San Lucas 19:17 - Tz'utujil (Ja Cꞌacꞌa Chominem)

¹⁷ Ja cꞌa rey quewaꞌ xbij tre riꞌ: —Utz xaban tre ja samaj, atat at jun utzlaj moso, janila naban cumplir ruqꞌuin ja rasamaj. Xa ti ma nim ta ja xinyaꞌ can chawe pro xaban cumplir. Rmalcꞌariꞌ tok lajuj tinamit ja ncoj chic pan akꞌaꞌ camic chi natoc kꞌetol tzij parwiꞌ, neꞌ tre.

Tz'utujil NT

¹⁷ Ja' rey cawra xbij tzra ra: —Utz xaban tzra asamaj, atet at jun utzlaj mos, ajni'la naban cumplir asamaj. Xe mnim ta xenya' cana chawa per xaban cumplir. Rmal c'ara' ljuj tnamet quenya' pnak'a' camic che ncatoca k'toy tzij chquij, cara' xbij tzra.

San Lucas 19:17 Iomraidhean Croise

San Mateo 25:21

In bix tre rmal ja rpatrón: —Utz xaban tre ja samaj, atat at jun utzlaj moso, janila naban cumplir ruqꞌuin ja rasamaj. Xa ti ma nim ta ja xinyaꞌ can chawe pro xaban cumplir. Camic, más chi na qꞌuiy xtinyaꞌ chawe chi nasamajij. Camic catajoꞌ, ninawachbilaj chipan ja quicotemal, neꞌxi.

San Lucas 16:10

Ja mebaꞌil xin rwachꞌulew wi utz rcojic neban jariꞌ utz rcojic xteban tre ja mebaꞌil xin Dios chakajaꞌ ja wi nyataj chewe. Ja cꞌa wi xa ma utz ta rcojic neban ja mebaꞌil xin rwachꞌulew jariꞌ xa ma utz ta xteban tre ja mebaꞌil xin Dios chakajaꞌ ja wi nyataj chewe.

San Lucas 19:16

Pi jun ja moso: —Wajaw, ja pwok ja xajach can pa nukꞌaꞌ lajuj chiquitakariꞌ xinchꞌec can trij ja caniꞌ xajach can chwe, neꞌ tre ja rey.

San Lucas 19:18

Pi chi cꞌa jun ja moso: —Wajaw, ja pwok ja xajach can pa nukꞌaꞌ joꞌoꞌ chiquitakariꞌ xinchꞌec can trij ja caniꞌ xajach can chwe, neꞌ tre ja rey.

San Lucas 22:30

Queriꞌ nban chewe utzcꞌa chi nyataj chewe chi xa junan xkowaꞌ wiꞌ ewqꞌuin pa mesa chipan ja ngobierno utzcꞌa chakajaꞌ chi nyataj chewe chi nixoqui ix kꞌetol tak tzij pa quewiꞌ ja cablajuj tribu rxin ja tinamit Israel, neꞌe ja Jesús chique ja rapóstol.

Romanos 2:29

Ja cꞌa wi nachꞌuclaꞌaj ja rtzobal Dios jariꞌ katzij chi at aj Israel, jariꞌ katzij chi at rtinamit Dios. In chakajaꞌ, wi majtajnak rchꞌachꞌojirsaxic ja rawanma, wi nsamaji ja rEspíritu Santo pan awanma jariꞌ jun circuncisión ja katzij chi circuncisión, ma ja ta ja circuncisión ja chaka ta acuerpo nba̱n circuncidar. Ja cꞌa wi queriꞌ abanon atat, ja cꞌa Dios arjaꞌ nbin chawe: —Congana utz natnutzꞌat, neꞌ chawe, masqui majun winak xtibin ta queriꞌ chawe.

1 Corintios 4:5

Ja cꞌa tok xtipi chic jutij ja kajaw Jesucristo jariꞌ tiempo xin kꞌetoj tzij rmalcꞌariꞌ nbij chewe chi ma tekꞌetlaꞌ pon chi ta tzij ixix trij jun winak. Ja cꞌa tok xtipeti ja kajaw Jesucristo arjaꞌ nlasaj na pa sakil nojel ja rawatali, arjaꞌ nkꞌalasaj na chakajaꞌ nojel ja nkachꞌob kaj pa tak kanma. Ja cꞌa tok xtikꞌalastaj rmal cꞌacꞌariꞌ ja Dios arjaꞌ xtibin chake chikajujunal wi utz kabanon owi mani.

2 Timoteo 2:10

In cumal ja rechaꞌon rmal ja Dios anin ncochꞌ nojel ja rpokonal utzcꞌa chi ejeꞌeꞌ nquewil ja totajem ja rcꞌamonto ja Cristo Jesús chake ja yukul kacꞌuꞌx ruqꞌuin utzcꞌa chi nyataj na chique ja gloria xin chilaꞌ chicaj pro ni chijutij.

1 Pedro 1:7

Pro ma chaka ta nixkꞌax chipan ja rpokonal, cꞌoli rcꞌamonto chewe. Chipan ja rpokonal nixcꞌambajax wiꞌ janiꞌ ja yukulbal ecꞌuꞌx ruqꞌuin ja Jesucristo. Ja tok nixkꞌax chipan ja rpokonal quewaꞌ rbanic riꞌ caniꞌ nba̱n tre ja oro como ja oro nya̱ꞌ pa kꞌakꞌ chi ncꞌat can ja ma oro ta cꞌo trij. Ja puro oro janila nim rjil pro xa cꞌo yojtajic trij. Ja cꞌa yukulbal ecꞌuꞌx ruqꞌuin ja Jesucristo más chi na vale chwach ja oro. Queriꞌ rbanic ja rpokonal ncowirsaj ja yukulbal ecꞌuꞌx utzcꞌa tok xtipi chic jutij ja Jesucristo rmal cꞌa ja yukulbal ecꞌuꞌx nquicoti ja Dios chewij in nya̱ꞌ ekꞌij rmal chakajaꞌ.

1 Pedro 5:4

Ja Jesucristo arjaꞌ jun Pastor arjaꞌ jun ajyukꞌ ja más nim rukꞌij in tok xtipi chic jutij tokoriꞌ xtiyataj chewe ja rtojbalil ja xtiyabex ekꞌij, jun rtojbalil ja mta qꞌuisic trij.