San Lucas 17:2 - Tz'utujil (Ja Cꞌacꞌa Chominem)

² Más na mejor nxi̱m jun caꞌ chi rukul chanim in neqꞌuia̱k pa yaꞌ in njikꞌi chwach ja ntakchiꞌij jun chique waꞌ ja yukul quecꞌuꞌx wqꞌuin.

Tz'utujil NT

² Más na utz nxi'ma jun ca' chukul y nq'uie'k ela pya' che nq'uis kaja rexla' que chwech nuban tentar jun chca je ykula ruc'u'x wq'uin.

San Lucas 17:2 Iomraidhean Croise

San Mateo 17:27

Pro como matikajoꞌ nekaban ofender xa chewiꞌ tok nbij chawe, tacꞌamaꞌel ja rabak chapbal chꞌuꞌ, jat chiyaꞌ. Ja cꞌa tok xcatekaji taqꞌuiakaꞌ ja rabak pa yaꞌ. Ja nabey chꞌuꞌ xtachap tajakaꞌ ja pa ruchiꞌ in triꞌ nawil wiꞌ jun pwok, caꞌiꞌ impuesto nutoj, nutoj wxin anin in nutoj awxin atat chakajaꞌ. Xtawasaj ja pwok in najach chique ja molol impuesto, neꞌ tre.

San Mateo 18:10

Kas tebanaꞌ cuenta nak neban chique waꞌ ja re taknoꞌy riꞌ, nixtacꞌa jun ta chique xteban ta tre ni mta. Como anin nbij chewe chi ja chilaꞌ chicaj ecꞌoli ja ángel quixin in jariꞌ ángel mta ariꞌ ja maquita yatajnak chique chi neꞌekaj chwach ja Nataꞌ ja cꞌo chilaꞌ chicaj.

San Mateo 18:14

In queriꞌ cꞌa tre chakajaꞌ ja Tatixel ewxin ja cꞌo chilaꞌ chicaj, ja rvoluntad arjaꞌ nixtacꞌa cꞌo ta jun chique waꞌ ja re taknoꞌy riꞌ xtitzꞌilox ta.

San Mateo 26:24

Ja Ralcꞌwalaxel ja xoc alaxic cuqꞌuin ja winak arjaꞌ ncamsax na caniꞌ tzꞌibtal can tre chipan ja rtzobal Dios pro congana lawuloꞌ tre ja xtijacho rxin pa quekꞌaꞌ ja necamsan rxin, makanaꞌ maquita Alcꞌwalaxel ja xoc alaxic cuqꞌuin ja winak. Ja xtijacho rxin más ta utz ja maquita xalax chwachꞌulew. Queriꞌ bix chique rmal.

Marcos 9:42

In xbij chic chique: —Congana lawuloꞌ chique xa nak ta ja xquetakchiꞌin quixin awaꞌ ja re taknoꞌy riꞌ ja yukul quecꞌuꞌx wqꞌuin, congana lawuloꞌ chique masqui xa ti jun chique ja nquitakchiꞌij chi rbanic ja il mac. Más na mejor nxi̱m jun caꞌ chi quekul chanim in neqꞌuia̱k pa yaꞌ chwach ja nquitakchiꞌij jun chique waꞌ ja yukul quecꞌuꞌx wqꞌuin.

San Juan 21:15

Ja cꞌa tok colbetaji waꞌim cumal cꞌacꞌariꞌ cꞌaxax tre ja Simón Pedro rmal ja Jesús: —Simón ja rat rcꞌajol Jonás ¿la ni katzij wiꞌ chi atat ja más na natajoꞌn wxin chiquewach ja juleꞌ chic awachbil riꞌ? neꞌxi. —Queriꞌ Wajaw, atat awotak chi congana nel nucꞌuꞌx chawij, neꞌe ja Pedro. —Queꞌayukꞌuj cꞌa ja yukul quecꞌuꞌx wqꞌuin como ejeꞌeꞌ e caniꞌ tak ncarnelo, neꞌxi rmal ja Jesús.

1 Corintios 9:15

Pro masqui cꞌo nukꞌaꞌ tre nojelal ja xinbij chewe riꞌ pro ni ma ncꞌutun ta wiꞌ chewe ja ntzukbej wiꞌ in masqui nnataj chewe chipan awaꞌ jun carta riꞌ pro ma ja ta nwajoꞌ chewe chi neyaꞌ chic chwe. Como anin kas ninquicoti nbij chique ja winak chi matincꞌutuj ja cꞌo nukꞌaꞌ tre ja ntzukbej wiꞌ, jariꞌ wqꞌuin anin cꞌo wiꞌ in más na utz ja nincami chwach ja xtiwasax chwe awaꞌ jun nimlaj quicotemal riꞌ.

1 Corintios 9:22

Ja cꞌa tok xinqꞌuejeꞌ chiquicojol ja ma cow ta quewiꞌ canma ma xenuban ta despreciar pro ja nqueban ejeꞌeꞌ queriꞌ xinban anin cuqꞌuin chakajaꞌ utzcꞌa chi nenuchꞌec. Queriꞌ cꞌa nbanon chique canojel ja winak xa nak ta chi winakil, ma xenuban ta despreciar pro ja nqueban ejeꞌeꞌ queriꞌ xinban anin cuqꞌuin chakajaꞌ. Xa nak ta rjawaxic chi nban chiquicojol ja winak chi quitoꞌic ni ja wiꞌ nbanon utzcꞌa chi ecꞌoli chique nquewil ja totajem xin Dios mwal.