San Lucas 16:8 - Tz'utujil (Ja Cꞌacꞌa Chominem)

⁸ Ja cꞌa patrón tok xuyaꞌ cuenta tre ja rajsamajel ja ma utz ta xuban quewaꞌ xbij riꞌ: —Ja rajsamajel leꞌ congana listo ja xuban chwe, congana rnaꞌoj. Queriꞌ xbij ja patrón in cꞌo razón ja tok xbij queriꞌ como ja winak ja xa ruqꞌuin ja rwachꞌulew yukul wiꞌ quecꞌuꞌx ejeꞌeꞌ congana e listo tre ja banoj negocio cuqꞌuin ja cach banol tak negocio. Más chi na e listo chiquewach ja ralcꞌwal Dios ja sakirsan chic quebey.

Tz'utujil NT

⁸ Ja' patrón tak xuya' cwent tzrij ajsmajma' jmajo'n xuban ta rbeyal cawra xbij ra: —Ja' ajsmajma' congan list y congan rna'oj. Cara' xbij patrón y ne ktzij wa' xbij com je' wnak xruq'uin jawra tiemp rxin rwech ruch'lew ykul wa' quec'u'x arj-e' congan e list tzrij negocio cuq'uin e bnoy negocio. Más chna e list que chquewech e rlec'wal Dios jsakersan chic quebey.

San Lucas 16:8 Iomraidhean Croise

San Mateo 12:32

Ja wi cꞌo jun winak xa nak ta chi winakil masqui arjaꞌ nbij juleꞌ tzij tre ja Ralcꞌwalaxel ja xoc alaxic cuqꞌuin ja winak, juleꞌ tzij ja xa ofensa rcꞌamonto tre, jariꞌ cꞌo cuytajic trij pro wi nbij juleꞌ tzij tre ja rEspíritu Santo ja xa ofensa rcꞌamonto tre jariꞌ ni mta wiꞌ cuytajic trij nixtacꞌa chipan awaꞌ tiempo ja rokcꞌo wiꞌ riꞌ in nixtacꞌa chipan ja jun chic tiempo ja majaꞌn tipeti.

San Mateo 17:26

—Chique ja juleꞌ chic winak, neꞌxi rmal ja Pedro. Ja cꞌa Jesús xbij chic tre: —Ja wi queriꞌ nqueban ma rjawaxic ta cꞌariꞌ chi nquetoj ja ralcꞌwalaxelaꞌ.

San Lucas 16:10

Ja mebaꞌil xin rwachꞌulew wi utz rcojic neban jariꞌ utz rcojic xteban tre ja mebaꞌil xin Dios chakajaꞌ ja wi nyataj chewe. Ja cꞌa wi xa ma utz ta rcojic neban ja mebaꞌil xin rwachꞌulew jariꞌ xa ma utz ta xteban tre ja mebaꞌil xin Dios chakajaꞌ ja wi nyataj chewe.

San Lucas 16:4

Camic chꞌobtaj mwal nak ja nban utzcꞌa chi ecꞌoli ja necꞌulu wxin pa tak cochoch ja tok mchita nsamaj, neꞌ kaj.

San Lucas 16:7

Cꞌacꞌariꞌ xbij tre jun chic ja rajcꞌas: —¿Jaruꞌ acꞌas atat? neꞌ tre. —Anin jun ciento quintal trigo ja nucꞌas, neꞌxi. In xbij chic tre: —Tacꞌamaꞌ rwujal ja racꞌas riꞌ. Tabanaꞌ chic jun pro xa ochenta quintal natzꞌibaj chic chipan, neꞌe ja rajsamajel tre.

San Lucas 18:6

Bien teyaꞌaꞌ cuenta tre ja xbij ja juez. Arjaꞌ ma utzlaj juez ta pro xbij chi nutoꞌ na ja ti malcaꞌn.

San Lucas 20:34

Ja cꞌa Jesús xbij chique: —Ja waweꞌ chwachꞌulew ja winak necꞌuleꞌe.

San Lucas 20:35

Pro ja winak ja xtiyataj na chique chi necꞌastaj chiquicojol camnakiꞌ ja xtiyataj na chique chi nebe chilaꞌ chicaj jariꞌ mchita cꞌulbic xtiqueban ta triꞌ.

San Juan 12:36

Como majaꞌn tel checojol ja nsakirsan ebey chewiꞌ tok nbij chewe, tiyukeꞌ ecꞌuꞌx ruqꞌuin camic utzcꞌa chi ni ja wiꞌ ja sakil nucꞌan ewxin, neꞌe ja Jesús chique. Ja tok bitaj awaꞌ tzij rmal riꞌ cꞌacꞌariꞌ be, rawaj riꞌ chiquewach.

1 Corintios 3:18

Maxta teban kaj engañar ewiꞌ eyon. Ja wi cꞌo jun chewe wi nuchꞌob kaj chi congana nimak tak naꞌoj xin rwachꞌulew rotak, mejor ja nuban, tibanaꞌ como caniꞌ jun ti nacnic. Quirtariꞌ nuban utzcꞌa chi xtiyataj tre ja naꞌoj xin Dios.

Efesios 5:8

Como ja recꞌaslemal ixix ma queriꞌ chi ta ja caniꞌ nabey como ja nabey solo kꞌekumal ixcꞌayon pro ja camic luz xin Dios ixcꞌayon pro xa rmal ja xa jun ebanon ruqꞌuin ja kajaw Jesucristo chewiꞌ tok queriꞌ chic ebanon. Tebanaꞌ cꞌa ja bien nucꞌam riꞌ ruqꞌuin ja luz xin Dios como ix ralcꞌwal chic ja Dios ja sakirsyon ebey chewach.

Filipenses 3:19

Pro ejeꞌeꞌ riꞌ winak xa nebe na chipan ja nimlaj rpokonal. Ja nyarij ja quicuerpo jariꞌ ocnak quidios. Cꞌo na nqueban ja xa qꞌuixbal rbanic pro nqueyaꞌ quekꞌij rmal, xa jaꞌ nquechꞌob ja xin rwachꞌulew.

1 Tesalonicenses 5:5

Como ja sakil jariꞌ cꞌayon ewxin ewanojelal, ewayben ja kꞌij tok xtipeti ja Jesucristo, ma kꞌekumal chi ta cꞌayon kaxin.

1 Pedro 2:9

Pro ja rixix ix tinamit rxin ja Dios, ixchaꞌon rmal. Arjaꞌ xixrpartiꞌij chi neban ja rsamaj. Ix sacerdote rxin ja nimlaj Rey ja cꞌo chilaꞌ chicaj. Jariꞌ samaj yatajnak chewe utzcꞌa chi neyaꞌ rbixic ja nimlaj samaj ja rbanon ja katataꞌ Dios. Kas turkaj chewe chi arjaꞌ lasan ewxin chipan ja kꞌekumal in camic ixrcojon chic pa rcuenta arjaꞌ pa jun nimlaj sakil.

1 Juan 3:10

Waweꞌ nkatzꞌat wiꞌ echinatak ja ralcꞌwal Dios in echinatak ja ralcꞌwal diablo, ja wi ma utz ta ja nqueban in wi maquecajoꞌ ja cachꞌalal ma e ralcꞌwal Dios ta cꞌariꞌ.