San Lucas 17:21 - Tz'utujil (Ja Cꞌacꞌa Chominem)

²¹ Ja winak mta moda xtiquibij ta chi: —Tetzꞌataꞌ mpeꞌ, waweꞌ cꞌo wiꞌ ja gobierno xin Dios riꞌ, xquecheꞌ ta, owi —Tetzꞌataꞌ mpeꞌ, quelaꞌ cꞌo wiꞌ ja gobierno xin Dios leꞌ, xquecheꞌ ta chakajaꞌ. Queriꞌ nbij chewe como kas mpeꞌ bien techꞌoboꞌ, ja gobierno xin Dios jariꞌ cꞌo chic checojol camic, neꞌe ja Jesús chique ja fariseo.

Tz'utujil NT

²¹ Je' wnak majo'n xtecbij ta: —Tetz'ta' mpa', wawe' c'o wa' rgobierno Dios, o we xtecbij ta: —Tetz'ta' mpa', cala c'o wa' rgobierno Dios. Cara' quenbij chewa com kas bien tech'bo', je rgobierno Dios jara' c'o chic checjol camic, cara' xbij ja' Jesús chca aj fariseo.

San Lucas 17:21 Iomraidhean Croise

San Mateo 12:28

Ja ranin poder rxin ja rEspíritu Santo xin Dios ncoj ja tok nenlasaj ja demonio in wi queriꞌ nban tibij cꞌa tzij ariꞌ chi ja gobierno xin Dios kajnakto chic checojol.

Marcos 13:21

Ja cꞌa wi cꞌo jun xtibij chewe chi: —Peti ja Cristo, waweꞌ cꞌo wiꞌ riꞌ, wi neꞌe, ma tenimaj ta. Owi nbij chewe chi: —Quelaꞌ cꞌo wiꞌ leꞌ, wi neꞌe, chakajaꞌ ma tenimaj ta.

San Lucas 17:23

Ecꞌoli winak ja quewaꞌ xtiquibij chewe riꞌ: —Tetzꞌataꞌ mpeꞌ, waweꞌ cꞌo wiꞌ ja Cristo riꞌ, xquecheꞌ na chewe, owi —Tetzꞌataꞌ mpeꞌ, quelaꞌ cꞌo wiꞌ ja Cristo leꞌ, xquecheꞌ na chewe chakajaꞌ. Pro ja tok queriꞌ xtiquibij chewe maxta quixbe cuqꞌuin, maxta quixtreꞌel chiquij.

San Lucas 21:8

In xbij chic chique: —Kas tebanaꞌ jutzꞌit cuenta ewiꞌ, maxta cꞌo jun quixbano engañar. Queriꞌ nbij chewe como e qꞌuiy ja winak nepi na jeꞌe in xa queyon nquecoj quiꞌ chi e Cristo, quewaꞌ nquibij chique ja winak riꞌ: —Anin in Cristo, necheꞌ na chique, owi: —Xurwilaꞌ ja tiempo chi npeti ja Cristo, xquecheꞌe. Pro ixix maxta tenimaj ja nquibij.

San Juan 1:26

Ja cꞌa Juan xbij chique: —Ja ranin yaꞌ ncoj ja tok nenuban bautizar ja winak pro ja camic cꞌo jun checojol jariꞌ más chi na nim rukꞌij xarwariꞌ mta enaben chi queriꞌ.

San Juan 18:36

Ja cꞌa Jesús quewaꞌ xbij chic tre riꞌ: —Anin cꞌo jun gobierno pa nukꞌaꞌ pro jariꞌ ma xin rwachꞌulew ta. Ja wixta xin rwachꞌulew neyictaj ta cꞌariꞌ ja rajsamajelaꞌ ja recꞌo pa ncuenta utzcꞌa chi maquinjach pa quekꞌaꞌ ja raj Israel. Pro ma xin rwachꞌulew ta ja ngobierno anin, neꞌ tre.

Romanos 14:17

Queriꞌ nbij chewe como ja tok nokqꞌuejeꞌ chipan ja gobierno xin Dios ma ja ta nrajoꞌ chi noktzijon tre nak ja nkatiꞌ in nak ja matikatiꞌ, ma queriꞌ ta. Pro ja tok nokqꞌuejeꞌ chipan ja gobierno xin Dios quewaꞌ nrajoꞌ riꞌ, chi nkucꞌaj jun utzlaj cꞌaslemal, in jun chic, chi mta sícꞌ chꞌaꞌoj nkaban chibil tak kiꞌ, in jun chic, chi xa jun nkaban ruqꞌuin ja rEspíritu Santo in nkanaꞌ ja quicotemal xin Dios rmal.

Colosenses 1:27

como ja Dios arjaꞌ rchꞌobon chic chiquewach ja rtinamit chi cꞌo chic ja Cristo pa tak ewanma ja ma ix aj Israel ta in rmalariꞌ ewotak chic chi nixeqꞌuejeꞌ na pa gloria ruqꞌuin ja Dios. Jawaꞌ ja cꞌa xinbij chewe riꞌ xa awatali nabey pro ja Dios rkꞌalasan chic chikawach camic utzcꞌa chi triꞌ nkatzꞌat wiꞌ chi janila nim ja gloria xin Dios ja nsamaji checojol ixix ja ma ix aj Israel ta.