San Lucas 17:6 - Tz'utujil (Ja Cꞌacꞌa Chominem)

⁶ Ja cꞌa kajaw Jesús xbij chique: —Ja wi cꞌo yukulbal ecꞌuꞌx wqꞌuin, wi nsamaji ja yukulbal ecꞌuꞌx ja caniꞌ nuban jun ti chirwach mostaza nixcowin cꞌariꞌ neban jun nimlaj samaj. Caniꞌ trewaꞌ ja jun mocaj cheꞌ riꞌ, nixcowini nebij tre chi nboktajel rachbil rcꞌamal utzcꞌa chi netiqueꞌe pa mar in nixrnimaj.

Tz'utujil NT

⁶ Ja' Kajaw Jesús cawra xbij chca: —Wc'ola yukbal ec'u'x wq'uin, wnesmaja yukbal ec'u'x ajni' nuban jun ch'it rk'arwech mostaza nquixecwin c'ara' neban jun nimlaj samaj. Ajni' tzra jun che' jawrara, nquixecwina nebij tzra che nboktaj ela rexbil rc'amal ruxe' y neretca' ri' pmar, y nquixernimaj.

San Lucas 17:6 Iomraidhean Croise

San Mateo 14:29

—Catajoꞌ cꞌa, neꞌxi rmal ja Jesús. Cꞌacꞌariꞌ ja Pedro xelto chipan ja lancha in xumaj binem parwiꞌ ja yaꞌ, be ruqꞌuin ja Jesús.

San Mateo 17:20

—Rumac ja yukulbal ecꞌuꞌx wqꞌuin xa ti ma nim ta chewiꞌ tok ma xixcowin ta. Como ni katzij wiꞌ ja xtinbij chewe riꞌ, ja wi cꞌo yukulbal ecꞌuꞌx wqꞌuin, wi nsamaji ja yukulbal ecꞌuꞌx ja caniꞌ nuban jun ti chirwach mostaza nixcowin cꞌariꞌ neban jun nimlaj samaj. Caniꞌ trewaꞌ ja jun jayuꞌ riꞌ, nixcowini nebij tre chi neli ja bar cꞌo wiꞌ in nbe cha jun lugar chic in nixrnimaj in mta nak chi ta ja maquita nixcowini neban.

San Mateo 21:21

—Ni katzij wiꞌ ja xtinbij chewe riꞌ, ja wi cꞌo yukulbal ecꞌuꞌx ruqꞌuin ja Dios in wi matuban caꞌiꞌ acꞌuꞌx jariꞌ nixcowini neban ixix ja caniꞌ xinban anin tre ja cheꞌ riꞌ. In ma ruyon tariꞌ pro nixcowini chakajaꞌ nebij trelaꞌ ja jun jayuꞌ leꞌ chi neli, nerqꞌuiakaꞌ riꞌ pa yaꞌ in nbe, nixrnimaj.

Marcos 4:31

Ja gobierno xin Dios queriꞌ rbanic caniꞌ rbanic jun ti chirwach mostaza tok ntiqui pan ulew. Jun ti chirwach mostaza masqui más na tinoꞌy chwach ja juleꞌ chic ijaꞌtz ja cꞌo chwachꞌulew

Marcos 9:23

—Jariꞌ awqꞌuin atat cꞌo wiꞌ xarwariꞌ ja wi natcowini nyukeꞌ acꞌuꞌx wqꞌuin. Ja cꞌa wi cꞌoli ja yukulbal acꞌuꞌx wqꞌuin jariꞌ nojel nincowini nban xa nak ta ja nawajoꞌ chwe chi nban, neꞌxi rmal ja Jesús.

San Lucas 13:19

Ja gobierno xin Dios queriꞌ rbanic caniꞌ rbanic jun ti chirwach mostaza cꞌamarel rmal jun achi, xutic pa rchenoj. Xumaj qꞌuiyem ja mostaza, xoqui caniꞌ jun mocaj cheꞌ. Xepeti ja tak tzꞌiquin, xurquibanaꞌ quesoc pa tak rukꞌaꞌ. Queriꞌ xbij ja Jesús.

San Lucas 17:7

Ja wi cꞌo jun emoso cꞌa melojto pa chenoj owi pa yukꞌun tak carnelo ¿la quewaꞌ nebij tre riꞌ: —Catocto, cattzꞌabeꞌ pa mesa in catwaꞌi, la nixcheꞌ tre?

San Lucas 19:4

Ja xuban, cꞌamcꞌol ranim be, nabeyaji, xejoteꞌ parwiꞌ jun cheꞌ utzcꞌa chi nutzꞌat rwach ja Jesús como ja Jesús cꞌo rjawaxic tre chi triꞌ nkꞌax wiꞌ.

San Lucas 7:13

Ja cꞌa kajaw Jesús tok xutzꞌat ja rixok congana xpokonaj rwach: —Ma catokꞌ ta, neꞌ tre.

San Lucas 7:19

Ja cꞌa Juan Bautista arjaꞌ ecꞌo caꞌiꞌ chique ja rdiscípulo xersiqꞌuij, xerutakel ruqꞌuin ja Jesús in quewaꞌ xbijel chique riꞌ chi nequicꞌaxaj tre: —¿La atat ja rat Cristo ja bitajnak can chi natpi na owi nkaybej chi na jun? neꞌel chique.

1 Corintios 13:2

In jun chic, wixta yatajnak chwe chi inocnak jun profeta pro jun profeta ja ni ta majun ja maquita kꞌalasan chwach ja wawan chiquewach winak rmal ja Dios, jun profeta ja ni ta majun ja maquita rotak pro wi mta ja rajoben riꞌil xin Dios nsamaji pa ncꞌaslemal jariꞌ ni majun inocnak wiꞌ. Ja wixta majun falta tre ja yukulbal nucꞌuꞌx ruqꞌuin ja Dios in rmaltariꞌ xtinbij ta tre jun jayuꞌ chi nkꞌax cha jun lugar chic in xquinrnimaj ta pro wi mta ja rajoben riꞌil xin Dios nsamaji pa ncꞌaslemal jariꞌ ni majun inocnak wiꞌ chakajaꞌ.