San Lucas 16:6 - Tz'utujil (Ja Cꞌacꞌa Chominem)

⁶ —Anin jun ciento tonel aceite ja nucꞌas, neꞌxi rmal ja rajcꞌas. Ja cꞌa rajsamajel xbij tre: —Jiꞌ, rwujal ja racꞌas riꞌ, tacꞌamaꞌ. Camic catzꞌabeꞌe, tabanlaꞌ chic jun ja wuj chanim riꞌ pro xa cincuenta tonel aceite acꞌas natzꞌibaj chic chipan, neꞌ tre.

Tz'utujil NT

⁶ —Anen jun cient tonel aceite nuc'as, cara' xbixa tzra rmal ajc'as. Ja' ajsmajma' cawra xbij tzra: —Je rwujal ac'as, tec'ma' ela. Camic catetz'be'a y tbanla' chic jun awuj alnak per xcincuenta tonel aceite ac'as natz'ibaj chpam, cara' xbixa tzra.

San Lucas 16:6 Iomraidhean Croise

San Mateo 20:8

Ja cꞌa tok xoc akꞌaꞌ ja rajaw tijcoꞌm arjaꞌ xbij tre ja rajsamajel ja paꞌl chiquij ja moso: —Queꞌasiqꞌuij ja moso in queꞌatojoꞌ. Ja xeꞌurkaji pa rqꞌuisbal ejeꞌeꞌ riꞌ neꞌatoj nabey, ja cꞌa xeꞌurkaji nabey pa qꞌuisbal neꞌatoj, neꞌ tre.

San Lucas 16:12

In jun chic, ja wi cꞌoli ja mebaꞌil xin rwachꞌulew jachon pan ekꞌaꞌ chi nechajij pro wi xa ma utz ta rcojic neban jariꞌ mta jun xtiyoꞌ ta chewe ja herencia xin Dios ja ni katzij wiꞌ chi ewxin.

San Lucas 16:5

Cꞌacꞌariꞌ xutak quisiqꞌuixic ja winak chiquijujunal ja cꞌo quecꞌas ruqꞌuin ja rpatrón. Ja tok xeꞌekaji quewaꞌ xbij tre jun riꞌ: —¿Jaruꞌ acꞌas ruqꞌuin ja npatrón? neꞌ tre.

San Lucas 16:7

Cꞌacꞌariꞌ xbij tre jun chic ja rajcꞌas: —¿Jaruꞌ acꞌas atat? neꞌ tre. —Anin jun ciento quintal trigo ja nucꞌas, neꞌxi. In xbij chic tre: —Tacꞌamaꞌ rwujal ja racꞌas riꞌ. Tabanaꞌ chic jun pro xa ochenta quintal natzꞌibaj chic chipan, neꞌe ja rajsamajel tre.

San Lucas 16:9

Ja mebaꞌil xin rwachꞌulew congana itzelal nqueban ja winak rmal. Pro camic nbij chewe, quixoc listo ixix chakajaꞌ, tecojoꞌ ja mebaꞌil xin rwachꞌulew pro ja ta neban ixix tre neꞌetobej ta ja cꞌo rjawaxic chique. Quirtariꞌ neban utzcꞌa tok xtiqꞌuisi ja mebaꞌil xin rwachꞌulew cꞌacꞌariꞌ ja rewamigo ja xeꞌetoꞌ ejeꞌeꞌ necꞌulu ewxin chilaꞌ chicaj pa tak cochoch ja ni mta wiꞌ qꞌuisic trij.

San Juan 2:6

Triꞌ cꞌo wiꞌ wakiꞌ rcꞌolbal tak yaꞌ, abaj ocnak, ja jujun cꞌo la wukuꞌ waxakiꞌ cucuꞌ yaꞌ nbe chipan. Ja rsamaj noc wiꞌ ja yaꞌ jariꞌ banbal quicostumbre ja raj Israel ja nquichꞌachꞌojirsbej nakun jeꞌe ja caniꞌ nrajoꞌ ja quireligión chi nqueban.

Tito 2:10

in chakajaꞌ ma quequilakꞌaj ta. Utz tiquibanaꞌ tre nojelal utzcꞌa ja quipatrón cꞌo quiconfianza cuqꞌuin. Ja wi queriꞌ nqueban cumal ejeꞌeꞌ canojel ja winak utz nquetzꞌat ja rtzobal Dios, arjaꞌ Toꞌonel kaxin.