San Lucas 13:24 - Tz'utujil (Ja Cꞌacꞌa Chominem)

²⁴ —Cꞌoli caniꞌ jun pa rchiꞌjay ja congana ti latzꞌ ja bar natoc wiꞌ chi rilic ja totajem xin Dios. Tetijaꞌ cꞌa ekꞌij utzcꞌa chi triꞌ xquixoc wiꞌ ixix. Pro tecojoꞌ ewachokꞌakꞌ como e qꞌuiy ja winak ja ma xqueꞌoc ta masqui cꞌo quigana neꞌoqui.

Tz'utujil NT

²⁴ —C'ola jun chijay congan co'l y xruyon tzra' ncatecwina ncatoca chnawil totanem rxin Dios. Tetja' c'a ek'ij ch-utz c'ara' ne tzra' nquixoc wa' ixix. Com e q'uiy wnak jwer neccanoj wa' che nque'oca per mesquier nquecwina.

San Lucas 13:24 Iomraidhean Croise

San Mateo 11:12

Ja gobierno xin chilaꞌ chicaj congana nqueban ja winak trij in ja winak ja congana quigana ruqꞌuin ejeꞌeꞌ congana nquetij quichokꞌakꞌ utzcꞌa chi neꞌoc chipan. Jariꞌ majtajnakto rbanic ja tok xumajto rsamaj ja Juan Bautista in cꞌa nnajin na camic.

San Lucas 13:23

Cꞌo cꞌa jun chique ja winak cꞌoli xcꞌaxaj tre ja Jesús quewariꞌ: —Wajaw ¿la xa ma e nim ta ja newilowi ja totajem xin Dios? Ja cꞌa Jesús arjaꞌ xumaj tzij cuqꞌuin ja winak, quewaꞌ xbij chique riꞌ:

San Lucas 21:36

Quixcꞌascꞌot cꞌa, xajutij temajaꞌ rbanic ja roración utzcꞌa chi Dios nuyaꞌ chewe chi netoꞌ ewiꞌ chwach nojel awaꞌ ja xinbij kaj chewe riꞌ ja penak chwach ja rwachꞌulew utzcꞌa chakajaꞌ chi nixcꞌuli ja tok nixekaj chwach ja Ralcꞌwalaxel ja xoc alaxic cuqꞌuin ja winak. Queriꞌ xbij ja Jesús chique.

San Juan 13:33

Chakꞌlaj walcꞌwal, anin xa jun ti tiempo chic ninqꞌuejeꞌ checojol. Ninecanoj chi na pro caniꞌ xinbij chique ja juleꞌ chic aj Israel queriꞌ nbij chic chewe ixix camic quewariꞌ, ja bar xquinbe chi wiꞌ maquixcowin ixix nixekaj triꞌ.

San Juan 5:4

Como cꞌo jun ángel nursilaꞌ can jeꞌe ja yaꞌ. Ja tok nsiltaj can ja yaꞌ nebe ja yawaꞌiꞌ chipan, ja cꞌa kas nkaji nabey chipan jariꞌ ntzuri xa nak ta chi yobilal cꞌo tre.

San Juan 6:27

Ixix congana samaj neban chi rcanoxic ja reway pro juleꞌ way ja xa nocꞌowi pro ma xar tawaꞌ samaj teban. Pro ja neban, congana ta nixsamaji chi rcanoxic ja way ja ni mta wiꞌ ocꞌowem nuban, juleꞌ way ja rcꞌamonto ja utzlaj cꞌaslemal ja mta qꞌuisic trij. Ja Ralcꞌwalaxel ja xoc alaxic cuqꞌuin ja winak arjaꞌ nsipan chewe ja way ja cꞌa xinbij chewe riꞌ. Como Dios ja Tatixel arjaꞌ bien rkꞌalasan chic chi arjaꞌ takyonto rxin ja Ralcꞌwalaxel, xecheꞌxi ja winak rmal ja Jesús.

San Juan 7:34

Ninecanoj chi na pro maquinewil chic, ja bar xquineqꞌuejeꞌ chi wiꞌ maquixcowin ixix nixekaj chic triꞌ, neꞌ chique.

San Juan 8:21

Xumaj chic jutij tzij cuqꞌuin: —Anin ninmeloji ja bar inpenak wiꞌ. Ja cꞌa rixix ninecanoj chi na pro maquinewil chic, chipan ja rewil emac nixcam wiꞌ. Ja bar xquinbe chi wiꞌ maquixcowin ixix nixekaj ta triꞌ.

Romanos 10:3

Como ejeꞌeꞌ ma xcajoꞌ ta cotakij nak rbanic ja utzlaj cꞌaslemal ja nuyaꞌ Dios chake pro ja queban, cajoꞌ ta quiwinakarsaj nojoj queyon jun utzlaj cꞌaslemal ja junwiꞌ chi na in mta quigana ruqꞌuin ja utzlaj cꞌaslemal ja xin Dios.

Colosenses 1:29

Rmalcꞌariꞌ tok nmajon jun nimlaj lucha, congana ntij nukꞌij pro ja nyoꞌ wachokꞌakꞌ jariꞌ Jesucristo como arjaꞌ congana nsamaji pa ncꞌaslemal chi rbanic jawaꞌ samaj ja nmajon rbanic riꞌ.

Hebreos 4:11

Katijaꞌ cꞌa kakꞌij, xkoꞌoc ta jutzꞌit chipan ariꞌ ja xulaꞌnbal lugar. Maxta cꞌo jun chake tibano queriꞌ ja caniꞌ queban ja juleꞌ chic winak, ejeꞌeꞌ ma xquinimaj ta ja Dios in rmalariꞌ tok ma xeꞌoc ta chipan ja xulaꞌnbal lugar ja chomin rmal.

2 Pedro 1:10

Rmalcꞌariꞌ wachꞌalal, más chi ta na netij ekꞌij chi rbanic ja xintzꞌibaj riꞌ utzcꞌa chi cꞌol eseguro chi xixsiqꞌuixi in xixchaꞌi chi xixoc pa rukꞌaꞌ ja Dios. Ja wi queriꞌ neban jariꞌ ma quixkaj chipan ja il mac in