San Lucas 12:46 - Tz'utujil (Ja Cꞌacꞌa Chominem)

⁴⁶ ja wi xa queriꞌ ntajini nuban nerilaꞌ na jun kꞌij tok cꞌa jaꞌ xtunaꞌ xturkaji ja rpatrón, ni majun nak ta rnaben. Ja cꞌa rajsamajel janila jun nimlaj rpokonal xtutij pa rukꞌaꞌ ja rpatrón in nta̱kel rmal chipan ja lugar ja bar ecꞌo wiꞌ ja winak ja xa maquenimani.

Tz'utujil NT

⁴⁶ y tak cara' ntajina nuban nerla' na jun k'ij tak c'nuna' nerkaja rpatrón y nmajo'n rnaben. Jara' ajsmajma' ajni'la jun nimlaj lowlo' xtutaj pruk'a' rpatrón y nta'k ela chpam lwar jabar ec'o wa' wnak jmajo'n ykul ta quec'u'x ruq'uin Dios.

San Lucas 12:46 Iomraidhean Croise

San Mateo 24:50

ja wi xa queriꞌ ntajini nuban nerilaꞌ na jun kꞌij tok cꞌa jaꞌ xtunaꞌ xturkaji ja rpatrón, ni majun nak ta rnaben.

San Mateo 24:51

Ja cꞌa rajsamajel janila jun nimlaj rpokonal xtutij pa rukꞌaꞌ ja rpatrón in nta̱kel rmal chipan ja lugar ja bar ecꞌo wiꞌ ja winak ja xa cacaꞌ quipalaj. Ja cꞌa winak janila chi okꞌej xtiqueban chipan ariꞌ lugar in xtiquicachꞌachꞌej cakꞌ.

San Lucas 12:40

Rmalcꞌariꞌ nbij chewe, ni rjawaxic wiꞌ chi nixcꞌascꞌot ixix chakajaꞌ como ja Ralcꞌwalaxel ja xoc alaxic cuqꞌuin ja winak arjaꞌ chaka jalal tok xtipi chic jutij chipan jun hora ja ni ma echꞌobon ta, neꞌe ja Jesús.

San Lucas 12:45

Pro ja rajsamajel wi xa nbij kaj pa ranma chi: —Nak la kꞌij npit ariꞌ ja npatrón, wi neꞌ kaj, in wi numaj quichꞌayic ja rach tak ajsamajelaꞌ e cachbil ja rajꞌicꞌaꞌ, wi xa banoj tak waꞌim nuban, wi numaj tijoj tak yaꞌ in wi xa nkꞌabari,

San Lucas 12:47

Ja rajsamajel ja rotak nak ja najoꞌx tre rmal ja rpatrón chi nuban in wi cꞌa matichomarsaj riꞌ chi rbanic ja samaj in wi matuban rvoluntad ja rpatrón jariꞌ congana jun nimlaj rpokonal nutij na rmal.

Apocalipsis 16:15

Ja cꞌa Jesucristo quewaꞌ nbij riꞌ: —Bien tecꞌwaxaj, anin ninbe chic jutij chwachꞌulew, ja cꞌa winak cꞌa jaꞌ xtiquenaꞌ ja tok xquinekaj cuqꞌuin caniꞌ tre jun alakꞌom chaka jalal tok nekaji. Congana quiꞌil chique ja winak ja ni necꞌascꞌot wiꞌ in ni ma quiyaꞌon can ta wiꞌ ja yukulbal quecꞌuꞌx wqꞌuin utzcꞌa tok xquinekaj cuqꞌuin ma qꞌuixbal ta nquenaꞌ chinwach, neꞌe.