San Lucas 2:11 - Tz'utujil (Ja Cꞌacꞌa Chominem)

¹¹ Quewaꞌ ja utzlaj tzij ja ncꞌamonto chewe riꞌ, ja camic cꞌo jun Toꞌonel ewxin cꞌa xalaxi, pa Belén xalax wiꞌ ja bar xalax wiꞌ ja rojer rey David. Ja cꞌa Toꞌonel arjaꞌ ja Cristo ja kajaw.

Tz'utujil NT

¹¹ Jawra utzlaj tzij nec'mon ta chewa ra: jcamic c'ola jun To'onel ewxin c'xalexa, pBelén xalex wa' jabar xalex wa' ojer rey David. To'onel jara' Cristo jKajaw.

San Lucas 2:11 Iomraidhean Croise

San Mateo 1:16

Ja Jacob, tatixel rxin José. Ja José, arjaꞌ rchajil María in jariꞌ María ruteꞌ ja Jesús ja Cristo nokcheꞌ tre.

San Mateo 1:21

Ja María arjaꞌ nqꞌuejeꞌ na jun ti ral talaꞌ in ja rubiꞌ xtabij tre, Jesús xcatcheꞌ tre. Como ja biꞌaj Jesús tibij tzij Toꞌonel queriꞌ cꞌa ja rubiꞌ xtabij tre como arjaꞌ ntoꞌowi ja rtinamit chipan ja quil quemac, neꞌe ja ángel tre ja José.

San Mateo 16:16

Peti ja Simón Pedro, xbij tre: —Ja ratat at Cristo at Ralcꞌwal ja cꞌaslic Dios, neꞌ tre.

San Mateo 16:20

Cꞌacꞌariꞌ xbij chique ja rdiscípulo chi ni majun bar ta triꞌ nquibij wiꞌ chi arjaꞌ ja Cristo.

San Lucas 1:43

¿Nak cꞌa inocnak wiꞌ anin chi ja Dios ryaꞌon chwe camic chi atpenak wqꞌuin? pro makanaꞌ maquita at ruteꞌ ja Cristo ja wajaw.

San Lucas 1:69

Como cꞌo jun Toꞌonel rtakonto kuqꞌuin janila nim ja poder cꞌo pa rukꞌaꞌ. Ja cꞌa Toꞌonel arjaꞌ riy rumam can ja rojer rey David ja rajsamajel rxin ja Dios.

San Lucas 2:26

Ja cꞌa rEspíritu Santo arjaꞌ cꞌoli rkꞌalasan chic chwach, quewaꞌ rbin tre riꞌ: —Simeón, atat cꞌa atcꞌas na ja tok xtitakto ja Cristo rmal ja Dios ja rawajaw, natzꞌat can na rwach, neꞌ tre.

San Lucas 2:4

Cꞌo cꞌa jun achi, José rubiꞌ, arjaꞌ aj Nazaret ja cꞌo pa rcuenta Galilea. Ja cꞌa José arjaꞌ be chakajaꞌ utzcꞌa chi neba̱n censo tre. Rmalcꞌariꞌ ja tok xelel chipan ja tinamit Nazaret in be chipan ja tinamit Belén ja cꞌo pa rcuenta Judea ja bar xalax wiꞌ ja rojer rey David. Triꞌ be wiꞌ ja José como ja rey David arjaꞌ sepo quixin ja ratiꞌt rmamaꞌ. Ja José arjaꞌ riy rumam can ja rey David.

San Juan 1:41

Be chanim ja rAndrés ruqꞌuin ja Simón ja rchꞌalal in quewaꞌ xbij tre riꞌ: —Camic kawil ja Mesías, neꞌ tre. (Mesías tibij tzij Cristo.)

San Juan 1:45

Be ja Felipe ruqꞌuin ja Natanael in quewaꞌ xbij tre riꞌ: —Camic kawilon chic ja Toꞌonel ja tzꞌibtal can chi npi na, ja tzꞌibtal can chipan ja ley xin Dios rmal ja Moisés in tzꞌibtal can chakajaꞌ cumal ja juleꞌ chic profeta. Ja waꞌan ariꞌ ja Jesús ja raj Nazaret ja rcꞌajol ja José, neꞌ tre.

San Juan 11:27

—Can nnimaj Wajaw, anin nnimaj chi atat ja rat Cristo, atat ja rat Ralcꞌwal Dios ja bitajnak can ojer chi natpi na waweꞌ chwachꞌulew, neꞌe ja Marta tre.

San Juan 20:31

Pro cꞌoli ja xintzꞌibaj chipan awaꞌ jun libro riꞌ utzcꞌa chi nenimaj ja Jesús chi arjaꞌ ja Cristo ja Ralcꞌwal Dios in tok queriꞌ nenimaj jariꞌ nyataj chewe ja utzlaj cꞌaslemal ja mta qꞌuisic trij como jariꞌ nyataj chake ja tok xa jun nkaban ruqꞌuin.

San Juan 4:25

—Anin wotak chi npi na ja Mesías chi nurchꞌoboꞌ chikawach nojelal nak rbanic, neꞌe ja rixok. (Mesías tibij tzij Cristo.)

San Juan 4:42

In quibij tre ja rixok: —Ja nabey yukeꞌ kacꞌuꞌx ruqꞌuin ja Jesús rmal ja xabij chake pro ja camic más chi na yukul kacꞌuꞌx ruqꞌuin como kacꞌaxaj ja xbij chake in bien kotak chi arjaꞌ ja Cristo ja Toꞌonel kaxin kanojelal ja rok winak, xecheꞌ tre.

San Juan 6:69

como ja rajoj yukul kacꞌuꞌx awqꞌuin in kotak chi atat ja rat Cristo, kotak chi at Ralcꞌwal ja cꞌaslic Dios, neꞌ tre.

San Juan 7:41

Juleꞌ chic chique quibij: —Jalaꞌ ja Cristo ja Rey ja tzujunto ojer rmal ja Dios, xecheꞌe. Pro juleꞌ chic chique quewaꞌ quibij riꞌ: —¿La pa Galilea laꞌan npi wiꞌ ja Cristo chewiꞌ?

Hechos 10:36

Xutakto ja Jesucristo ja kajaw kanojelal ja rok winak, kuqꞌuin ajoj xutakto wiꞌ ja rok aj Israel chi xuryaꞌaꞌ rbixic ja utzlaj tzij chake ja rcꞌamonto quicotemal.

Hechos 13:23

—Cꞌo jun riy rumam can ja David, Jesús rubiꞌ. Ja cꞌa Jesús arjaꞌ takonto rmal ja Dios chi katoꞌic ja rok aj Israel como queriꞌ tzujun can rmal ja Dios ojer.

Hechos 17:3

Ncanoj tak versículo jeꞌe ja nsiqꞌuij chiquewach in nuchꞌob chiquewach nak rcꞌamonto, quewaꞌ nbij chique riꞌ: —Ja rtzobal Dios bien nucꞌut chikawach chi ja Cristo ni rjawaxic wiꞌ chi xurtijaꞌ ja rpokonal, ni rjawaxic wiꞌ chi cami in cꞌastaji chiquicojol camnakiꞌ. Anin nmajon rbixic chewe nak rbanic jun achi rbinaꞌan Jesús in camic nbij chewe chi ja Jesús arjaꞌ ja Cristo ja chaꞌon rmal ja Dios, neꞌ chique.

Hechos 2:36

Rmalcꞌariꞌ tok nbij chewe, ja Jesús arjaꞌ rip chwa cruz como ixix xixcꞌutuni ja camíc trij pro jariꞌ mismo Jesús cojon chic rmal ja Dios como Rajaw nojelal, cojon chic rmal como Cristo. Bien tewotakij ja cꞌa xinbij chewe riꞌ in bien ticotakij chakajaꞌ ja kach tak aj Israel pro ni canojelal. Queriꞌ xbij ja Pedro chique.

Hechos 5:31

Ja Dios congana xucoj rchokꞌakꞌ, xuyaꞌ tre ja Jesús chi más nim chi na rukꞌij in ja camic rcojon como Jefe pa kawiꞌ, rcojon como Toꞌonel kaxin. Queriꞌ xuban ja Dios como ja kas nrajoꞌ chewe ja rix wach tak aj Israel chi neqꞌuex ja renaꞌoj in neyaꞌ can ja ritzelal utzcꞌa chi ncuytaji ja rewil emac.

1 Corintios 15:47

Ja rAdán arjaꞌ waweꞌ chwachꞌulew winakarto wiꞌ, ulew ocnak in ruqꞌuin arjaꞌ winakarnakto wiꞌ ja nabey cꞌaslemal ja xin waweꞌ chwachꞌulew. Ja kajaw Jesucristo arjaꞌ chilaꞌ chicaj pi wiꞌ in ruqꞌuin arjaꞌ winakarnakto wiꞌ ja jun chic cꞌaslemal cꞌacꞌa ja xin chilaꞌ chicaj.

Filipenses 2:11

Queriꞌ rbanon ja Dios utzcꞌa chi canojelal ja winak quewaꞌ xtiquibij riꞌ: —Ja Jesucristo arjaꞌ Rajaw nojelal. Queriꞌ xtiquibij na tre xa nak ta chi tzobalil netzijon wiꞌ. Ja tok queriꞌ nqueban jariꞌ noc yaꞌbal rukꞌij ja Dios ja Tatixel.

Filipenses 3:8

In ma ruyon tariꞌ, queriꞌ nbanon tre nojelal como jariꞌ ma vale ta chwach ja xinwotakij rwach ja wajaw Cristo Jesús. Ja tok xinwotakij rwach ja Cristo jariꞌ más na vale chwach nojelal. Rmal ja Cristo chewiꞌ tok nyaꞌon can nojelal in ja chwe anin nojel ja nyaꞌon can jariꞌ xa caniꞌ juleꞌ kꞌayis ja nel pa mes. Anin nyaꞌon can nojelal utzcꞌa chi nqꞌuejeꞌe ja Cristo pa wanma pro ni chijutij.

Colosenses 2:6

Rmalcꞌariꞌ nbij chewe, caniꞌ xeban ja kas nabey xa jun xeban ruqꞌuin ja kajaw Jesucristo ni ta quirwariꞌ neban, ni ta jun wiꞌ neban ruqꞌuin chijutij xa nak ta neban chipan ja recꞌaslemal.

1 Juan 4:14

In ajoj chakajaꞌ katzꞌat rwach ja Jesucristo ja Ralcꞌwal Dios in nkayaꞌ rbixic chi arjaꞌ takto rmal ja Tatixel, xoc Toꞌonel kaxin kanojelal ja rok winak.

1 Juan 5:1

Kanojel ja kaniman ja Jesús chi arjaꞌ ja Cristo ja chaꞌon rmal ja Dios, ja wi queriꞌ kaniman ok ralcꞌwal Dios cꞌariꞌ. Caniꞌ tre jun alcꞌwalaxel ja wi nrajoꞌ ja rtataꞌ nerajoꞌ cꞌariꞌ chakajaꞌ ja juleꞌ chic rchꞌalal.