San Lucas 17:1 - Tz'utujil (Ja Cꞌacꞌa Chominem)

¹ Cꞌacꞌariꞌ xumaj tzij cuqꞌuin ja rdiscípulo, quewaꞌ xbij chique riꞌ: —Ja winak mta moda ja maquita netakchiꞌixi chi rbanic ja il mac pro congana nutij na rpokonal xa nak ta ja ntakchiꞌin quixin.

Tz'utujil NT

¹ C'jara' xumaj tzij cuq'uin rdiscípulo y cawra xbij chca: —Je' wnak npors nqueba'na tentar che rbanic il mac per congan lowlo' nutaj na jnebnowa tentar cxin.

San Lucas 17:1 Iomraidhean Croise

San Mateo 16:23

Ja cꞌa Jesús xuyaꞌ vuelta in xbij tre ja Pedro: —Catel chinwach Satanás, atat xa at caniꞌ jun abaj ninapajsaj chipan ja bey nmajon. Queriꞌ nbij chawe como ma queriꞌ ta nawajoꞌ chwe chi nban ja caniꞌ nrajoꞌ chwe ja Dios chi nban, xa junan anaꞌoj cuqꞌuin winak, neꞌ tre.

San Mateo 18:7

Ja winak waweꞌ chwachꞌulew congana npokonaj quewach, congana lawuloꞌ quibanon rumac ja xa netakchiꞌixi chi rbanic ja il mac. Queriꞌ nbij chewe como wi ncajoꞌ owi mani ni netakchiꞌix wiꞌ pro congana lawuloꞌ chique ja netakchiꞌin quixin.

San Lucas 16:31

Ja cꞌa rAbraham quewaꞌ xbij chic tre riꞌ: —Ja wi matiqueyaꞌ quixquin tre ja rtzobal Dios ja tzꞌibtal can rmal ja Moisés in cumal ja juleꞌ chic profeta jariꞌ ni maqueniman wiꞌ chakajaꞌ masqui cꞌo jun camnak xticꞌastaj chiquicojol ja camnakiꞌ, neꞌ tre. Queriꞌ ja cꞌambal tzij ja xbij ja Jesús chique.

Romanos 14:13

Rmalcꞌariꞌ nbij chewe, ma tikacoj chi ta kiꞌ como ok kꞌetol tak tzij chiquij ja kachꞌalal. Mejor ja nkaban, bien kabanaꞌ cuenta, maxta cꞌoli tikaban ja xa noqui caniꞌ jun trampa chwach jun kachꞌalal in nkaji ja kachꞌalal chipan ja il mac kumal.

Romanos 16:17

Camic wachꞌalal congana nban recomendar chewe, tebanaꞌ cuenta chiquewach ja re ticol tak división in chꞌaꞌoj, juleꞌ winak ja nqueyaꞌ jun tijonem ja matucꞌam riꞌ ruqꞌuin ja tijonem ja cꞌut chewach ixix, ma queꞌewachbilaj ta.

1 Corintios 10:32

Maxta cꞌoli teban ja xta ofensa rcꞌamonto chique winak, nixtacꞌa chique ta ja ma e kachꞌalal ta chi aj Israel chi ma aj Israel ta in nixtacꞌa chique ta chakajaꞌ ja kach tak ralcꞌwal Dios.

1 Corintios 11:19

Nnimaj como cꞌo jeꞌe división nbantaj na checojol utzcꞌa chi nixcꞌambajaxi utzcꞌa chi bien nkꞌalajin na echinatak chewe ja kas katzij chi ncajoꞌ ja Dios.

1 Corintios 8:13

Rmalcꞌariꞌ nbij chewe chi anin in conforme ruqꞌuin ja ni mchita wiꞌ tiꞌij xtintij ta chwach ja xtiyojtaji ranma jun wachꞌalal mwal. Ja wachꞌalal wi cꞌo jun comida nuchꞌob chi xajan nutiꞌ jariꞌ mta moda xtintakchiꞌij ta chi rtiꞌic.

1 Timoteo 4:1

Pro ni kꞌalaj wiꞌ ja nbij ja rEspíritu Santo chi nerilaꞌ na jun tiempo ja tok ecꞌoli ja nqueyaꞌ can ja utzlaj tijonem xin Jesucristo. Ejeꞌeꞌ neba̱n na engañar cumal ja ritzel tak espíritu in nquinimaj juleꞌ itzel tak tijonem quixin demonio.

Apocalipsis 2:14

Pro cꞌo jun ja nchꞌaꞌ chewe camic riꞌ. Ecꞌo jujun ja recꞌo checojol netajini nquinimaj ja tijonem rxin ja Balaam. Como ja Balaam ojer arjaꞌ xuchꞌob chwach ja Balac nak nuban chi nerkajsaj ja tinamit Israel chipan ja ritzelal. Queriꞌ xuban in rmalariꞌ tok cꞌoli quetij ja tinamit Israel ja tzujun chiquewach cachbal tak winak owi chwach rachbal tak nakun in xeꞌoc cuqꞌuin juleꞌ ixokiꞌ ja ma quixjayilal ta.

Apocalipsis 2:20

Pro cꞌoli ja nchꞌaꞌ chewe camic riꞌ. Ixix chaka quiꞌ chewe matechꞌaꞌ tre ja rixok Jezabel ja nuban. Arjaꞌ nbij chi cꞌoli nkꞌalasax jeꞌe chwach rmal ja Dios. Pro xa ma utz ta ja nucꞌut chiquewach ja rajsamajelaꞌ wxin, xa neruban engañar, nucꞌut chiquewach chi utz neꞌoc achꞌiꞌiꞌ cuqꞌuin ixokiꞌ ja ma quixjayilal ta in utz chakajaꞌ nquetiꞌ nakun ja tzujun chiquewach cachbal tak winak owi chwach rachbal tak nakun.