San Lucas 19:47 - Tz'utujil (Ja Cꞌacꞌa Chominem)

⁴⁷ Kꞌij kꞌij ni nertijoj wiꞌ ja winak chipan ja templo. Pro ja cꞌa maestro ja netijon quixin ja winak tre ja ley xin Dios e cachbil ja jefe quixin sacerdote ejeꞌeꞌ quemaj rcanoxic rij rwach nak nqueban tre chi nquicamsaj.

Tz'utujil NT

⁴⁷ K'ij k'ij nquertijoj wnak chpam templo. Per je' maestro je nquetijona cxin wnak tzrij rley Dios e quexbil cjefe sacerdote arj-e' xquemaj rconxic rij rwech nak nqueban tzra che neccamsaj.

San Lucas 19:47 Iomraidhean Croise

San Mateo 21:23

Ja cꞌa tok xeꞌekaj chipan ja tinamit xoqui ja Jesús chipan ja nimlaj templo xin Dios in xumaj quitijoxic ja winak. Kas rmajon quitijoxic ja tok xeꞌekaji ja jefe quixin sacerdote e cachbil ja principaliꞌ xin tinamit in quibij tre: —¿Nak atocnak wiꞌ chewiꞌ tok amajon rbanic nojel awaꞌ ja kamajon rtzꞌatic in nak yoyon chawe chi naban? xecheꞌ tre.

San Mateo 26:55

Ja cꞌa riꞌ hora ja Jesús arjaꞌ xbij chique ja winak: —¿La in alakꞌom laꞌan chewiꞌ tok ecꞌamonto espada ecꞌamonto cheꞌ chwij chi nchapic? Pro xinqꞌuejeꞌ waꞌan chipan ja nimlaj templo xin Dios in kꞌij kꞌij xentijoj ja winak chipan pro ma xinechap ta waꞌan triꞌ.

Marcos 11:18

Ja cꞌa maestro ja netijon quixin ja winak tre ja ley xin Dios e cachbil ja jefe quixin sacerdote ejeꞌeꞌ tok xekaj rbixic cuqꞌuin ja xbij ja Jesús congana quixbej quiꞌ rmal in rmalariꞌ quemaj rcanoxic rij rwach nak nqueban tre chi nquicamsaj. Ejeꞌeꞌ quixbej quiꞌ como ja tijonem ja ntajini nuyaꞌ ja Jesús kas cꞌascꞌoꞌi nquicꞌaxaj canojel ja winak in nqueyaꞌ quixquin tre.

Marcos 12:12

Ja tok quicꞌaxaj ja cꞌambal tzij ja xbij ja Jesús bien chꞌobtaj cumal chi ejeꞌeꞌ ja xebixi. Rmalcꞌariꞌ cajoꞌ ta quechap, quecoj ta preso pro xa nquixbej quiꞌ chiquewach ja winak. Ja queban, queyaꞌ can ja Jesús in xebe.

Marcos 14:1

Xa caꞌiꞌ kꞌij chic cꞌo wiꞌ ja nmakꞌij pascua ja tok ntiji ja caxlanway ja mta levadura ruqꞌuin. Ja cꞌa jefe quixin sacerdote e cachbil ja maestro ja netijon quixin ja winak tre ja ley xin Dios ejeꞌeꞌ quimajon rcanoxic rij rwach nak nqueban tre ja Jesús chi nquechap pan ekal in nquicamsaj.

Marcos 14:49

Pro xinqꞌuejeꞌ waꞌan checojol chipan ja nimlaj templo xin Dios in kꞌij kꞌij xentijoj ja winak chipan pro ma xinechap ta waꞌan triꞌ. Pro nojel awaꞌ wariꞌ ma chaka ta nbantaji, rumac chi nbantaj cumplir ja tzꞌibtal can chwe ojer chipan ja rtzobal Dios, neꞌ chique.

San Lucas 19:48

Pro ni maticanoy wiꞌ cumal nak nqueban tre como ja winak congana nqueyaꞌ quixquin tre pro ni canojelal.

San Lucas 20:19

Ja cꞌa jefe quixin sacerdote e cachbil ja maestro xin ley tok quicꞌaxaj ja cꞌambal tzij bien chꞌobtaj cumal chi ejeꞌeꞌ ja xebixi. Rmalcꞌariꞌ tok ni jariꞌ hora laj quechap ja Jesús quecoj ta preso pro xa nquixbej quiꞌ chiquewach ja winak.

San Juan 10:39

Jutij chic cajoꞌ ta quechap quecoj ta preso pro arjaꞌ xutoꞌel riꞌ pa quekꞌaꞌ.

San Juan 18:20

Ja cꞌa Jesús xbij tre: —Pro ma pan awatal ta waꞌan tok xinyaꞌ ja tijonem, ni chiquewach ja winak xintzijon wiꞌ. Xentijoj pa tak jay xin molbal riꞌil, xentijoj chipan ja nimlaj templo xin Dios como ni triꞌ wiꞌ nquemol wiꞌ quiꞌ ja raj Israel in ni majun nak ta ja chaka ta pan awatali xinbij chique.

San Juan 7:19

Ja rixix ¿la ma yatajnak ta cꞌa chewe ja ley xin Dios rmal ja Moisés chi nenimaj? pro ja ley ni majun chewe rmajon ta rnimaxic ja nbij. Queriꞌ nbij chewe como nixtajini necanoj wij nwach nak neban chwe chi ncamsaxic. Queriꞌ xbij chique.

San Juan 7:44

Ecꞌoli chique cajoꞌ ta quechap ja Jesús quecoj ta preso pro majun nak ta chique chapo ta rxin.