San Lucas 12:48 - Tz'utujil (Ja Cꞌacꞌa Chominem)

⁴⁸ Ja cꞌa rajsamajel ja ma rotak ta nak ja najoꞌx tre rmal ja rpatrón chi nuban in wi cꞌoli nuban in wi yatal trij chi nba̱n castigar rmal jariꞌ ma kas ta nim ja rpokonal nutij. Ja tok qꞌuiy ja nsipax chawe rmal ja Dios jariꞌ qꞌuiy ja xticꞌutux chawe rmal chakajaꞌ chi naban. Ja tok qꞌuiy ja nja̱ch pan akꞌaꞌ jariꞌ más na qꞌuiy ja xticꞌutux chawe.

Tz'utujil NT

⁴⁸ Je ajsmajma' jmajo'n rutkin ta nak njo'xa tzra rmal rpatrón chnuban y wnuban je' achnak je xc'ola castigo rec'mon ta jara' majo'n kas ta nim rpoknal nutaj. Tak q'uiy nsipasa chawa rmal Dios jara' q'uiy nc'utuj chawa chka' chnaban. Tak q'uiy nja'cha pnak'a' jara' más chna q'uiy nc'utuxa chawa.

San Lucas 12:48 Iomraidhean Croise

San Mateo 13:12

Queriꞌ nbij chewe como ja winak ja cꞌo jeꞌe yatajnak chique ejeꞌeꞌ nyataj na más chique in tok nqꞌuiswani nuban qꞌuiy cuqꞌuin. Pro ja cꞌa winak ja mta yatajnak chique pro nquechꞌob chi cꞌoli jariꞌ nlasax chique.

San Mateo 23:14

Congana lawuloꞌ chewe ixix ja rix maestro in chewe ixix ja rix fariseo, cacaꞌ epalaj como ixix kas kꞌalawachili nemaj chique ja malcaꞌn tak ixokiꞌ ja tak cochoch, neban nimak tak oración pro xa por interés tok neban. Rmalcꞌariꞌ nbij chewe, ja tok xtikꞌet tzij chewij más chi na jun nimlaj rpokonal xtetij na.

San Lucas 12:41

Cꞌacꞌariꞌ ja Pedro xbij tre: —Wajaw ¿la xa ruyon chake ajoj xabij wiꞌ ja cꞌambal tzij o la xabij chique canojelal? neꞌ tre. Ja cꞌa Jesús quewaꞌ xbij riꞌ:

San Lucas 12:49

Anin cꞌoli caniꞌ jun kꞌakꞌ ntzijel waweꞌ chwach ja rwachꞌulew, xinpeti chi rtzijic jariꞌ kꞌakꞌ in ja ta nwajoꞌ rmajonel chi ta cꞌatem camic riꞌ.

San Lucas 16:2

Ja cꞌa biyom arjaꞌ xutak rsiqꞌuixic ja rajsamajel in tok xekaji quewaꞌ xbij tre riꞌ: —Anin xurkaj rbixic wqꞌuin chi xa nattajini naqꞌuis ja nmebaꞌil. ¿Nak tre ja tok xaban queriꞌ? Camic tajachaꞌ ja racuenta nak abanon tre ja nmebaꞌil como matinyaꞌ chic lugar chawe chi xcatsamaj chi ta más wqꞌuin, neꞌ tre.

San Juan 15:22

Ja wixta maquita xinpeti wixta maquita xinkꞌalasaj chiquewach janiꞌ rnaꞌoj ja Dios jariꞌ mta nechapbexi pro ja camic mta nquitobej quiꞌ xtiquibij ta chi ma quemac ta.

Hechos 17:30

Ja chipan ja rojer tak tiempo ja kꞌaxnak can ja winak ma cotak ta janiꞌ ja Dios pro ja Dios arjaꞌ xucochꞌ. Pro ja cꞌa camic neruban mandar chi nqueqꞌuex ja quinaꞌoj in nqueyaꞌ can ja ritzelal. Queriꞌ nuban chique canojelal xa bar ta triꞌ ecꞌo wiꞌ.

1 Timoteo 1:11

Jawaꞌ utzlaj tijonem xa junan ruqꞌuin ja utzlaj tzij xin Jesucristo in Dios xuyaꞌ chwe ja nsamaj chi nenyaꞌaꞌ rbixic ja utzlaj tzij. Ja utzlaj tzij jaꞌ ncꞌutu chikawach nak rbanic ja Dios chi arjaꞌ congana utz in kas nim rukꞌij. Ja Dios ruqꞌuin arjaꞌ winakarnakto wiꞌ ja quicotemal.

1 Timoteo 1:13

Queriꞌ xuban chwe masqui anin nabey xa itzel xintzijon tre, xinban pokon chique ja xeniman rxin in xintzꞌuj. Pro ja Dios arjaꞌ xpokonaj nwach como anin ma wotak ta ja xinban como jariꞌ tiempo ma nniman ta ja Jesucristo.

1 Timoteo 6:20

Timoteo, ja nwajoꞌ anin chawe chi congana naban cuenta ja utzlaj tijonem ja ban recomendar chawe. Maxta tayaꞌ caso chique ja winak ja nqueyaꞌ jun tijonem ja mta rcꞌamonto in mta noc wiꞌ, ejeꞌeꞌ xa nquechꞌaꞌ ja utzlaj tijonem. Ejeꞌeꞌ nquibij chi congana cotak pro ja cotak mta noc wiꞌ.

Tito 1:3

Ja Dios tok xurwilaꞌ ja kꞌij ja rchominto xutakto rbixic ja rtzobal. Arjaꞌ Toꞌonel kaxin, arjaꞌ biyon chwe chi anin nyaꞌ rbixic ja rtzobal jariꞌ ja rsamaj xuban recomendar chwe chi nban.

Santiago 3:1

Wachꞌalal, maxta e qꞌuiy chewe chaka ta xtiquiminlaꞌ quiꞌ chipan ja samaj xin Dios chi nequitijoj ja kachꞌalal. Queriꞌ nbij chewe como ixix ewotak chi kanojel ja noktijon quixin ja kachꞌalal, tok xtekajachaꞌ na cuenta chwach ja Dios más na lawuloꞌ nba̱n chake ja wi ma rubey ta kaban.