San Lucas 16:22 - Tz'utujil (Ja Cꞌacꞌa Chominem)

²² Ja cꞌa tok qꞌuiswani cami ja ti mebaꞌ ja cꞌutul limosna, ruqꞌuin ja rAbraham cꞌamarel wiꞌ cumal ángel ja bar ecꞌo wiꞌ ja camnakiꞌ ja quimajon quicotemal. Cami ja biyom chakajaꞌ in xemuki.

Tz'utujil NT

²² Tak xq'uisbena xcoma miba' jc'utuy limosna y ruq'uin Abraham xec'mar el wa' cmal ángel jabar ec'o wa' cnomki' jec'ola chpam quicotemal. Xcoma byom chka' y xemu'k cana.

San Lucas 16:22 Iomraidhean Croise

San Mateo 18:10

Kas tebanaꞌ cuenta nak neban chique waꞌ ja re taknoꞌy riꞌ, nixtacꞌa jun ta chique xteban ta tre ni mta. Como anin nbij chewe chi ja chilaꞌ chicaj ecꞌoli ja ángel quixin in jariꞌ ángel mta ariꞌ ja maquita yatajnak chique chi neꞌekaj chwach ja Nataꞌ ja cꞌo chilaꞌ chicaj.

San Mateo 24:31

Cꞌo cꞌa jun trompeta ncꞌaxax na congana nim rukul, jariꞌ nertakbejel ja ángel rxin chi nebe, neꞌequimoloꞌ ja winak ja rechaꞌon rmal pro nojel rwachꞌulew nebe wiꞌ chi quimolic, mta ja maquita xqueꞌekaj wiꞌ chi quimolic.

San Mateo 8:11

Camic nbij chewe chi e qꞌuiy ja winak ja ma e aj Israel ta nepi na nojel nat nakaj, neꞌoc na chipan ja gobierno xin chilaꞌ chicaj in netzꞌabeꞌ chi mesa, junan newaꞌ cuqꞌuin ja rAbraham, ja rIsaac in ja Jacob.

Marcos 8:36

Como caniꞌ tre jun winak ¿nak cꞌa nuchꞌec trij wi xuchꞌec nojel ja mebaꞌil rxin ja rwachꞌulew pro wi ma xuwil ta ja utzlaj cꞌaslemal ja mta qꞌuisic trij?

San Lucas 12:20

Pro quewaꞌ bix tre rmal ja Dios riꞌ: —Nacnic achi, chipan awaꞌ jun akꞌaꞌ riꞌ puersa natcami in nojel ja mebaꞌil ja racꞌolon jariꞌ xa nqꞌuejeꞌ can, neꞌxi ja rachi.

San Lucas 16:21

Kas nyarij nutij ja rcꞌutal tak way ja ntzakel xeꞌ tak mesa ruqꞌuin ja biyom. In cꞌuluto ecꞌoli tzꞌiꞌ ja nebe ruqꞌuin, nquerakꞌ ja chꞌaꞌc ja cꞌo trij.

San Juan 1:18

Ni majutij cꞌo ta jun winak tzꞌatyon ta rwach ja Dios pro ja Ralcꞌwal Dios ja ni xarwariꞌ jun arjaꞌ cꞌo pa ranma ja Tatixel, xa jun quibanon ruqꞌuin in arjaꞌ rkꞌalasan chikawach janiꞌ rnaꞌoj ja Dios.

San Juan 13:23

Cꞌo jun chique ja rdiscípulo ja congana najoꞌx rmal, arjaꞌ kꞌeloc ruqꞌuin ja Jesús pa mesa.

San Juan 21:20

Ja cꞌa Pedro arjaꞌ caꞌy can trij in xutzꞌat chi tran chiquij ja discípulo ja congana najoꞌx rmal ja Jesús. Jariꞌ mismo discípulo ja kꞌeꞌoc chwarucꞌuꞌx ja Jesús tokoriꞌ tok queban ja qꞌuisbal waꞌim ruqꞌuin ja tok cꞌo jun pregunta xcꞌaxaj tre ja Jesús quewariꞌ: —Wajaw ¿nak xtijacho awxin pa quekꞌaꞌ ja netzelan awxin? neꞌ tre.

Hebreos 1:14

Ja quibanic ja ángel ejeꞌeꞌ xa e moso, e espíritu, ja Dios nerutak chi quichajixic ja winak ja nyataj na chique chi nquewil ja totajem xin Dios.

Hebreos 2:14

Como ja rok alcꞌwalaxelaꞌ xa junan rwach ja kaquiqꞌuel, xa junan rwach ja kachꞌacul in queriꞌ cꞌa tre ja Jesús chakajaꞌ arjaꞌ xoc kach winak, kꞌax chipan ja camíc jariꞌ xkasbej ja diablo ja yoꞌl camíc.

Santiago 1:11

Ja tok congana rwakꞌij nchakiji ja kꞌayis in ntiltoꞌi ja rusiꞌj, queriꞌ nuban, ba la noc wiꞌ ja rcoloril. Queriꞌ cꞌa quibanic ja biyomaꞌ chakajaꞌ, ejeꞌeꞌ quimajon rbanic ja quinegocio tok chaka jalal necami.

1 Pedro 2:24

Ja Cristo arjaꞌ xrijkaj ja kil kamac chwach cruz. Queriꞌ xuban utzcꞌa chi nokel libre pa rukꞌaꞌ ja il mac in matikaban chic, utzil chic nrajoꞌ chake chi nkaban. Arjaꞌ soctaj pan ecuenta rmalcꞌariꞌ tok xixtzuri.

Apocalipsis 14:13

In cꞌo jun kulaj xincꞌwaxaj penak chilaꞌ chicaj quewaꞌ xbij chwe riꞌ: —Tatzꞌibaj ja xtinbij chawe riꞌ, tre ja tiempo ja numajel camic congana quiꞌil chique ja winak ja necami ja tok xa jun quibanon ruqꞌuin ja kajaw Jesucristo tok necami, neꞌ chwe. —Jariꞌ ni katzij wiꞌ, neꞌe ja rEspíritu Santo, —como ejeꞌeꞌ mchita cosic nqueban, nexulaꞌn tre ja quisamaj, ja cꞌa obra ja quibanonto nyataj na chique ja rtojbalil ja bar xqueꞌekaj wiꞌ, neꞌe.