San Lucas 19:12 - Tz'utujil (Ja Cꞌacꞌa Chominem)

¹² —Cꞌo jun achi nim rukꞌij arjaꞌ be chipan jun chic nación ja nat cꞌo wiꞌ utzcꞌa chi nja̱chto pa rukꞌaꞌ ja gobierno, nocto rey. Ja tok xtijachtaji ja gobierno pa rukꞌaꞌ cꞌacꞌariꞌ nmelojpi chic jutij.

Tz'utujil NT

¹² —C'ola jun acha nim ruk'ij arja' xba chpam jun chic nación q'ue c'nat c'o wa' ch-utz c'ara' nja'ch ta gobierno pruk'a' y noca rey. Tak xtjachtaj ta gobierno pruk'a' c'jara' nemloj pchic jmul.

San Lucas 19:12 Iomraidhean Croise

San Mateo 21:38

Pro ja rajchonlaꞌiꞌ ja tok xekaji ja ralcꞌwalaxel cuqꞌuin quewaꞌ quibij chibil tak quiꞌ riꞌ: —Jalaꞌ ja rachi leꞌ noc na pa rukꞌaꞌ ja rulew riꞌ como herencia. Camic kacamsaj in noc pa kakꞌaꞌ ajoj ja herencia rxin, xecheꞌe.

San Mateo 28:18

Peti ja Jesús in quewaꞌ xbij chique riꞌ: —Nojel ja poder xin chilaꞌ chicaj jachon pa nukꞌaꞌ rachbil nojel ja poder xin rwachꞌulew.

Marcos 12:1

Cꞌacꞌariꞌ xumaj chic tzij cuqꞌuin pro pa tak cꞌambal tzij ntzijon chic wiꞌ cuqꞌuin. Quewaꞌ jun cꞌambal tzij xbij chique riꞌ: —Cꞌo jun achi cꞌo jun rchenoj, uva rticon chwach. Ja tok tictaj rmal xucoj pa qꞌuexton, xucꞌot jun jul chipan ja bar nlasax wiꞌ ja riyaꞌl uva. Ja cꞌa chenoj xuyic jun torre chipan ja nqꞌuejeꞌ chajinel parwiꞌ. Ja cꞌa rchenoj xuyaꞌ pa kajonem chique juleꞌ ajchonlaꞌiꞌ in be chipan jun tinamit congana nat.

Marcos 16:19

Ja cꞌa kajaw Jesús tok tzuri tzij rmal cuqꞌuin ja rdiscípulo arjaꞌ cꞌamarel chilaꞌ chicaj, xetzꞌabeꞌ pa riquikꞌaꞌ ja Dios.

San Lucas 20:9

Cꞌacꞌariꞌ xumaj rbixic jun cꞌambal tzij chique ja winak quewariꞌ: —Cꞌo jun achi cꞌo jun rchenoj, uva rticon chwach, xuyaꞌ pa kajonem chique juleꞌ ajchonlaꞌiꞌ in be chipan jun tinamit congana nat in triꞌ qꞌuejeꞌ wiꞌ jun tiempo.

San Lucas 24:51

Kas cꞌa rmajon rcꞌutuxic ja rutzil pa quewiꞌ ja tok chaka jalal be, cꞌamarel chilaꞌ chicaj.

San Juan 18:37

—¿La katzij chi at rey? neꞌe ja Pilato tre. Ja cꞌa Jesús xbij chic tre: —In rey nacꞌa caniꞌ cꞌa xabij kaj, xcꞌa rmalariꞌ tok inpenak waweꞌ chwachꞌulew, xcꞌa rmalariꞌ chakajaꞌ tok xinalaxi. Inpenak chi rkꞌalasaxic chiquewach ja winak nak ja kas mero rbey Dios. Canojel ja winak ja cꞌo quigana ruqꞌuin ja rbey Dios ejeꞌeꞌ nqueyaꞌ quixquin tre chi rcꞌaxaxic ja nmajon rbixic chique, neꞌ tre.

Hechos 17:31

Como arjaꞌ cꞌo jun kꞌij rchomin ja nukꞌet wiꞌ tzij chiquij canojelal ja winak in nij utzlaj kꞌetoj tzij wiꞌ ja nuban. Arjaꞌ cꞌo jun achi rchaꞌon ja xtibanowi ja kꞌetoj tzij, Jesús rubiꞌ, in xuyaꞌ tre chi cꞌastaj chiquicojol camnakiꞌ jariꞌ xcꞌutbej chikawach kanojelal chi Jesús ja rchaꞌon chi noc Kꞌetol Tzij. Queriꞌ xbij ja Pablo chique.

1 Corintios 15:25

Queriꞌ cꞌa rbanic como ni rjawaxic wiꞌ chi nqꞌuejeꞌe ja gobierno pa rukꞌaꞌ jaruꞌ pa tiempo ecꞌo rcꞌulel ja majaꞌn querkajsaj. Ja cꞌa tok erkajsan chic pro ni canojelal cꞌa tokoriꞌ xtujach ja rgobierno pa rukꞌaꞌ ja Tatixel.

Hebreos 9:28

Queriꞌ cꞌa tre ja Cristo chakajaꞌ ma qꞌuiylaj mul ta cami ja tok camsax pa kacuenta. Xa jutij cami pro ok qꞌuiy ja xokrutoꞌ, ma jun ta, xrijkaj ja kil kamac chwach ja Dios in xuchup. Arjaꞌ npi chi na jutij pro ma rmal chi ta chi nrijkaj chic jutij ja kil kamac, npi chi na utzcꞌa chi nokrutoꞌ chijutij kanojel ja nokquicoti chi raybexic.

1 Pedro 3:22

Arjaꞌ cꞌastaji, joteꞌ chilaꞌ chicaj in camic cꞌo pa riquikꞌaꞌ ja Dios. Arjaꞌ cꞌo rukꞌaꞌ chique ja ángel, cꞌo rukꞌaꞌ chique espíritu, majun kꞌetbaltzij ja maquita cꞌo rukꞌaꞌ tre.

Apocalipsis 1:7

Bien tecꞌwaxaj, arjaꞌ penak, cꞌamonto rmal juleꞌ sutzꞌ in canojelal nquetzꞌat na rwach in ja xemino chꞌichꞌ pa rupox ejeꞌeꞌ nquetzꞌat na chakajaꞌ. Ja tinamit jeꞌe ja recꞌo chwachꞌulew janila jun okꞌej xtiqueban rmal. Queriꞌ ja nbantaj na. Amén.