San Lucas 16:2 - Tz'utujil (Ja Cꞌacꞌa Chominem)

² Ja cꞌa biyom arjaꞌ xutak rsiqꞌuixic ja rajsamajel in tok xekaji quewaꞌ xbij tre riꞌ: —Anin xurkaj rbixic wqꞌuin chi xa nattajini naqꞌuis ja nmebaꞌil. ¿Nak tre ja tok xaban queriꞌ? Camic tajachaꞌ ja racuenta nak abanon tre ja nmebaꞌil como matinyaꞌ chic lugar chawe chi xcatsamaj chi ta más wqꞌuin, neꞌ tre.

Tz'utujil NT

² Ja' byom xutak rsic'sic ajsmajma' y tak xekaja cawra xbij tzra: —Anen xerkaja rbixic wq'uin xamjon rq'uisic nmibil. ¿Nak tzra tak xaban cara'? Camic tejcha' cwent nak abnon tzra nmibil com anen majo'n chic quenwajo' ta ncatesmaja wq'uin.

San Lucas 16:2 Iomraidhean Croise

San Mateo 12:36

Ja cꞌa ranin nbij chewe, ja tok xterilaꞌ ja nimlaj kꞌij xin juicio nojel ja tzij ja quibij ja winak ja chaka quigana quibij nequijachaꞌ na cuenta chwach ja Dios rmal.

San Mateo 20:8

Ja cꞌa tok xoc akꞌaꞌ ja rajaw tijcoꞌm arjaꞌ xbij tre ja rajsamajel ja paꞌl chiquij ja moso: —Queꞌasiqꞌuij ja moso in queꞌatojoꞌ. Ja xeꞌurkaji pa rqꞌuisbal ejeꞌeꞌ riꞌ neꞌatoj nabey, ja cꞌa xeꞌurkaji nabey pa qꞌuisbal neꞌatoj, neꞌ tre.

San Lucas 12:20

Pro quewaꞌ bix tre rmal ja Dios riꞌ: —Nacnic achi, chipan awaꞌ jun akꞌaꞌ riꞌ puersa natcami in nojel ja mebaꞌil ja racꞌolon jariꞌ xa nqꞌuejeꞌ can, neꞌxi ja rachi.

San Lucas 12:42

—Techꞌoboꞌ cꞌa chi utz ja xtinbij chewe riꞌ, ja rajsamajelaꞌ ¿echinatak ja nebano cumplir ja nbix chique cumal ja quipatrón, echinatak ja buena quinaꞌoj? Caniꞌ tre jun patrón tok cꞌo jun ajsamajel ruqꞌuin in nuyaꞌ rsamaj chi arjaꞌ npeꞌe chiquij ja juleꞌ chic rach tak ajsamajelaꞌ chi neruban cuenta in nuyaꞌ queway ja tok ncꞌatzin chique.

San Lucas 16:1

Cꞌacꞌariꞌ cꞌo jun cꞌambal tzij xbij chique ja rdiscípulo quewariꞌ: —Cꞌo jun achi biyom cꞌo jun ajsamajel ruqꞌuin ja nchajin rxin ja rmebaꞌil. Xebix tre ja biyom chi ja rajsamajel xa ntajini nuqꞌuis ja rmebaꞌil, xa ma chꞌobol ta nuban tre, neꞌxi.

San Lucas 16:3

Ja cꞌa rajsamajel quewaꞌ xbij kaj pa ranma riꞌ: —¿Nak nban cꞌawaꞌ camic como ja npatrón xa nwasaj chwe ja nsamaj? Como anin matincochꞌ chic ja xtinban ta samaj ja nrajoꞌ awachokꞌakꞌ, in jun chic, xa qꞌuixbal nnaꞌ ja xtinmaj ta rcꞌutuxic limosna.

Romanos 14:12

Queriꞌ cꞌa rbanic, nekajachaꞌ na cuenta chwach ja Dios chikajujunal.

1 Corintios 1:11

Queriꞌ nbij chewe wachꞌalal como anin xurkaj rbixic wqꞌuin chi cꞌo chꞌaꞌoj neban chibil tak ewiꞌ. Ja recꞌo pa rochoch ja kachꞌalal Cloé ejeꞌeꞌ xeꞌurbin chwe.

1 Corintios 4:2

In tre jun achi tok cꞌoli yaꞌon chi rukul rmal ja rpatrón jariꞌ congana rjawaxic tre chi ni nuban wiꞌ cumplir ja nbix tre rmal ja rpatrón chi nuban.

1 Corintios 4:5

Ja cꞌa tok xtipi chic jutij ja kajaw Jesucristo jariꞌ tiempo xin kꞌetoj tzij rmalcꞌariꞌ nbij chewe chi ma tekꞌetlaꞌ pon chi ta tzij ixix trij jun winak. Ja cꞌa tok xtipeti ja kajaw Jesucristo arjaꞌ nlasaj na pa sakil nojel ja rawatali, arjaꞌ nkꞌalasaj na chakajaꞌ nojel ja nkachꞌob kaj pa tak kanma. Ja cꞌa tok xtikꞌalastaj rmal cꞌacꞌariꞌ ja Dios arjaꞌ xtibin chake chikajujunal wi utz kabanon owi mani.

2 Corintios 5:10

Queriꞌ nbij chewe como rjawaxic chi nokekaj na chwach ja kꞌetbaltzij rxin ja Cristo kanojelal utzcꞌa chi triꞌ nokkꞌalajin wiꞌ nak ja kabanon chipan ja cuerpo ja kucꞌan waweꞌ chwachꞌulew utzcꞌa chi nyataj chake chikajujunal ja rtojbalil ja kabanon wi utzil ja kabanon owi xa itzelal.

1 Timoteo 4:14

Ma tatzꞌilaꞌ ta tabanaꞌ cuenta ja rutzil ja yatajnak chawe rmal ja Dios tokoriꞌ tok ja ranciano xeꞌucꞌax rmal ja Dios in queyaꞌ quekꞌaꞌ pan awiꞌ tokoriꞌ yataj chawe ja rutzil rmal ja Dios chi natoc jun ajsamajel rxin.

1 Timoteo 5:24

Ecꞌoli winak ja ni kꞌalaj wiꞌ ja quil nqueban in jariꞌ nekꞌalasani chi nekaj chipan ja juicio. Pro ecꞌo juleꞌ chic ja ma kꞌalaj ta ja tok nqueban ja quil, cꞌamalo nechꞌobtaji.

1 Pedro 4:10

Cꞌoli ja yatajnak chewe chejujunal chi nixcowini neban ja recochin tre ja Dios. Ja yatajnak chewe ja tariꞌ netobej ewiꞌ chibil tak ewiꞌ. Qꞌuiy rwach ja yatajnak chewe ja recochin tre ja Dios, ja cꞌa wi ma quixnimari chi rbanic jariꞌ ix utzlaj tak ajsamajelaꞌ rxin ja Dios.

1 Pedro 4:5

Pro nerilaꞌ na jun kꞌij ja tok xtiquejach na cuenta chwach ja Dios, arjaꞌ rchomin chic riꞌ chi nukꞌet tzij chiquij ja winak chi ecꞌasli chi e camnakiꞌ.

Apocalipsis 20:12

Cꞌacꞌariꞌ xenutzꞌat ja camnakiꞌ chi nimak quekꞌij chi ma nimak ta quekꞌij, ejeꞌeꞌ epaꞌloc chwach ja Dios in cꞌo cꞌa juleꞌ libro jaktaji. In cꞌo chi na jun ja libro jaktaji chakajaꞌ, jariꞌ libro ja bar tzꞌibtal wiꞌ quebiꞌ ja yatajnak chique ja utzlaj cꞌaslemal ja mta qꞌuisic trij. Ja cꞌa camnakiꞌ ejeꞌeꞌ kꞌet tzij chiquij in ja kꞌetbex tzij chiquij jariꞌ ja tzꞌibtal chipan ja juleꞌ chic libro nak ja quibanon chipan ja quicꞌaslemal.