San Lucas 14:13 - Tz'utujil (Ja Cꞌacꞌa Chominem)

¹³ Pro ja naban, tok ecꞌoli winak ja neꞌaban invitar chi nurquibanaꞌ jun waꞌim awqꞌuin queꞌabanaꞌ invitar ja tak mebaꞌiꞌ e cachbil ja winak ja ma tzꞌakat ta jeꞌe quekꞌaꞌ e cachbil chakajaꞌ ja tak cojo in tak moyaꞌ.

Tz'utujil NT

¹³ Per kas rbeyal naban, tak ec'ola wnak nque'aban invitar che necrebna' jun w-im awq'uin que'abna' invitar ch'tak mibi', e quexbil jmajo'n tz'kat ta quek'a', e quexbil chka' je' e ch'e'y nquebina, y je' ch'tak moya'.

San Lucas 14:13 Iomraidhean Croise

San Mateo 15:30

Congana e qꞌuiy ja winak xeꞌekaj ruqꞌuin, equicꞌamonto jeꞌe yawaꞌiꞌ caniꞌ chique tak cojo, caniꞌ chique moyaꞌ, caniꞌ chique memaꞌ in caniꞌ chique ja ma tzꞌakat ta jeꞌe quekꞌaꞌ owi cakan, in cꞌa ecꞌo na más ja yawaꞌiꞌ, xeꞌequiyaꞌaꞌ chwach ja Jesús in arjaꞌ xertzursaj.

San Mateo 22:10

Xeꞌelel ja moso, xebe pa tak bey, xequemol ja winak xa nak ta chi winakil wi utz ja quicꞌaslemal owi xa itzel. Queriꞌ queban, ja cꞌa winak ja xeba̱n invitar xenoji chipan ja lugar ja bar nba̱n wiꞌ ja cꞌulbic.

San Lucas 11:41

Pro ja rjawaxic chi neban, ja cꞌol ewqꞌuin jariꞌ queꞌetobej ja winak ja cꞌo rjawaxic chique. Ja wi queriꞌ neban jariꞌ chꞌajchꞌoj nixeli pro ni chi ix jun.

San Lucas 14:12

Cꞌoli chakajaꞌ ja xbij tre ja rachi ja banyon invitar rxin, quewaꞌ xbij tre riꞌ: —Ja tok ecꞌoli winak ja neꞌaban invitar chi nurquibanaꞌ jun almuerzo awqꞌuin owi jun cena maxta xa queyon awamigo queꞌaban invitar owi e animal owi e achakꞌ owi ja juleꞌ chic awachꞌalal owi ja ravecino ja re biyomaꞌ. Ja wi ejeꞌeꞌ riꞌ ja neꞌaban invitar jariꞌ xa natqueban chic invitar atat pa jun chic waꞌim, xa nqueyaꞌ rcꞌaxel chawe.

San Lucas 14:14

Ja wi queriꞌ naban jariꞌ cꞌo jun quicotemal xin Dios xtiyataj na chawe como ja winak ja cꞌa xennataj riꞌ ejeꞌeꞌ maquecowini xtiqueyaꞌ ta rcꞌaxel chawe. Natquicoti como cꞌo jun rtojbalil ja xtiyataj na chawe, tokoriꞌ xtiyataji ja tok xquecꞌastaji ja winak ja utz netzꞌa̱t rmal ja Dios.

San Lucas 14:21

Ja cꞌa moso arjaꞌ melojto. Ja tok xurkaj ruqꞌuin ja rpatrón xuchol chwach nojel ja bixto tre. Ja cꞌa rajaw jay arjaꞌ pi ryewal chiquij ja rinvitado in quewaꞌ xbij chic tre ja rmoso riꞌ: —Catmeloj chic jutij chanim riꞌ, jat pa tak bey rxin ja tinamit in jat pa tak solbal bey chakajaꞌ, queꞌacanoj ja tak mebaꞌiꞌ e cachbil ja winak ja ma tzꞌakat ta jeꞌe quekꞌaꞌ e cachbil chakajaꞌ ja tak cojo in tak moyaꞌ, queꞌacꞌamaꞌto waweꞌ.

Hechos 9:39

Yictaji ja Pedro in be chiquij. Ja cꞌa tok xekaji cꞌamarel chipan ja cuarto ja bar cꞌo wiꞌ ja camnak. Ecꞌo cꞌa juleꞌ ixokiꞌ triꞌ e malcaniꞌ, ejeꞌeꞌ quimajon okꞌej, quemaj rcꞌutic chwach ja Pedro nojel ja tziak ja rbanon can ja Dorcas.

1 Timoteo 3:2

Pro ja rjawaxic tre quewariꞌ, utz rcꞌaslemal, majun nak ta nchapbexi. In ma e caꞌiꞌ ta ja rxjayil. Rjawaxic chi bien nuchꞌob ja nuban in nba̱n respetar. In nuyaꞌ quiposada ja neꞌekaj ruqꞌuin ja cꞌo rjawaxic chique in bien ncowini nertijoj ja kachꞌalal.

1 Timoteo 5:10

In rjawaxic chi nbix chique chi e utzlaj tak ixokiꞌ in utz quiqꞌuittzixic ja cal quibanon, in quiyaꞌon quiposada ja cꞌo rjawaxic chique, in ma quipokonan ta quilixic ja kachꞌalal caniꞌ tre ja chꞌajoj cakan, in equitoꞌon ja quitijon rpokonal in congana quicꞌutun ja cutzil chiquewach ja winak.

Tito 1:8

Ja rjawaxic tre chi nuban, nuyaꞌ quiposada ja neꞌekaj ruqꞌuin ja cꞌo rjawaxic chique. In ni nrajoꞌ wiꞌ ja rutzil, nuchꞌob chi utz ja nuban, ni utz wiꞌ ja nuban, Dios cꞌayon rxin in nucochꞌ chi matuban ja ritzelal.

Filemón 1:7

Anin nmaltioxij tre ja Dios ja rabanon wachꞌalal como ajoj congana nokquicoti rumac ja rajoben riꞌil xin Dios ja cꞌo chawe, congana nxucꞌuxuꞌi ja kanma amwal. Queriꞌ nbij chawe como xurkaj rbixic kuqꞌuin chi ja kachꞌalal janila nxucꞌuxuꞌi ja canma rumac nojel ja rutzil abanon chique.

Hebreos 13:2

Kas queꞌurkaj chewe ja quimajon rcanoxic ja bar newar wiꞌ, queꞌecꞌuluꞌ pon pa tak ewochoch. Queriꞌ nbij chewe como ecꞌoli ja quiyaꞌon posada chique ángel pro ni majun nak ta quinaben ja wi ángel ja queyaꞌ quiposada.