San Lucas 16:3 - Tz'utujil (Ja Cꞌacꞌa Chominem)

³ Ja cꞌa rajsamajel quewaꞌ xbij kaj pa ranma riꞌ: —¿Nak nban cꞌawaꞌ camic como ja npatrón xa nwasaj chwe ja nsamaj? Como anin matincochꞌ chic ja xtinban ta samaj ja nrajoꞌ awachokꞌakꞌ, in jun chic, xa qꞌuixbal nnaꞌ ja xtinmaj ta rcꞌutuxic limosna.

Tz'utujil NT

³ Ja' ajsmajma' cawra xbij kaja pranm: —¿Nak quenban c'a wa' camic com npatrón nelsaj nsamaj? Com anen congan pen chic chwa xtenban ta samaj je nrajo' chuk'a' y xq'uixbal quenna' xtenmaj ta rc'utxic limosna.

San Lucas 16:3 Iomraidhean Croise

San Mateo 20:8

Ja cꞌa tok xoc akꞌaꞌ ja rajaw tijcoꞌm arjaꞌ xbij tre ja rajsamajel ja paꞌl chiquij ja moso: —Queꞌasiqꞌuij ja moso in queꞌatojoꞌ. Ja xeꞌurkaji pa rqꞌuisbal ejeꞌeꞌ riꞌ neꞌatoj nabey, ja cꞌa xeꞌurkaji nabey pa qꞌuisbal neꞌatoj, neꞌ tre.

Marcos 10:46

Cꞌacꞌariꞌ xeꞌekaji ja Jesús chipan ja tinamit rbinaꞌan Jericó. Kas rmajon elem chipan ja tinamit e rachbil ja rdiscípulo in congana chi winak etran trij. In cꞌo jun ti moy tzꞌubul chiꞌ bey, rmajon rcꞌutuxic limosna chique winak. Ja ti moy Bartimeo rubiꞌ, rcꞌajol jun achi Timeo rubiꞌ.

San Lucas 12:17

Ja cꞌa biyom arjaꞌ xumaj kaj rchꞌobic pa ranma: —¿Nak nban cꞌawaꞌ? como camic mchita bar ta xtincꞌol wiꞌ ja ncosecha, neꞌ kaj.

San Lucas 16:2

Ja cꞌa biyom arjaꞌ xutak rsiqꞌuixic ja rajsamajel in tok xekaji quewaꞌ xbij tre riꞌ: —Anin xurkaj rbixic wqꞌuin chi xa nattajini naqꞌuis ja nmebaꞌil. ¿Nak tre ja tok xaban queriꞌ? Camic tajachaꞌ ja racuenta nak abanon tre ja nmebaꞌil como matinyaꞌ chic lugar chawe chi xcatsamaj chi ta más wqꞌuin, neꞌ tre.

San Lucas 16:20

In cꞌo jun ti mebaꞌ cꞌutul limosna, Lázaro rubiꞌ. Ja cꞌa Lázaro arjaꞌ xeya̱ꞌ can chuchiꞌ ja xoral rxin ja biyom. Ja rcuerpo cꞌo juleꞌ itzel tak chꞌaꞌc trij pro ni chi jun.

San Lucas 16:22

Ja cꞌa tok qꞌuiswani cami ja ti mebaꞌ ja cꞌutul limosna, ruqꞌuin ja rAbraham cꞌamarel wiꞌ cumal ángel ja bar ecꞌo wiꞌ ja camnakiꞌ ja quimajon quicotemal. Cami ja biyom chakajaꞌ in xemuki.

San Lucas 16:4

Camic chꞌobtaj mwal nak ja nban utzcꞌa chi ecꞌoli ja necꞌulu wxin pa tak cochoch ja tok mchita nsamaj, neꞌ kaj.

San Lucas 18:4

Ja cꞌa juez cꞌo jun tiempo ja ni ma xutoꞌ ta wiꞌ ja ti malcaꞌn pro ja tok qꞌuiswani quewaꞌ xbij kaj pa ranma riꞌ: —Masqui matinxbej wiꞌ chwach ja Dios in nixtacꞌa nxbej ta wiꞌ chiquewach winak chakajaꞌ

San Juan 9:8

Ja cꞌa rvecino ja rachi e cachbil juleꞌ chic winak ja bien quitzꞌaton chi moy nabey ejeꞌeꞌ quibij: —¿La ma ja ta cꞌalaꞌ ja rachi leꞌ ja ni ntzꞌabeꞌ wiꞌ chi rcꞌutuxic limosna? xecheꞌe.

Hechos 3:2

Nojel tak kꞌij ni cꞌo wiꞌ jun achi triꞌ arjaꞌ ti cojo, ni pa ralaxic wiꞌ chi cojo. Cꞌamonel ja ti cojo chipan ja templo, yaꞌon chuchiꞌ jun puerta. Cꞌo rubiꞌ nbix tre ja puerta, La Hermosa neꞌxi. Triꞌ nya̱ꞌ can wiꞌ ja ti cojo chi rcꞌutuxic limosna chique ja winak ja neꞌoc chipan ja templo.

Hechos 9:6

Ja cꞌa Saulo congana nbirboti, kas cꞌascꞌoꞌi xcꞌaxaj ja bix tre: —Wajaw ¿nak nawajoꞌ chwe chi nban? neꞌ tre ja Jesús. —Catyictaji, jat chipan ja tinamit leꞌ in triꞌ nbix wiꞌ chawe nak ja naban, neꞌxi rmal ja kajaw Jesús.

2 Tesalonicenses 3:11

Como kacꞌaxaj chi ecꞌo jujun chewe ja xa nesakꞌorini, maticajoꞌ nesamaji, xa nquemin quiꞌ cuqꞌuin winak pa tak jay tok cꞌoli nbantaji.