San Lucas 18:14 - Tz'utujil (Ja Cꞌacꞌa Chominem)

¹⁴ Ja camic nbij chewe, ja molol impuesto arjaꞌ meloj chi rochoch, utz chic ntzꞌa̱t rmal ja Dios, ma ja ta ja fariseo ja utz tzꞌati. Queriꞌ cꞌa rbanic como xa nak ta chi winakil ja xtuyaꞌ kaj rukꞌij ruyon jariꞌ xtikajsax na. Ja cꞌa wi naban tinoꞌy jariꞌ xtiyaꞌ na akꞌij, neꞌe ja Jesús chique ja winak ja xa yaꞌbal quekꞌij ejeꞌeꞌ nqueban kaj queyon.

Tz'utujil NT

¹⁴ Camic quenbij chewa, je mloy impuesto arja' xemloja chruchoch y Dios nbij tzra che xuban rbeyal y mja' ta aj fariseo jxuban rbeyal. Cara' rbanic com nak wnak xruyon nuya' kaja ruk'ij jara' nkasax na. Wnaban ch'it co'l jara' nya' na ak'ij, cara' xbij Jesús chca wnak je xqueyon j-e' nqueya' kaja quek'ij.

San Lucas 18:14 Iomraidhean Croise

San Mateo 23:12

Xa nak ta ja xa rukꞌij nuyaꞌ kaj ruyon jariꞌ nerilaꞌ na jun kꞌij tok xtikaji in xa nak ta ja nuban tinoꞌy jariꞌ nerilaꞌ na jun kꞌij tok xtiyaꞌ na rukꞌij.

San Mateo 5:3

—Congana quiꞌil chique ja winak ja chꞌobtajnak cumal chi ni ncꞌatzin wiꞌ ja rEspíritu Santo chique chi nqꞌuejeꞌ pa tak canma, congana quiꞌil chique como quixin cꞌariꞌ ja gobierno xin chilaꞌ chicaj.

San Lucas 1:52

Xerlasajel ja nimak tak rey pa kꞌetbal tak tzij pro xuyaꞌ quekꞌij ja winak ja ma nimak ta quekꞌij.

San Lucas 10:29

Ja cꞌa rachi arjaꞌ nrajoꞌ nutoꞌ riꞌ rmalariꞌ tok xbij chic tre ja Jesús: —Pro ¿echinatak cꞌariꞌ ja nprójimo? neꞌ tre.

San Lucas 14:11

Queriꞌ cꞌa rbanic como xa nak ta chi winakil ja xtuyaꞌ kaj rukꞌij ruyon jariꞌ xtikajsax na. Ja cꞌa wi naban tinoꞌy jariꞌ xtiyaꞌ na akꞌij, neꞌe ja Jesús chique.

San Lucas 16:15

Ja cꞌa Jesús quewaꞌ xbij chique riꞌ: —Ixix quewaꞌ ebanic riꞌ, nekꞌalasaj ewiꞌ chiquewach ja winak chi congana ix utzlaj tak winak pro ja Dios arjaꞌ bien rotak nak ja cꞌo pa tak ewanma. Ecꞌoli winak ja xa itzel netzꞌa̱t rmal ja Dios masqui congana utz netzꞌa̱t cumal winak.

Romanos 3:20

Queriꞌ xtiqueban como ni majun winak ja ni ta rniman wiꞌ ja ley xin Dios, ni majun ja xtitotaji, xtiwasaxel ta libre chipan ja kꞌetoj tzij ja xtuban ja Dios xta rmal ja ley rniman. Queriꞌ nbij chewe como ja ley xin Dios jariꞌ xa nucꞌut chikawach chi ok ajꞌil ok ajmaquiꞌ.

Romanos 4:5

Pro ja wi awotak chi mta moda xtaban ta jun samaj ja xtachꞌecbej ta ja totajem xin Dios in wi xtiyukeꞌ acꞌuꞌx ruqꞌuin ja Dios ja nerwasajel libre ja rajꞌil ja rajmaquiꞌ chipan ja quil quemac, ja wi queriꞌ naban jariꞌ quewaꞌ nbix chawe rmal ja Dios riꞌ: —Rumac ja yukulbal acꞌuꞌx wqꞌuin chewiꞌ tok utz chic natnutzꞌat in nban chawe caniꞌ mta awil amac abanon, natcheꞌxi.

Romanos 5:1

Queriꞌ cꞌa rbanic, rumac ja yukulbal kacꞌuꞌx ruqꞌuin ja Dios chewiꞌ tok nba̱n chic chake rmal ja Dios caniꞌ mta kil kamac kabanon in rmalariꞌ tok oktzurnak chic ruqꞌuin ja Dios pro xa rmal ja kajaw Jesucristo tok banon queriꞌ chake.

Romanos 8:33

¿La cꞌo ta cꞌa jun xticowini xterbij ta tre ja Dios ja kil kamac kabanon ja rokchaꞌon rmal ja Dios? Ni majun como arjaꞌ mismo Dios banyon chake caniꞌ mta kil kamac kabanon.

Santiago 4:10

Tebanaꞌ taknoꞌy chwach ja kajaw Dios, ja cꞌa wi neban taknoꞌy chwach nerilaꞌ na jun kꞌij tok arjaꞌ xtuyaꞌ chewe chi nimak ekꞌij.

Santiago 4:6

Pro janila ja rutzil nuyaꞌ chake caniꞌ tzꞌibtal can chipan ja rtzobal Dios, quewaꞌ nbij riꞌ: —Ja Dios nuyaꞌ ja rutzil chique ja nebano taknoꞌy chwach pro nchꞌojin cuqꞌuin ja nquenaꞌ kaj chi congana e nimak. Queriꞌ tzꞌibtal can.