San Lucas 12:19 - Tz'utujil (Ja Cꞌacꞌa Chominem)

¹⁹ Ja tok xticꞌoltaj mwal nojelal quewaꞌ xtinbij kaj chic pa wanma riꞌ: —Camic sobre ja nmebaꞌil, jawaꞌ qꞌuiylaj junaꞌ nuban wqꞌuin. Mejor, solo xulaꞌnem chic ja nmajel rbanic camic, solo waꞌim, solo quicotemal. Queriꞌ ja xtinban, neꞌ kaj ja biyom pa ranma.

Tz'utujil NT

¹⁹ Tak xtc'oltaja njelal nmal, cawra xtenbij kaja pwanm chic: —Camic congan chic nmibil, jawra q'uiylaj juna' nuban wq'uin. Camic quenxle'n c'a, quenwa'a y pquicotemal quenc'je' wa'. Cara' xtenban c'a, cara' nbij kaja byom pranm.

San Lucas 12:19 Iomraidhean Croise

San Lucas 12:18

Ja cꞌa tok chꞌobtaj rmal quewaꞌ xbij chic riꞌ: —Mejor ja nban, can nyoj ja ntroja nojelal in nban chic juleꞌ ja más chi na nimak. Ja cꞌa tok xtibantaj mwal chipan xtincꞌol wiꞌ nojel ja ncosecha rachbil ja juleꞌ chic mebaꞌil ja cꞌo wqꞌuin.

San Lucas 16:19

Cꞌacꞌariꞌ xbij chic chique: —Cꞌo jun achi biyom, congana buen tak tziak nucoj ja nimak rjil. Kꞌij kꞌij ni cꞌo wiꞌ nimak tak waꞌim nuban.

San Lucas 21:34

Tebanaꞌ jutzꞌit cuenta ewiꞌ, maxta xa jaꞌ tibe ecꞌuꞌx trij nimak tak waꞌim in tijoj tak yaꞌ, maxta xa jaꞌ tebisoj ja xin rwachꞌulew. Maxta cꞌa jaꞌ tenaꞌ ja tok xterilaꞌ ja kꞌij ja tok xtipi chic jutij ja Ralcꞌwalaxel ja xoc alaxic cuqꞌuin ja winak.

1 Corintios 15:32

Ja cꞌa wixta xa junan nnaꞌoj anin cuqꞌuin ja winak ja matiquinimaj chi ncꞌastaj na quewach ja camnakiꞌ ¿nak ta cꞌa noc wariꞌ chwe ja tok xintij pokon pa quekꞌaꞌ juleꞌ winak waweꞌ pa Efeso pro juleꞌ winak ja xa e caniꞌ itzel tak chicop? Ja cꞌa wixta maquita ncꞌastaj quewach ja camnakiꞌ cꞌo ta cꞌa quirazón ariꞌ ja winak ja nebini chi: —Ja kaway rachbil kayaꞌ xta jariꞌ nokoclaꞌ il tre in xa xarariꞌ como ja chwak cabij xa nokcami, necheꞌe.

Filipenses 3:19

Pro ejeꞌeꞌ riꞌ winak xa nebe na chipan ja nimlaj rpokonal. Ja nyarij ja quicuerpo jariꞌ ocnak quidios. Cꞌo na nqueban ja xa qꞌuixbal rbanic pro nqueyaꞌ quekꞌij rmal, xa jaꞌ nquechꞌob ja xin rwachꞌulew.

1 Timoteo 5:6

Pro ja malcaꞌn ja wi xa nuchꞌob ja quicotemal xin rwachꞌulew arjaꞌ camnak chwa Dios.

1 Timoteo 6:17

Tabij chique ja biyomaꞌ chi ma tiqueyaꞌ ta quekꞌij, maxta tiyukeꞌ quecꞌuꞌx ruqꞌuin ja quibiyomal como ja biyomal mta yukulbal cꞌuxlal rcꞌamonto. Mejor tiyukeꞌ quecꞌuꞌx ruqꞌuin ja cꞌaslic Dios. Nojel ja cꞌo chwachꞌulew Dios tzꞌucarsyon, congana qꞌuiy rwach utzcꞌa chi nokquicot rmal.

2 Timoteo 3:4

Ejeꞌeꞌ nequitzujuj can ja camigo chipan ja rcꞌayewal in matiquechꞌob nquemin quiꞌ chipan ja rcꞌayewal chakajaꞌ. Congana e nimak nquenaꞌ in más na ncajoꞌ ja quicotemal xin rwachꞌulew chwach ja ncajoꞌ ja Dios.

Santiago 5:5

Ja biyomaꞌ janila ja mebaꞌil cꞌo cuqꞌuin in janila equicotnak chipan waweꞌ chwachꞌulew pro cꞌo jun nimlaj rcꞌayewal cajal chiquewach, caniꞌ nba̱n tre jun wacax tok nchakꞌaji ncꞌamarel pa rasta chi npochꞌi.

1 Pedro 4:3

Ja winak ja ma cotak ta rwach ja Dios ejeꞌeꞌ qꞌuiy rwach ja ritzelal nel quecꞌuꞌx trij in queriꞌ xebanto ixix chakajaꞌ. Congana qꞌuixbal xebanto in tok xeban nimak tak waꞌim xixchꞌujar rmal ja tijoj yaꞌ, xerak echiꞌ, xeban sícꞌ chꞌaꞌoj in chakajaꞌ más na lawuloꞌ xeban xixxuqueꞌ chiquewach cachbal tak winak in chwach rachbal tak nakun. Pro jariꞌ matel chic ecꞌuꞌx trij camic, itzel chic netzꞌat.

Apocalipsis 18:7

Como arjaꞌ congana nim nunaꞌ kaj como congana quicotnak kaj ruyon ruqꞌuin ja nimak tak mebaꞌil ja cꞌo ruqꞌuin, queriꞌ cꞌa tebanaꞌ ixix tre chakajaꞌ congana rpokonal in bis teyaꞌaꞌ tre. Queriꞌ ja neban tre como arjaꞌ quewaꞌ nbij kaj pa ranma riꞌ: —Waweꞌ intzꞌubul wiꞌ, inocnak reina pa quewiꞌ ja winak, anin ma in malcaꞌn ixok ta in ni majun nak ta xquinbison ta rmal, neꞌe.