San Lucas 16:17 - Tz'utujil (Ja Cꞌacꞌa Chominem)

¹⁷ Pro mta moda ja maquita xtibantaj cumplir ja ley xin Dios nojelal. Ni ma cꞌayew ta xtichup rwach ja caj in rwachꞌulew chwach ja maquita xtibantaj cumplir jun ti punto tre ja ley.

Tz'utujil NT

¹⁷ Per npors nbantaj na cumplir njelal rley Dios. Nmajo'n pen ta nq'uis wa' rwech caj ruq'uin rwech ruch'lew que chwech mquita xtbantaja cumplir jun ch'it punto rxin ley.

San Lucas 16:17 Iomraidhean Croise

San Mateo 5:18

Queriꞌ nbij chewe como jariꞌ ley ni nbantaj wiꞌ cumplir nojelal, nixtacꞌa cꞌo ta jutzꞌit tre ja maquita nbantaj cumplir. Ni katzij wiꞌ ja xtinbij chewe riꞌ, ma cꞌayew ta nqꞌuisi caj nqꞌuisi rwachꞌulew chwach ja cꞌo jun ti punto tre ja ley ja maquita nbantaj cumplir.

San Lucas 21:33

Ja caj in rwachꞌulew jariꞌ xa nchup na rwach pro ja ntzobal anin jariꞌ ni matichup wiꞌ rwach, mta ariꞌ ja maquita nbantaj cumplir.

Romanos 3:31

Ja cꞌa tok yukul chic kacꞌuꞌx ruqꞌuin ja Jesucristo ¿la tibij cꞌa tzij ariꞌ chi mchita rsamaj chake ja ley xin Dios? Jariꞌ ma queriꞌ ta. Pro ja kas rubey, ja tok yukul kacꞌuꞌx ruqꞌuin ja Jesucristo jariꞌ más chi na nkanimaj ja ley xin Dios.

1 Pedro 1:25

Pro ja rtzobal ja kajaw Dios jariꞌ mta qꞌuisic trij, neꞌe. Ja cꞌariꞌ rtzobal Dios xa junan ruqꞌuin ja utzlaj tzij xin Jesucristo ja yatajnak chic rbixic chewe.

2 Pedro 3:10

Pro cꞌa jaꞌ xtinaꞌi ja tok xterilaꞌ ja nimlaj kꞌij ja rchomin ja kajaw Dios caniꞌ tre jun alakꞌom mta nnabexi ja tok nerbanaꞌ alakꞌ. Jariꞌ kꞌij ncꞌati nojelal. Ja caj congana npakꞌloji xtuyaꞌ riꞌ in nqꞌuisi. Nojel ja rocnak ja rwachꞌulew nqꞌuis na rmal ja nimlaj cꞌatic, ncꞌat na ja rwachꞌulew in ncꞌat na nojelal ja cꞌo chwach ja rwachꞌulew chakajaꞌ, majun nak ta nutoꞌ ta riꞌ.

Apocalipsis 20:11

Cꞌacꞌariꞌ cꞌo jun nimlaj trono sak xintzꞌat in chakajaꞌ xintzꞌat ja tzꞌubul chipan. Qꞌuisi ja caj, qꞌuisi ja rwachꞌulew, ma xucochꞌ ta qꞌuejeꞌ ta chwach ja tzꞌubul chipan ja trono, sachi pro chijutij.

Apocalipsis 21:1

Cꞌacꞌariꞌ cꞌo jun cꞌacꞌa caj, cꞌo jun cꞌacꞌa rwachꞌulew xintzꞌat como ja caj in rwachꞌulew ja cꞌoli nabey jariꞌ kꞌaxi, mchita. In queriꞌ tre mar chakajaꞌ mchita.

Apocalipsis 21:4

Arjaꞌ nusuꞌ riyaꞌl quewach pro ni chi nojelal, mchita camíc nixtacꞌa bis okꞌej ta in nixtacꞌa rpokonal ta chakajaꞌ como nojel ja xa rpokonal rcꞌamonto jariꞌ mchita, kꞌaxi, neꞌe.