San Lucas 14:21 - Tz'utujil (Ja Cꞌacꞌa Chominem)

²¹ Ja cꞌa moso arjaꞌ melojto. Ja tok xurkaj ruqꞌuin ja rpatrón xuchol chwach nojel ja bixto tre. Ja cꞌa rajaw jay arjaꞌ pi ryewal chiquij ja rinvitado in quewaꞌ xbij chic tre ja rmoso riꞌ: —Catmeloj chic jutij chanim riꞌ, jat pa tak bey rxin ja tinamit in jat pa tak solbal bey chakajaꞌ, queꞌacanoj ja tak mebaꞌiꞌ e cachbil ja winak ja ma tzꞌakat ta jeꞌe quekꞌaꞌ e cachbil chakajaꞌ ja tak cojo in tak moyaꞌ, queꞌacꞌamaꞌto waweꞌ.

Tz'utujil NT

²¹ Jmos arja' xemloj ta. Tak xerkaja ruq'uin rpatrón xuchol njelal je xbix ta tzra. Ja' rajaw jay xpeta ryiwal chquij invitado y cawra xbij chic tzra mos: —Catemloj chic jmul alnak, jat ptak bey rxin tnamet y ptak rumbal tak bey chka', que'acanoj ch'tak mibi' e quexbil wnak jmajo'n tz'kat ta quek'a', je' wnak e ch'e'y nquebina, je' ch'tak moya', y que'ac'ma' ta wawe'.

San Lucas 14:21 Iomraidhean Croise

San Mateo 11:28

Ewanojel ja congana nixel cꞌay chi rbanic cumplir ja rereligión ja wi caniꞌ cosnak chic ja rewíꞌ ewanma chuxeꞌ jun nimlaj ijkaꞌm nenaꞌ kaj, ja wi queriꞌ ebanon mejor ja neban, quixajoꞌ in tiyukeꞌ ecꞌuꞌx wqꞌuin. Ja wi nyukeꞌ ecꞌuꞌx wqꞌuin, anin nyaꞌ chewe chi nxulaꞌni ja rewíꞌ ewanma.

San Mateo 11:5

Ja moyaꞌ necaꞌy chic. Ja maquecowini nebini nebin chic. Ja recꞌo itzel tak chꞌaꞌc chiquij xetzuri. Ja taconaꞌ nquicꞌaxaj chi tzij. Ja camnakiꞌ xecꞌastaji. Ja mebaꞌiꞌ majtajnak rbixic chique ja utzlaj tzij xin totajem ja rtakonto ja Dios.

San Mateo 15:12

Ja cꞌa rdiscípulo ejeꞌeꞌ xetiloc ruqꞌuin in quibij tre: —¿La awotak chi ja fariseo junwiꞌ quicꞌaxaj ja xabij leꞌ? xa pokon nquenaꞌ rmal, xecheꞌ tre.

San Mateo 18:31

Ja juleꞌ chic rach tak ajsamajelaꞌ tok quetzꞌat ja bantaji ejeꞌeꞌ congana junwiꞌ quenaꞌ, xebe ruqꞌuin ja rey, xequibij tre nojel ja bantaji.

San Mateo 20:7

—Como mta nak ta nbin samaj chake, xecheꞌ tre. —Ixix chakajaꞌ jix, quixesamaj chipan ja ntijcoꞌm in wotak ja nixntojbej, ni utz wiꞌ nban chewe, neꞌ chic chique.

San Lucas 14:13

Pro ja naban, tok ecꞌoli winak ja neꞌaban invitar chi nurquibanaꞌ jun waꞌim awqꞌuin queꞌabanaꞌ invitar ja tak mebaꞌiꞌ e cachbil ja winak ja ma tzꞌakat ta jeꞌe quekꞌaꞌ e cachbil chakajaꞌ ja tak cojo in tak moyaꞌ.

San Lucas 14:20

In cꞌo chi cꞌa jun quewaꞌ xbij tre riꞌ: —Anin cꞌa xincꞌuleꞌe chewiꞌ tok maquincowini ninbe ja pa waꞌim, neꞌ tre ja moso.

San Lucas 14:22

Queriꞌ cꞌa xuban ja moso ja caniꞌ bixel tre. Ja cꞌa tok melojto chic quewaꞌ xbij tre ja rpatrón riꞌ: —Taꞌ, xenbanaꞌ ja caniꞌ xabij chwe pro ja tzꞌulbal cꞌa cꞌo na ja mta rajaw, neꞌ tre.

San Lucas 14:24

Como camic nbij chewe chi ja winak ja xeba̱n invitar nabey ni majun nak ta chique xtiyataj ta tre xtuban ta ja waꞌim ja xtinchomij anin. Queriꞌ xbij ja Jesús chique.

San Lucas 24:47

In tzꞌibtal can chakajaꞌ chi pa rubiꞌ ja Cristo nekaj na rbixic cuqꞌuin canojel ja winak ja recꞌo pa tak nación jeꞌe chi rjawaxic chi nqueqꞌuex ja quinaꞌoj in nqueyaꞌ can ja ritzelal utzcꞌa chi ncuytaji ja quil quemac, jariꞌ pa Jerusalén nmajtajel wiꞌ rbixic.

San Lucas 9:10

Ja cꞌa cablajuj apóstol tok xemelojto quechol chwach ja Jesús nojel ja xequibanaꞌ. Ja cꞌa Jesús xerucꞌamel, xequiyonaj quiꞌ pa jun lugar ja kas talani ja bar ma ecꞌo ta wiꞌ winak. Jariꞌ lugar pa rcuenta ja tinamit Betsaida cꞌo wiꞌ.

San Juan 9:39

—Anin inpenak waweꞌ chwachꞌulew utzcꞌa chi bien nkꞌalajin na nak quibanic ja winak. Inpenak utzcꞌa ja moyaꞌ njaktaj quewach utzcꞌa chakajaꞌ ja winak ja nebini chi necaꞌyi ejeꞌeꞌ nekꞌalajin na chi xa e moyaꞌ, neꞌe.

Hebreos 13:17

Queꞌenimaj ja kachꞌalal ja recꞌayon ewxin, teyaꞌaꞌ ewiꞌ pa quekꞌaꞌ. Ejeꞌeꞌ echajyon rxin ja rewanma in emwal nequijachaꞌ na cuenta chwach ja Dios. Queꞌenimaj utzcꞌa chi nequicoti chi ewucꞌaxic, maxta quebison emwal. Ni majun rcꞌamonto chewe ja wi xa pa bis neꞌeyaꞌ wiꞌ.

Hebreos 2:3

In queriꞌ chake ajoj camic chakajaꞌ, ja lokꞌlaj totajem xin Dios ja rcꞌamonto ja Ralcꞌwal ja wi nkaban tre ni ma vale ta chikawach jariꞌ majun nkatobej kiꞌ. Jariꞌ totajem yaꞌ rbixic nabey rmal ja kajaw Jesucristo in bix chic ajoj chake cumal ja xecꞌaxan rxin, quechꞌob chikawach chi jun totajem ja ni katzij wiꞌ chi totajem.

Santiago 2:5

Chakꞌlaj wachꞌalal, camic teyaꞌaꞌ ewxquin tre ja xtinbij chewe riꞌ ¿la ma ewotak ta cꞌa chi ja mebaꞌiꞌ waweꞌ chwachꞌulew Dios erchaꞌon chi neꞌoc e biyomaꞌ? Ja ocnak quibiyomal jariꞌ ja yukulbal quecꞌuꞌx ruqꞌuin ja Dios. Ejeꞌeꞌ cꞌo jun nimlaj herencia ja xtiyataj chique, jariꞌ herencia neqꞌuejeꞌe chijutij chipan ja gobierno xin Dios. Queriꞌ rtzujun ja Dios chique e janiꞌ neꞌajoꞌn rxin.

Apocalipsis 19:15

Cꞌo jun espada elnakto pa ruchiꞌ congana is rutzaꞌm, jariꞌ nucoj chiquij ja winak ja recꞌo pa tak nación jeꞌe chi nersocbej. Congana jun nimlaj poder nqꞌuejeꞌ pa rukꞌaꞌ ja nucoj chiquij chi cow neruchap tre in nerbanbej mandar. Arjaꞌ neruyaꞌ ja winak chipan jun nimlaj rpokonal, nerupakꞌ chi rkan caniꞌ nuban jun achi nupakꞌ chakan ja uva chipan ja jul ja bar nlasax wiꞌ ja riyaꞌl in ja Dios ja ni majun poder ja maquita cꞌo pa rukꞌaꞌ, arjaꞌ janila ncꞌotsaj ryewal chiquij.

Apocalipsis 22:17

Ja rEspíritu Santo rachbil ja rxjayil ja Carnelo ejeꞌeꞌ quewaꞌ nquibij riꞌ: —Catpeti Jesús, necheꞌe. In chakajaꞌ ja necꞌaxani quirtawaꞌ xtiquibij riꞌ: —Catpeti Jesús, xquecheꞌ ta. Ja winak ja nquenaꞌ chakichiꞌ quepi cꞌa in xa nak ta ja cꞌo rgana npeti tipeti, turtijaꞌ ja yaꞌ ja rcꞌamonto ja utzlaj cꞌaslemal ja mta qꞌuisic trij in xa sipan ja yaꞌ.