja kajaw Jesucristo npi wiꞌ.

2 Corintios 4:6

Queriꞌ kabanon como ja Dios arjaꞌ cꞌo jun luz rtakonto pa tak kanma ja caniꞌ xuban ojer tok xbij chi: —Tiwinakari ja luz, neꞌe, in winakari ja luz chipan ja kꞌekumal. Queriꞌ rbanon chake utzcꞌa chi nchꞌaꞌani ja luz xin Dios pa tak kanma in rmalariꞌ ja winak xticotakij na chi ruqꞌuin ja Jesucristo natzꞌat wiꞌ chi janila nim rukꞌij ja Dios.

1 Timoteo 3:16

Ni katzij wiꞌ chi congana nim rukꞌij ja rkꞌalasan chikawach ja Dios tre nojel ja rcꞌamonto ja Jesucristo. Quewaꞌ ja rkꞌalasan chikawach riꞌ. Ja Dios qꞌuejeꞌ waweꞌ chwachꞌulew, xoc kach winak. Kꞌalasax rmal ja rEspíritu Santo chi ni katzij wiꞌ nojel ja xbij tok qꞌuejeꞌ waweꞌ. In tzꞌat cumal ja ángel. Yaꞌ rbixic chique ja winak pa tak nación jeꞌe. In ecꞌoli chique ja winak nojel rwachꞌulew quinimaj. In joteꞌ pa gloria chilaꞌ chicaj. Queriꞌ ja rkꞌalasan chikawach ja Dios.

Hebreos 12:21

Ja quetzꞌat janila jun xbeben riꞌil rcꞌamonto chique chewiꞌ tok ja Moisés xbej riꞌ chakajaꞌ: —Anin congana ninbirbot rmal ja xbeben riꞌil, neꞌe.

Apocalipsis 18:1

Cꞌo chi cꞌa jun ángel xintzꞌat ntajini nkajto chilaꞌ chicaj, congana nim ja poder ja cꞌo pa rukꞌaꞌ. Arjaꞌ congana nchꞌaꞌani in ja rwachꞌulew congana nchꞌaꞌan rmal chakajaꞌ.

Apocalipsis 20:11

Cꞌacꞌariꞌ cꞌo jun nimlaj trono sak xintzꞌat in chakajaꞌ xintzꞌat ja tzꞌubul chipan. Qꞌuisi ja caj, qꞌuisi ja rwachꞌulew, ma xucochꞌ ta qꞌuejeꞌ ta chwach ja tzꞌubul chipan ja trono, sachi pro chijutij.