San Lucas 16:31 - Tz'utujil (Ja Cꞌacꞌa Chominem)

³¹ Ja cꞌa rAbraham quewaꞌ xbij chic tre riꞌ: —Ja wi matiqueyaꞌ quixquin tre ja rtzobal Dios ja tzꞌibtal can rmal ja Moisés in cumal ja juleꞌ chic profeta jariꞌ ni maqueniman wiꞌ chakajaꞌ masqui cꞌo jun camnak xticꞌastaj chiquicojol ja camnakiꞌ, neꞌ tre. Queriꞌ ja cꞌambal tzij ja xbij ja Jesús chique.

Tz'utujil NT

³¹ Ja' Abraham cawra xbij chic tzra: —Wmajo'n nqueya' ta quexquin tzrij rtzojbal Dios jtz'ibtanak cana rmal Moisés y cmal jle' chic profeta jara' nmajo'n wa' ra' necnimaj ta mesque nc'ola jun comnak nc'astaj ela chquecjol cnomki', cara' xbij tzra. Cara' xbij Jesús chca.

San Lucas 16:31 Iomraidhean Croise

San Lucas 16:30

—Mni nataꞌ Abraham, pro wi cꞌo jun camnak nelel chiquicojol ja camnakiꞌ in nekaj cuqꞌuin jariꞌ nqueqꞌuex quinaꞌoj, neꞌ tre.

San Lucas 17:1

Cꞌacꞌariꞌ xumaj tzij cuqꞌuin ja rdiscípulo, quewaꞌ xbij chique riꞌ: —Ja winak mta moda ja maquita netakchiꞌixi chi rbanic ja il mac pro congana nutij na rpokonal xa nak ta ja ntakchiꞌin quixin.

San Juan 5:47

Pro wi matenimaj ja rtzꞌiban can ja Moisés ¿nak moda cꞌariꞌ xtenimaj ja ntzobal anin? Queriꞌ xbij ja Jesús chique.

Hechos 19:8

Oxiꞌ icꞌ ni pi wiꞌ ja Pablo chipan ja jay xin molbal riꞌil, ni matixbej riꞌ nbij ja rtzobal Dios chique ja winak, congana ntzijon cuqꞌuin in bien nuchꞌob chiquewach nak rbanic ja gobierno xin Dios.

Hechos 26:28

Ja cꞌa rAgripa quewaꞌ xbij tre riꞌ: —Ja nachꞌob atat xa jurata ninachꞌec chi ninoc ewachbil ja rix xin Jesús, neꞌ tre.

Hechos 28:23

Cꞌacꞌariꞌ quicanoj jun kꞌij ja tok xtitzijoni ja Pablo cuqꞌuin. Ja cꞌa tok xerilaꞌ ja kꞌij congana e qꞌuiy ja xebe ruqꞌuin ja bar cꞌo wiꞌ. Ja tok xeꞌekaj ruqꞌuin arjaꞌ xumaj quitijoxic, akꞌabil xumaj quitijoxic in cꞌa takakꞌij xtanbaꞌ. Xuchꞌob chiquewach nak rbanic ja gobierno xin Dios. Xuchꞌob chiquewach nak rcꞌamonto ja tzꞌibtal can chipan ja rtzobal Dios ja caniꞌ tre ja ley xin Dios ja tzꞌibtal can rmal ja Moisés in caniꞌ tre ja quitzꞌiban can ja juleꞌ chic profeta jariꞌ ncꞌutbej chiquewach chi ja Jesús arjaꞌ ja Cristo ja chaꞌon rmal ja Dios. Congana xutij rukꞌij chiquij utzcꞌa chi nchꞌobtaj cumal.

2 Corintios 4:3

Pro ja utzlaj tzij xin Cristo ja nkayaꞌ rbixic wi ecꞌoli winak ja matichꞌobtaj cumal xa ni queyon wariꞌ ja netajini nebe chipan ja nimlaj rpokonal.

2 Corintios 5:11

Rmalcꞌariꞌ nbij chewe, como ajoj nkaxbej kiꞌ chwach ja kajaw Jesucristo chewiꞌ tok nekacoj ja winak pa chꞌaꞌoj chi nquixbej quiꞌ chwach chakajaꞌ pro ja Dios arjaꞌ bien kꞌalaj chwach nak rbanic ja samaj ja noktajini nkaban in cꞌo nseguro chi bien kꞌalaj chewach ixix chakajaꞌ.