San Lucas 19:14 - Tz'utujil (Ja Cꞌacꞌa Chominem)

¹⁴ Pro ja rachi arjaꞌ xa itzel ntzꞌa̱t cumal ja rach aj tinamit rmalcꞌariꞌ tok ejeꞌeꞌ quetakel rbixic chipan ja nación ja bar xtijachto wiꞌ pa rukꞌaꞌ ja gobierno: —Ajoj ni majun kagana ruqꞌuin alaꞌ ja jun achi leꞌ chi xtoc ta rey pa kawiꞌ, xecheꞌel.

Tz'utujil NT

¹⁴ Per ja' acha xitzel ntz'e'ta cmal retnamet rmal c'ara' arj-e' xquetak ela rbixic chpam nación abar xteja'ch twa' pruk'a' jgobierno: —Ajoj majo'n kgan ruq'uin jala acha che noca krey, cara' xecbij ela.

San Lucas 19:14 Iomraidhean Croise

San Lucas 14:32

Ja wi nuchꞌob chi maticowin trij quewaꞌ nuban riꞌ. Ja tok cꞌa cꞌa nat cꞌopi wiꞌ ja jun chic rey nerutakel juleꞌ tajkoꞌm ruqꞌuin chi nerchomij ruqꞌuin utzcꞌa chi matiqueban ja chꞌaꞌoj.

San Lucas 19:13

Ja tok majaꞌn tibe ecꞌo lajuj chique ja rmoso xersiqꞌuij, xujach can jalal pwok pa quekꞌaꞌ, jujun ja pwok xuyaꞌ chique chiquijujunal in quewaꞌ xbij chique riꞌ: —Temajel rsamajixic ja npwok in ni ta emajon wiꞌ rsamajixic ja tok xquinpi chic jutij, neꞌ chique.

San Lucas 19:15

Ja tok qꞌuiswani melojto ja rachi, ocnakpi chic rey. Xutak quisiqꞌuixic ja moso ja rjachon can pwok pa quekꞌaꞌ como cꞌo rgana nrotakij janiꞌ quichꞌecon chic trij ja pwok chiquijujunal.

San Lucas 19:27

Ja cꞌa winak ja xa itzel ninquetzꞌat ja mta quigana chi xinoc rey pa quewiꞌ queꞌecꞌamaꞌto camic, ni chinwach queꞌecamsaj wiꞌ, neꞌe ja rey chique ja rajsamajelaꞌ. Queriꞌ ja cꞌambal tzij ja xbij ja Jesús chique ja winak.

San Juan 1:11

Xurqꞌuejeꞌ chiquicojol ja rtinamit pro ejeꞌeꞌ ma xquinimaj ta.

San Juan 15:18

Ja winak ja xa ruqꞌuin rwachꞌulew yukul wiꞌ quecꞌuꞌx ja wi ejeꞌeꞌ xa itzel nixquetzꞌat bien techꞌoboꞌ chi queriꞌ queban anin chwe nabey, itzel xinquetzꞌat chakajaꞌ.