San Lucas 12:17 - Tz'utujil (Ja Cꞌacꞌa Chominem)

¹⁷ Ja cꞌa biyom arjaꞌ xumaj kaj rchꞌobic pa ranma: —¿Nak nban cꞌawaꞌ? como camic mchita bar ta xtincꞌol wiꞌ ja ncosecha, neꞌ kaj.

Tz'utujil NT

¹⁷ Ja' byom cawra xumaj kaja rch'obic pranm: —¿Nak quenban c'a wa'? Com camic majo'n chic abar quenyic wa' necsech, cara' nbij kaja.

San Lucas 12:17 Iomraidhean Croise

San Mateo 16:7

Ja cꞌa rdiscípulo ejeꞌeꞌ quemaj tzij chibil tak quiꞌ, quewaꞌ nquibij riꞌ: —Queriꞌ nbij chake rumac ja mta way kacꞌampi ta, xecheꞌe.

San Mateo 5:42

Ja wi cꞌo jun cꞌoli xcꞌutuj chewe teyaꞌaꞌ tre in wi cꞌo jun nrajoꞌ nukaj pwok chewe maxta ma teyaꞌ ta tre chakajaꞌ.

San Lucas 10:25

Cꞌo cꞌa jun achi peti, arjaꞌ jun chique ja maestro ja netijon quixin ja winak tre ja ley xin Dios. Ja cꞌa rachi cꞌo rgana ncꞌambajaj ja Jesús in xa rmalariꞌ tok quewaꞌ xbij tre riꞌ: —Maestro ¿nak nban utzcꞌa chi nyataj chwe ja utzlaj cꞌaslemal ja mta qꞌuisic trij? neꞌ tre ja Jesús.

San Lucas 11:41

Pro ja rjawaxic chi neban, ja cꞌol ewqꞌuin jariꞌ queꞌetobej ja winak ja cꞌo rjawaxic chique. Ja wi queriꞌ neban jariꞌ chꞌajchꞌoj nixeli pro ni chi ix jun.

San Lucas 12:16

Cꞌacꞌariꞌ xbij jun cꞌambal tzij chique quewariꞌ: —Cꞌo jun achi biyom, cꞌoli ja rulew in congana cosecha nuyaꞌ.

San Lucas 12:18

Ja cꞌa tok chꞌobtaj rmal quewaꞌ xbij chic riꞌ: —Mejor ja nban, can nyoj ja ntroja nojelal in nban chic juleꞌ ja más chi na nimak. Ja cꞌa tok xtibantaj mwal chipan xtincꞌol wiꞌ nojel ja ncosecha rachbil ja juleꞌ chic mebaꞌil ja cꞌo wqꞌuin.

San Lucas 12:22

Cꞌacꞌariꞌ xumaj tzij cuqꞌuin ja rdiscípulo, quewaꞌ xbij chique riꞌ: —Rmalcꞌariꞌ ja tok nbij chewe, maxta tekꞌisaj ewiꞌ tre ja recꞌaslemal: —¿Nak nkatij cꞌawaꞌ? maxta quixcheꞌe, in nixtacꞌa ja ncꞌatzin tre ja recuerpo chakajaꞌ: —¿Nak nkacoj chi cꞌawaꞌ? maxta quixcheꞌe.

San Lucas 12:29

Rmalcꞌariꞌ nbij chewe, ma tekꞌisaj ta ewiꞌ: —¿Nak nkatij cꞌawaꞌ? maxta quixcheꞌe in: —¿Nak nkacoj cꞌawaꞌ? maxta quixcheꞌe chakajaꞌ.

San Lucas 12:33

Ja cꞌo jeꞌe ewqꞌuin tecꞌayij in tesipaj ja rjil chique tak mebaꞌiꞌ. Ja wi queriꞌ neban jariꞌ cꞌoli caniꞌ jun cꞌolbal emebaꞌil nyataj na chewe pro mta yojtajic trij in cꞌoli chakajaꞌ ja mebaꞌil ewxin xin chilaꞌ chicaj pro jun mebaꞌil ja ni mta wiꞌ qꞌuisic trij. Ni majun alakꞌom xtoc ta triꞌ nixtacꞌa cꞌo ta jun chicop ja xtitijo ta ja mebaꞌil.

San Lucas 16:3

Ja cꞌa rajsamajel quewaꞌ xbij kaj pa ranma riꞌ: —¿Nak nban cꞌawaꞌ camic como ja npatrón xa nwasaj chwe ja nsamaj? Como anin matincochꞌ chic ja xtinban ta samaj ja nrajoꞌ awachokꞌakꞌ, in jun chic, xa qꞌuixbal nnaꞌ ja xtinmaj ta rcꞌutuxic limosna.

San Lucas 16:9

Ja mebaꞌil xin rwachꞌulew congana itzelal nqueban ja winak rmal. Pro camic nbij chewe, quixoc listo ixix chakajaꞌ, tecojoꞌ ja mebaꞌil xin rwachꞌulew pro ja ta neban ixix tre neꞌetobej ta ja cꞌo rjawaxic chique. Quirtariꞌ neban utzcꞌa tok xtiqꞌuisi ja mebaꞌil xin rwachꞌulew cꞌacꞌariꞌ ja rewamigo ja xeꞌetoꞌ ejeꞌeꞌ necꞌulu ewxin chilaꞌ chicaj pa tak cochoch ja ni mta wiꞌ qꞌuisic trij.

San Lucas 18:22

Ja cꞌa Jesús tok xcꞌaxaj ja xbij ja rachi quewaꞌ xbij chic tre riꞌ: —Pro cꞌa cꞌo na ja ma abanon ta. Tacꞌayij can nojel ja cꞌol awqꞌuin, ja cꞌa rjil tayaꞌaꞌ can chique ja tak mebaꞌiꞌ. Ja wi queriꞌ naban jariꞌ cꞌoli ja mebaꞌil ja nyataj na chawe chilaꞌ chicaj. Ja tok xtibantaj amwal ja cꞌa xinbij chawe riꞌ catmelojto cꞌa wqꞌuin in cattreꞌel chwij, neꞌ tre.

San Lucas 19:17

Ja cꞌa rey quewaꞌ xbij tre riꞌ: —Utz xaban tre ja samaj, atat at jun utzlaj moso, janila naban cumplir ruqꞌuin ja rasamaj. Xa ti ma nim ta ja xinyaꞌ can chawe pro xaban cumplir. Rmalcꞌariꞌ tok lajuj tinamit ja ncoj chic pan akꞌaꞌ camic chi natoc kꞌetol tzij parwiꞌ, neꞌ tre.

San Lucas 3:11

—Xa nak ta chewe ja cꞌo caꞌiꞌ camisa ruqꞌuin tiyaꞌaꞌ jun tre ja mta rxin owi cꞌo way ruqꞌuin tiyaꞌaꞌ rxin ja mta nutij, neꞌe ja Juan chique.

Hechos 16:30

Cꞌacꞌariꞌ xerlasajto chipan ja cheꞌ in quewaꞌ xbij chique riꞌ: —Camic tebij chwe ¿nak cꞌo rjawaxic chwe chi nban utzcꞌa chi nwil ja totajem xin Dios? neꞌ chique.

Hechos 2:37

Ja cꞌa winak tok quicꞌaxaj ja xbij ja Pedro chique congana xkꞌututuj riꞌ ja canma. Quewaꞌ quibij riꞌ: —Ixix ja rix kach tak aj Israel ¿nak cꞌa cꞌo rjawaxic chake chi nkaban camic? xecheꞌ tre ja Pedro in chique ja juleꞌ chic apóstol.

Romanos 12:13

Queꞌetoꞌoꞌ ja kachꞌalal ja cꞌo rjawaxic chique. Ja tok ecꞌoli ja ncꞌatzin posada chique teyaꞌaꞌ quiposada.

1 Timoteo 6:17

Tabij chique ja biyomaꞌ chi ma tiqueyaꞌ ta quekꞌij, maxta tiyukeꞌ quecꞌuꞌx ruqꞌuin ja quibiyomal como ja biyomal mta yukulbal cꞌuxlal rcꞌamonto. Mejor tiyukeꞌ quecꞌuꞌx ruqꞌuin ja cꞌaslic Dios. Nojel ja cꞌo chwachꞌulew Dios tzꞌucarsyon, congana qꞌuiy rwach utzcꞌa chi nokquicot rmal.

1 Juan 3:16

Ja Jesucristo arjaꞌ xuyaꞌ riꞌ chi camsax pa kacuenta, triꞌ nkotakij wiꞌ janiꞌ ja rajoben riꞌil. Queriꞌ chake ajoj chakajaꞌ yatal chakij chi matikapokonaj nkayaꞌ kiꞌ pa camíc pa quicuenta ja kachꞌalal.