San Lucas 13:33 - Tz'utujil (Ja Cꞌacꞌa Chominem)

³³ Pro camic puersa nmajel chic jutij nubey. Ninbini camic, chwak in cabij, puersa ninbe pa Jerusalén in triꞌ nincamsax wiꞌ como jun profeta xin Dios mta moda ja maquita pa Jerusalén xticamsax wiꞌ.

Tz'utujil NT

³³ Per camic npors quenmaj el chic jmul nubey. Quenbina camic, chwak ruq'uin cabij, pors quenba pJerusalén y tzra' quencamsas wa' com jun profeta rxin Dios majo'n ra mquita pJerusalén xtcamsas wa'.

San Lucas 13:33 Iomraidhean Croise

San Mateo 20:18

—Bien tecꞌwaxaj ja xtinbij chewe riꞌ, camic okbenak pa Jerusalén in ja Ralcꞌwalaxel ja xoc alaxic cuqꞌuin ja winak triꞌ ncamsax wiꞌ, nja̱ch na pa quekꞌaꞌ ja jefe quixin sacerdote e cachbil ja maestro ja netijon quixin ja winak tre ja ley xin Dios ja tzꞌibtal can rmal ja Moisés. Ja cꞌa rejeꞌeꞌ nquekꞌet tzij trij chi ncamsaxi.

San Mateo 21:11

—Jalaꞌ Jesús ja profeta ja raj Nazaret ja cꞌo pa rcuenta Galilea, xecheꞌxi cumal ja winak.

San Lucas 9:53

Pro ja cꞌa winak ja recꞌo chipan ja raldea ejeꞌeꞌ ma xquecꞌul ta ja Jesús como pa Jerusalén nbe wiꞌ.

San Juan 11:54

Rmalcꞌariꞌ tok ja Jesús arjaꞌ ma kas ta qꞌuejeꞌ chic chiquicojol ja raj Israel pro be chipan jun tinamit rbinaꞌan Efraín ja cꞌo chinakaj jun lugar ja kas talani. Ja tok xekaji, triꞌ qꞌuejeꞌ wiꞌ e rachbil ja rdiscípulo.

San Juan 11:9

Ja cꞌa Jesús xcꞌambej jun tzij chiquewach, quewaꞌ xbij chique riꞌ: —¿La mta cꞌa cablajuj hora ncaꞌyi ja kꞌij chipan jun kꞌij? Ja wi pa kꞌij natbini jariꞌ matachokꞌ awakan como ja kꞌij nsakirsan abey chawach.

San Juan 12:35

Ja cꞌa Jesús xbij chic chique: —Ja nsakirsan ebey camic arjaꞌ xa jun caꞌiꞌ kꞌij nqꞌuejeꞌ chi na checojol rmalcꞌariꞌ nbij chewe, como cꞌa cꞌo na ja luz checojol teyaꞌaꞌ lugar tre chi noc pa tak ewanma utzcꞌa chi matoqui ja kꞌekumal pa tak ewanma. Ja winak ja xa pa kꞌekumal nebin wiꞌ ejeꞌeꞌ ma cotak ta bar xqueꞌekaj wiꞌ.

San Juan 4:34

Pro ja Jesús xbij chic chique: —Anin cꞌoli ja rocnak rqꞌuexwach nway. Anin ja tok nban rvoluntad ja Dios ja takyonpi wxin in tok nban cumplir ja samaj ja ryaꞌon chwe chi nban jariꞌ ja rocnak rqꞌuexwach ja nway.

San Juan 9:4

Ja tok cꞌa incꞌo na waweꞌ chwachꞌulew rjawaxic chi nban ja rsamaj ja takyonpi wxin. Caniꞌ tre ja tok noc akꞌaꞌ macatcowini natsamaj chic.

Hechos 10:38

Bien ewotak nak xuban ja Jesús ja raj Nazaret chi Dios chaꞌo rxin, xutakto ja rEspíritu Santo ruqꞌuin in congana poder xuyaꞌ tre. Bien ewotak chi be nat nakaj ja Jesús cuqꞌuin ja winak, solo utzil nuban chique in nertzursaj ja quitijon pokon pa rukꞌaꞌ ja diablo. Queriꞌ xuban como ja Dios cꞌo ruqꞌuin.

Hechos 13:27

Como ja winak ja recꞌo pa Jerusalén e cachbil ja kꞌetol tak tzij ja nebano mandar quixin, ejeꞌeꞌ ma xchꞌobtaj ta cumal chi ja Jesús arjaꞌ ja Toꞌonel ja takonto rmal ja Dios nixtacꞌa chꞌobtaj ta cumal chakajaꞌ nak rbanic ja rtzobal Dios ja tzꞌibtal can ojer cumal ja profeta ja nsiqꞌuix pa tak quixquin pa tak xulaꞌnbal kꞌij. Quicꞌutuj rcamic ja Jesús in triꞌ bantaj wiꞌ cumplir ja tzꞌibtal can ojer cumal ja profeta.