San Lucas 12:20 - Tz'utujil (Ja Cꞌacꞌa Chominem)

²⁰ Pro quewaꞌ bix tre rmal ja Dios riꞌ: —Nacnic achi, chipan awaꞌ jun akꞌaꞌ riꞌ puersa natcami in nojel ja mebaꞌil ja racꞌolon jariꞌ xa nqꞌuejeꞌ can, neꞌxi ja rachi.

Tz'utujil NT

²⁰ Per cawra xbixa tzra rmal Dios: —Necnic acha, jawra chak'a' ncatcoma y njelal amibil jac'lon jara' nec'je' cana, cara' xbixa tzra ja' acha.

San Lucas 12:20 Iomraidhean Croise

San Lucas 11:40

Xa ix nacnak tak winak. ¿La ma ewotak ta cꞌa chi ja Dios arjaꞌ winakarsyon ja rewanma chakajaꞌ in ma ruyon ta ecuerpo rwinakarsan?

1 Tesalonicenses 5:3

Ja tok xajalal majaꞌn tipeti ja Jesucristo ja winak xtiquibij: —Congana quiꞌil ja tiempo okcꞌo wiꞌ riꞌ, ni majun rcꞌayewal, xquecheꞌe, pro chaka jalal tok nkajto juicio chiquij caniꞌ tre jun ixok chaka jalal tok nmajtaj rmal ja rtiꞌobal jun ti ral tok xajalal majaꞌn tiqꞌuejeꞌe. Queriꞌ xtibantaj chique, ni majun nutoꞌ riꞌ chique.

1 Timoteo 6:17

Tabij chique ja biyomaꞌ chi ma tiqueyaꞌ ta quekꞌij, maxta tiyukeꞌ quecꞌuꞌx ruqꞌuin ja quibiyomal como ja biyomal mta yukulbal cꞌuxlal rcꞌamonto. Mejor tiyukeꞌ quecꞌuꞌx ruqꞌuin ja cꞌaslic Dios. Nojel ja cꞌo chwachꞌulew Dios tzꞌucarsyon, congana qꞌuiy rwach utzcꞌa chi nokquicot rmal.

1 Timoteo 6:7

Como ja tok xokalaxi ni majun kacꞌamonto in tok xkocami ni majun nkacꞌamel chakajaꞌ.

Santiago 4:14

Queriꞌ nebij pro ja kacꞌaslemal ma kotak ta nak la xin chwak xin cabij. ¿La ma ewotak ta cꞌa nak rbanic ja kacꞌaslemal chi junan ruqꞌuin juleꞌ sutzꞌ nwinakar nojoj in xa jurata nqꞌuis kaj chic?