San Lucas 17:30 - Tz'utujil (Ja Cꞌacꞌa Chominem)

³⁰ Ja caniꞌ queban ja winak ja pa rtiempo ja Lot queriꞌ cꞌa quimajon rbanic ja winak chakajaꞌ ja tok xtipi chic jutij waweꞌ chwachꞌulew ja Ralcꞌwalaxel ja xoc alaxic cuqꞌuin ja winak.

Tz'utujil NT

³⁰ Ajni' xqueban wnak pretiemp Lot cara' c'a quemjon rbanic wnak chka' tak xtpet chic jmul wawe' chwech ruch'lew je Rlec'walxel jxoca alxic cuq'uin wnak.

San Lucas 17:30 Iomraidhean Croise

San Mateo 16:27

Queriꞌ nbij chewe como anin ja rin Alcꞌwalaxel ja xinoc alaxic cuqꞌuin ja winak ninpi chi na jutij e wachbil ja ángel wxin, tokoriꞌ ja gloria xin Dios congana nchꞌaꞌan chwij in ja winak nunyaꞌaꞌ na rtojbalil chique chiquijujunal ja queban waweꞌ chwachꞌulew.

San Mateo 24:3

Ja cꞌa Jesús arjaꞌ tzꞌubul parwiꞌ ja ti jayuꞌ rbinaꞌan Rjayuꞌal Olivo in ecꞌoli chique ja rdiscípulo quiyonaj quiꞌ ruqꞌuin in quibij tre: —Tabij chake ¿nak kꞌij xtibantaji jalaꞌ ja cꞌa xabij kaj chake leꞌ? In chakajaꞌ ¿nak chi retalil nwinakari ja ncꞌutu rxin chi xajalal majaꞌn catmelojpi chic jutij in ja tok xtiqꞌuis awaꞌ ja rwachꞌulew riꞌ? xecheꞌ tre.

San Mateo 24:37

Xarwariꞌ, ja caniꞌ bantaji ja pa rtiempo ja Noé ojer queriꞌ cꞌa xtibantaj chic chakajaꞌ ja tok xtipi chic jutij waweꞌ chwachꞌulew ja Ralcꞌwalaxel ja xoc alaxic cuqꞌuin ja winak.

San Mateo 24:39

Ja cꞌa winak ni ma xquechꞌob ta wiꞌ ja penak chiquij, cꞌa tokoriꞌ chꞌobtaj cumal ja tok peti ja nimlaj kꞌekaljab chiquij, congana lawuloꞌ ban chique rmal ja yaꞌ in xejikꞌi canojelal. In queriꞌ cꞌa tre chakajaꞌ ja Ralcꞌwalaxel ja xoc alaxic cuqꞌuin ja winak ja tok xtipi chic jutij waweꞌ chwachꞌulew, cꞌa jaꞌ xtiquenaꞌ ja winak tok xtipeti.

San Mateo 26:64

Ja cꞌa Jesús arjaꞌ xbij tre: —Queriꞌ nacꞌa ja caniꞌ nabij leꞌ. In bien tecꞌwaxaj ja xtinbij chewe riꞌ, camic nemajel rtzꞌatic ja xtuban ja Ralcꞌwalaxel ja xoc alaxic cuqꞌuin ja winak, arjaꞌ pa riquikꞌaꞌ ja Dios ntzꞌabeꞌ wiꞌ ja bar cꞌo wiꞌ ja nimlaj poder rxin in netzꞌat chakajaꞌ ja tok xtipi chic jutij cꞌamonto rmal juleꞌ sutzꞌ xin chicaj, neꞌ tre.

Marcos 13:26

Cꞌacꞌariꞌ ja winak ejeꞌeꞌ nquetzꞌat na ja Ralcꞌwalaxel ja xoc alaxic cuqꞌuin ja winak, arjaꞌ cꞌamonto rmal juleꞌ sutzꞌ, janila jun nimlaj poder cꞌo chic pa rukꞌaꞌ in congana nim chic rukꞌij.

San Lucas 17:24

Queriꞌ nbij chewe como caniꞌ nuban ja cayipaꞌ tok nuqꞌuiak riꞌ chicaj chaka bar ta triꞌ ntzꞌa̱t wiꞌ in queriꞌ cꞌa tre chakajaꞌ ja Ralcꞌwalaxel ja xoc alaxic cuqꞌuin ja winak, ja tok xtipi chic jutij waweꞌ chwachꞌulew jariꞌ mta bar ta triꞌ ja maquita ntzꞌa̱t wiꞌ.

San Lucas 17:29

Pro ja tok xelto ja Lot chipan ja tinamit Sodoma jariꞌ mismo kꞌij cꞌoli kajto chicaj caniꞌ kꞌol rmajon cꞌatem, xercamsaj ja winak ja recꞌo can chipan ja tinamit pro ni canojelal.

San Lucas 21:22

Queriꞌ nbij chewe como ja tok xterilaꞌ ariꞌ tiempo ja cꞌa xinbij chewe riꞌ tokocꞌariꞌ cꞌo jun nimlaj juicio nkajto na parwiꞌ ja tinamit Jerusalén utzcꞌa chi nbantaj cumplir nojel ja tzꞌibtal can tre chipan ja rtzobal Dios.

San Lucas 21:27

Cꞌacꞌariꞌ nquetzꞌat na ja Ralcꞌwalaxel ja xoc alaxic cuqꞌuin ja winak, arjaꞌ cꞌamonto rmal juleꞌ sutzꞌ, janila jun nimlaj poder cꞌo chic pa rukꞌaꞌ in congana nim chic rukꞌij.

1 Corintios 1:7

Queriꞌ ebanon, mta falta chewe tre ja nkacochij jeꞌe tre ja rEspíritu Santo in kas nixquicoti chi raybexic ja kajaw Jesucristo ja tok xtipi chic jutij.

1 Corintios 1:8

Ja Dios arjaꞌ ni mta wiꞌ ja maquita xtiqꞌuejeꞌ ewqꞌuin maquita xtuyaꞌ chewe chi cow nixpeꞌi. Queriꞌ nuban chewe utzcꞌa chi majun nak ta xquixchapbexi ja tok xtipi chic jutij ja kajaw Jesucristo.

Colosenses 3:4

Ja Cristo arjaꞌ mismo ocnak kacꞌaslemal camic in tok xtipi chic jutij congana nchꞌaꞌani ntzꞌati, janila nim rukꞌij in queriꞌ chewe ixix chakajaꞌ, newachbilajto in queriꞌ nixtzꞌati ja caniꞌ ntzꞌa̱t arjaꞌ.

2 Tesalonicenses 1:7

in nuyaꞌ na chewe chi mchita rpokonal netij in queriꞌ chake ajoj chakajaꞌ. Queriꞌ xtibantaji ja tok xtipi chic jutij ja kajaw Jesús, arjaꞌ pa rxak kꞌakꞌ cꞌoto wiꞌ e rachbil ja ángel rxin ja congana quichokꞌakꞌ.

1 Pedro 1:13

Rmalcꞌariꞌ tok nbij chewe, quixcꞌascꞌoti, bien techꞌoboꞌ ja neban. Nojel ta ecꞌuꞌx nojel ta ewanma newaybej ja rutzil xin Dios ja xtiyataj na chewe ja tok xtipi chic jutij ja Jesucristo.

1 Pedro 1:7

Pro ma chaka ta nixkꞌax chipan ja rpokonal, cꞌoli rcꞌamonto chewe. Chipan ja rpokonal nixcꞌambajax wiꞌ janiꞌ ja yukulbal ecꞌuꞌx ruqꞌuin ja Jesucristo. Ja tok nixkꞌax chipan ja rpokonal quewaꞌ rbanic riꞌ caniꞌ nba̱n tre ja oro como ja oro nya̱ꞌ pa kꞌakꞌ chi ncꞌat can ja ma oro ta cꞌo trij. Ja puro oro janila nim rjil pro xa cꞌo yojtajic trij. Ja cꞌa yukulbal ecꞌuꞌx ruqꞌuin ja Jesucristo más chi na vale chwach ja oro. Queriꞌ rbanic ja rpokonal ncowirsaj ja yukulbal ecꞌuꞌx utzcꞌa tok xtipi chic jutij ja Jesucristo rmal cꞌa ja yukulbal ecꞌuꞌx nquicoti ja Dios chewij in nya̱ꞌ ekꞌij rmal chakajaꞌ.

1 Pedro 4:13

Ja neban, quixquicoti rmal ja yatajnak chewe chi xa jun neban ruqꞌuin ja Cristo chi rtijic ja rpokonal. Ja wi queriꞌ neban jariꞌ más chi na nixquicoti chakajaꞌ ja tok xtipi chic jutij ja Jesucristo tokoriꞌ tok nkꞌalajin na chi congana nim rukꞌij.

1 Juan 2:28

Chakꞌlaj walcꞌwal, camic nbij chic jutij chewe, ni quixqꞌuejeꞌ wiꞌ pa ranma ja Jesucristo. Ja wi queriꞌ xtikaban jariꞌ matikaxbej kiꞌ chwach ja tok xtipi chic jutij pro cꞌo kaconfianza ruqꞌuin triꞌ in chakajaꞌ matikawawaj kiꞌ chwach, ma qꞌuixbal ta nkanaꞌ chwach ja tok xtipeti.

1 Juan 3:2

Chakꞌlaj wachꞌalal, anin nbij chewe chi ok ralcꞌwal chic ja Dios camic. Majaꞌn tikꞌalasax chikawach nak kabanic ja tok xkoqꞌuextaji pa jun kꞌij xarwariꞌ kotak chi ja tok xtipi chic jutij ja Jesucristo ajoj nij ok queriꞌ chic triꞌ ja caniꞌ arjaꞌ. Nkatzꞌat na chi utz triꞌ janiꞌ ja kas mero rbanic ja Jesucristo chewiꞌ tok nokoqui ja caniꞌ arjaꞌ.

Apocalipsis 1:7

Bien tecꞌwaxaj, arjaꞌ penak, cꞌamonto rmal juleꞌ sutzꞌ in canojelal nquetzꞌat na rwach in ja xemino chꞌichꞌ pa rupox ejeꞌeꞌ nquetzꞌat na chakajaꞌ. Ja tinamit jeꞌe ja recꞌo chwachꞌulew janila jun okꞌej xtiqueban rmal. Queriꞌ ja nbantaj na. Amén.