San Lucas 18:19 - Tz'utujil (Ja Cꞌacꞌa Chominem)

¹⁹ —¿Nak tre tok nabij chwe chi in utzlaj achi? Xa jun ja utz, jariꞌ Dios.

Tz'utujil NT

¹⁹ —¿Nak tzra tak nabij chwa che en utzlaj acha? Xjun oca kas utz, jara' Dios.

San Lucas 18:19 Iomraidhean Croise

San Lucas 1:35

Quewaꞌ bix chic tre rmal ja ángel riꞌ: —Ja rEspíritu Santo arjaꞌ nkajto na awqꞌuin in ja poder rxin ja nimlaj Dios jariꞌ nsamaj na awqꞌuin rmalcꞌariꞌ tok ja santilaj acꞌal ja xtiqꞌuejeꞌ chwiakꞌaꞌ Ralcꞌwal Dios xtibinaꞌax tre.

San Lucas 11:13

Ixix masqui ix lawuloꞌ pro ewotak neyaꞌ utzlaj tak nakun chique ja rewalcꞌwal pro pior ta cꞌa ja Tatixel ewxin ja cꞌo chilaꞌ chicaj arjaꞌ nuyaꞌ ja rEspíritu Santo chique ja necꞌutun tre. Queriꞌ xbij ja Jesús chique ja rdiscípulo tre ja banoj oración.

San Lucas 18:18

Cꞌo cꞌa jun achi nim rukꞌij, quewaꞌ xbij tre ja Jesús riꞌ: —Maestro, atat congana at utzlaj achi. ¿Nak nban utzcꞌa chi nyataj chwe ja utzlaj cꞌaslemal ja mta qꞌuisic trij? neꞌ tre.

San Lucas 18:20

Atat awotak ja mandamiento xin Dios ja tzꞌibtal can quewariꞌ: —Ma taban ta rij rwiꞌ awixjayil owi awachajil, ma taban ta camíc, ma taban ta alakꞌ, ma tayaꞌ ta testigoꞌil ja ma katzij ta in queꞌanimaj atataꞌ ateꞌ chakajaꞌ. Queriꞌ nbij ja rtzobal Dios, neꞌxi ja rachi rmal ja Jesús.

1 Timoteo 3:16

Ni katzij wiꞌ chi congana nim rukꞌij ja rkꞌalasan chikawach ja Dios tre nojel ja rcꞌamonto ja Jesucristo. Quewaꞌ ja rkꞌalasan chikawach riꞌ. Ja Dios qꞌuejeꞌ waweꞌ chwachꞌulew, xoc kach winak. Kꞌalasax rmal ja rEspíritu Santo chi ni katzij wiꞌ nojel ja xbij tok qꞌuejeꞌ waweꞌ. In tzꞌat cumal ja ángel. Yaꞌ rbixic chique ja winak pa tak nación jeꞌe. In ecꞌoli chique ja winak nojel rwachꞌulew quinimaj. In joteꞌ pa gloria chilaꞌ chicaj. Queriꞌ ja rkꞌalasan chikawach ja Dios.

Hebreos 7:26

Queriꞌ cꞌa rbanic ja Jesús, nij arjaꞌ wiꞌ ja lokꞌlaj sacerdote ja ncꞌatzin chake. Arjaꞌ ni utz wiꞌ ntzꞌa̱t rmal ja Dios. Majun nak ta itzel rbanon ta. Ni majun ril rumac. Lasaxel chiquicojol ja rajꞌil ajmaquiꞌ, cꞌamarel chilaꞌ chicaj ja bar cꞌo wiꞌ ja Dios.

Santiago 1:17

ja Dios ni ruyon wiꞌ utzil ja nuyaꞌto. Xa nak ta rutzil nkacochij, xa nak ta ja nsipax chake ja majun itzelal rcꞌan jariꞌ chilaꞌ chicaj npi wiꞌ, ja katataꞌ Dios arjaꞌ ntakoto. Ja luz ruqꞌuin ja Dios npi wiꞌ nojelal caniꞌ tre kꞌij, icꞌ in chꞌumil, in arjaꞌ mta jutij xtiqꞌuextaj ta, ni utz wiꞌ ja nuban, ni mta wiꞌ kꞌekumal rcꞌan.