San Lucas 12:30 - Tz'utujil (Ja Cꞌacꞌa Chominem)

³⁰ Queriꞌ nbij chewe como ja winak ja ma cotak ta rwach ja Dios ejeꞌeꞌ riꞌ ja nebano queriꞌ. Ja cꞌa chewe ixix, ja retataꞌ Dios arjaꞌ bien rotak chi ncꞌatzin chewe nojel awaꞌ wariꞌ.

Tz'utujil NT

³⁰ Cara' quenbij chewa com je' wnak jmajo'n cutkin ta rwech Dios arj-e' nquebnowa cara'. Je chewa ixix, ja Edta' Dios rutkin bien nak nc'atzina chewa tzrij njelal jawrara.

San Lucas 12:30 Iomraidhean Croise

San Mateo 10:20

Queriꞌ nbij chewe como ma ixix ta nixtzijoni triꞌ pro ja rEspíritu Santo arjaꞌ nyoꞌ chewe nak ja xtebij chique, jariꞌ Espíritu rxin ja Dios ja Tatixel ewxin.

San Mateo 18:14

In queriꞌ cꞌa tre chakajaꞌ ja Tatixel ewxin ja cꞌo chilaꞌ chicaj, ja rvoluntad arjaꞌ nixtacꞌa cꞌo ta jun chique waꞌ ja re taknoꞌy riꞌ xtitzꞌilox ta.

San Mateo 5:47

In wi xa queyon ja rewachꞌalal neꞌekꞌijlaꞌ ja queriꞌ xcꞌa ix junan ariꞌ cuqꞌuin ja winak ja xa nak ta chi winakil. Queriꞌ nbij chewe como ja winak masqui ma cotak ta rwach ja Dios pro ejeꞌeꞌ nequikꞌijlaꞌ ja cachꞌalal chakajaꞌ.

San Mateo 6:1

Ecꞌoli winak tok cꞌo jeꞌe nqueban ja chi yaꞌbal rukꞌij ja Dios nqueban pro xa chiquewach winak nqueban wiꞌ utzcꞌa chi nya̱ꞌ quekꞌij cumal ja winak nquechꞌob. Pro ja rixix tebanaꞌ cuenta, maxta teban queriꞌ, nowi queriꞌ neban ni majun rtojbalil nyataj chewe rmal ja Tatixel ja cꞌo chilaꞌ chicaj.

San Mateo 6:32

Queriꞌ nbij chewe como ja winak ja ma cotak ta rwach ja Dios ejeꞌeꞌ riꞌ ja nebano queriꞌ. Ja cꞌa chewe ixix, ja retataꞌ Dios ja cꞌo chilaꞌ chicaj arjaꞌ bien rotak chi ncꞌatzin chewe nojel awaꞌ wariꞌ.

San Mateo 6:8

Maxta queriꞌ teban ixix ja caniꞌ nqueban ejeꞌeꞌ como ja Tatixel ewxin arjaꞌ rotak chic nak ja ncꞌatzin chewe masqui majaꞌn tecꞌutuj tre.

San Lucas 12:29

Rmalcꞌariꞌ nbij chewe, ma tekꞌisaj ta ewiꞌ: —¿Nak nkatij cꞌawaꞌ? maxta quixcheꞌe in: —¿Nak nkacoj cꞌawaꞌ? maxta quixcheꞌe chakajaꞌ.

San Lucas 12:31

Pro ja kas rjawaxic chi neban, ja gobierno xin Dios ni ta ja wariꞌ nechꞌob. Ja wi queriꞌ neban nojel awaꞌ ja ncꞌatzin chewe nyataj chewe.

San Lucas 12:32

Ixix ix caniꞌ jun ti moc tak carnelo pro ma texbej ta ewiꞌ como ja retataꞌ Dios arjaꞌ rchomin chic chi nixrucoj chipan ja gobierno rxin.

San Juan 20:17

Ja cꞌa Jesús xbij tre: —Ma quinachap ta, quinasokpij como majaꞌn quinjoteꞌe ruqꞌuin ja Nataꞌ. Pro ja naban, jat cuqꞌuin ja wachꞌalal, jabij chique chi ninjoteꞌ na ruqꞌuin ja Nataꞌ. Arjaꞌ Etataꞌ ixix chakajaꞌ. Arjaꞌ Dios wxin anin in chakajaꞌ Dios ewxin ixix, neꞌ tre.

Efesios 4:17

Ja cꞌa xtinbij chic chewe riꞌ congana nban recomendar chewe pa rubiꞌ ja kajaw Jesucristo, maxta tewcꞌaj chic jun cꞌaslemal ja caniꞌ quicꞌaslemal ja juleꞌ chic winak ja ma e aj Israel ta como ja quinaꞌoj ejeꞌeꞌ mta noc wiꞌ.