San Lucas 2:34 - Tz'utujil (Ja Cꞌacꞌa Chominem)

³⁴ Cꞌacꞌariꞌ ja Simeón arjaꞌ xcꞌutuj ja rutzil xin Dios pa quewiꞌ in quewaꞌ xbij tre ja María riꞌ: —Tacꞌwaxaj mpeꞌ ja xtinbij chawe riꞌ, jawaꞌ jun tacꞌal riꞌ arjaꞌ chaꞌon rmal ja Dios utzcꞌa chi rmal arjaꞌ ja tok e qꞌuiy chique ja kach tak aj Israel nekajsax na in e qꞌuiy chique chakajaꞌ netotaj na rmal. In jun chic, arjaꞌ ncꞌutu na chikawach ja kas mero rbey Dios pro jariꞌ xa nchꞌa̱ꞌ na tre cumal ja winak.

Tz'utujil NT

³⁴ C'jara' ja' Simeón xc'utuj utzil rxin Dios pquewá' y cawra xbij tzra María: —Tewc'axaj je xtenbij chawa ra, jawra ac'al ra arja' ch-on rmal Dios ch-utz c'ara' rmal ja' tak e q'uiy chca aj Israel nekasax na y e q'uiy chca chka' nquetotaja rmal. Jun chic, ja' nec'tuwa chkawech kas mer rubey Dios per jara' xe nch'ojquixa tzra cmal wnak.

San Lucas 2:34 Iomraidhean Croise

San Mateo 11:19

In xinpi chic anin ja rin Alcꞌwalaxel ja xinoc alaxic cuqꞌuin ja winak, xinwaꞌ cuqꞌuin ja winak in cꞌoli vino xintij in rmalariꞌ bix chwe cumal ja winak chi xa in mun in xa in tijol vino in xa e wamigo ja molol tak impuesto e cachbil ja juleꞌ chic ajmaquiꞌ. Pro ja cꞌa ralcꞌwal Dios ejeꞌeꞌ bien chꞌobtajnak cumal chi ja Juan Bautista rnaꞌoj Dios ja nucoj in queriꞌ chwe anin rnaꞌoj Dios ncoj chakajaꞌ. Queriꞌ xbij chique ja winak.

San Mateo 12:46

Ja Jesús cꞌa rmajon na tzij cuqꞌuin ja winak, ja cꞌa ruteꞌ in ja re rchꞌalal ecꞌo chwa jay in ncajoꞌ netzijon ruqꞌuin.

San Mateo 21:44

Xa nak ta ja xa junwiꞌ nutzꞌat ja rabaj ja xinbij chewe in xa nuban ofender riꞌ rmal jariꞌ caniꞌ nuban jun achi nuchokꞌ rkan chwach jun abaj in nkꞌaji. In xa nak ta ja nkꞌe̱t tzij trij rmal ja rabaj ja xinbij chewe jariꞌ caniꞌ nuban jun achi ntzakto jun abaj trij in nchictaj rmal, neꞌe ja Jesús chique.

San Mateo 27:63

in quewaꞌ quibij tre riꞌ: —Señor gobernador, ajoj bien nurkaj chake, ja rachi Jesús ja banol engaño, ja tok cꞌa cꞌas na cꞌo jun tzij xbij can quewariꞌ: —Pro ja chi rox kꞌij ncꞌastaj nwach. Queriꞌ ja xbij can.

San Lucas 2:35

Ja cꞌa xtaban atat, cꞌoli ja xtanaꞌ caniꞌ jun cuchilo xtimin ruqꞌuin ja rawanma. Rmal cꞌa ja tawal riꞌ tok e qꞌuiy ja winak bien nkꞌalajin na nak ja nquechꞌob kaj pa tak canma, neꞌ tre.

San Juan 3:20

Ja wi amajon rbanic ja ritzelal jariꞌ xa itzel natzꞌat ja luz, ni majun agana xcatekaj ta ja bar cꞌo wiꞌ ja luz. Queriꞌ naban utzcꞌa chi matotakixi ja ritzelal ja ramajon rbanic.

San Juan 5:18

Rmalcꞌariꞌ ja tok más chi na quemaj rchꞌobic nak nqueban tre chi nquicamsaj como caꞌiꞌ chic ja ril ja Jesús nquibij. Jun, xuban ja pa xulaꞌnbal kꞌij ja chꞌaꞌoj rij chi nbani, in jun chic, xucoj ja Dios como rtataꞌ in jariꞌ xa njunsbej riꞌ ruqꞌuin ja Dios.

Hechos 13:45

Pro ja raj Israel tok quetzꞌat chi congana e qꞌuiy ja winak congana quiakari ja canma. Quemaj rchꞌaꞌic tre ja Pablo ja nbij in cꞌo juleꞌ itzel tak tzij quibij tre.

Hechos 17:6

Pro ja tok ma xequewil ta cꞌacꞌariꞌ quechap ja Jasón, quichararajel in chakajaꞌ ecꞌo juleꞌ chic kachꞌalal xequechap in xequiyaꞌaꞌ chiquewach ja kꞌetol tak tzij xin tinamit. Ja cꞌa tok xeꞌekaji quemaj rakic quechiꞌ, quewaꞌ nquibij riꞌ: —Ecꞌo caꞌiꞌ achiꞌiꞌ quibinaꞌan Pablo in Silas, ejeꞌeꞌ ebenak nojel nat nakaj chwach ja rwachꞌulew chi quiyojic ja winak in camic eꞌurkajnak waweꞌ

Hechos 24:5

Jalaꞌ jun achi leꞌ xa ticol chꞌaꞌoj, nojel nat nakaj nbe wiꞌ in xa neruyoj ja kach tak aj Israel. Arjaꞌ cꞌayon quixin ja winak ja quiniman ja tijonem rxin ja rachi ja raj Nazaret.

Hechos 28:22

Pro camic cꞌo kagana nkacꞌaxaj nak ja raniman atat como nojel nat nakaj kacꞌaxan wiꞌ chi xa ma utz ta ja rereligión ja rix xin Jesús. Queriꞌ quibij tre.

Hechos 4:26

Ja rey xin rwachꞌulew ejeꞌeꞌ quichomij quiꞌ chi nqueban ja chꞌaꞌoj in chakajaꞌ ja kꞌetol tak tzij ejeꞌeꞌ quemol quiꞌ chi nechꞌojin wqꞌuin in ruqꞌuin ja Cristo ja nchaꞌon. Queriꞌ abin can.

Hechos 6:7

Ja cꞌa rtzobal Dios xa janiꞌ be más pa nim in congana xeqꞌuiyir más ja kachꞌalal pa Jerusalén. Congana e qꞌuiy chique ja sacerdote quinimaj ja rtzobal Dios chakajaꞌ in yukeꞌ quecꞌuꞌx ruqꞌuin ja Jesucristo.

Romanos 9:32

¿Nak tre tok ma ecowinnak ta? Ma ecowinnak ta como ja nquechꞌob ejeꞌeꞌ chi xa natij akꞌij ayon chi rbanic cumplir ja nbij ja ley xin Dios chake chi nkaban in utz neli ja racꞌaslemal rmal pro ni matiqueyaꞌ wiꞌ cuenta tre ja Cristo wi rjawaxic chi nyukeꞌ acꞌuꞌx ruqꞌuin owi mani. Ja cꞌa Jesucristo arjaꞌ caniꞌ jun abaj ja nqꞌuejeꞌ pa quebey in ja queban ejeꞌeꞌ caniꞌ quechokꞌ cakan chwach ja rabaj.

1 Corintios 1:23

Pro ja cꞌa rajoj nkayaꞌ rbixic ja Cristo pro jun Cristo ja camsax chwach cruz. Pro ja tok nkabij chi camsax chwach cruz ja Cristo jariꞌ xa ofensa rcꞌamonto chique ja raj Israel in chakajaꞌ ja ma e aj Israel ta xa pa tzꞌanem nquecoj wiꞌ.

Hebreos 7:1

Caniꞌ tzꞌibtal can chipan ja rtzobal Dios ja Melquisedec arjaꞌ rey xin jun tinamit Salem rubiꞌ, chakajaꞌ arjaꞌ sacerdote, nuban ja samaj xin Dios ja katzij chi Dios. Xuban jutij tre ja rAbraham xercꞌuluꞌ pa bey tokoriꞌ tok ja rAbraham ecꞌo juleꞌ rey ercamsan in melojto pa chꞌaꞌoj. Ja cꞌa rAbraham ban bendecir rmal ja Melquisedec.

Hebreos 7:7

Pro ja nbano bendecir jariꞌ ja más na nim rukꞌij chwach ja nuban bendecir jariꞌ bien kotak kanojelal.

1 Pedro 4:14

Ja wi rmal ja yukulbal ecꞌuꞌx ruqꞌuin ja Cristo tok nixtzꞌuji in tok nixyokꞌi jariꞌ cꞌoli rcꞌamonto chewe. Ja wi queriꞌ nba̱n chewe jariꞌ ni kꞌalaj wiꞌ chi cꞌol ewqꞌuin ja lokꞌlaj Espíritu Santo xin Dios. Ja nebano pokon chewe ejeꞌeꞌ xa itzel netzijon tre ja rEspíritu Santo pro ja rixix neyaꞌ rukꞌij.