San Lucas 12:15 - Tz'utujil (Ja Cꞌacꞌa Chominem)

¹⁵ Cꞌacꞌariꞌ ja Jesús xbij chique ja winak: —Tebanaꞌ cuenta ewiꞌ, maxta quixban engañar rmal ja yarin mebaꞌil. Queriꞌ nbij chewe como ni majun winak masqui congana mebaꞌil cꞌo ruqꞌuin pro ma ja tariꞌ ja mebaꞌil nyowi rcꞌaslemal, neꞌ chique.

Tz'utujil NT

¹⁵ C'jara' ja' Jesús cawra xbij chca wnak: —Tebna' cwent ewi', mquita xtquixba'na engañar rmal yarin mibil. Cara' quenbij chewa com nmajo'n jun wnak mesque ncongan mibil ruq'uin per mjara' ta mibil nyowa rc'aslemal, cara' xbij chca.

San Lucas 12:15 Iomraidhean Croise

Marcos 7:22

caniꞌ tre banoj alakꞌ, caniꞌ tre tok chaka benak chi nayarij quinakun winak, caniꞌ tre banoj itzelal in banoj engaño, caniꞌ tre banoj nakun ja congana chuw chwach ja Dios, caniꞌ tre aquiakarem, neꞌatzijoj winak, nayaꞌ akꞌij in banoj nakun ja xa ma chꞌobol ta.

San Lucas 12:16

Cꞌacꞌariꞌ xbij jun cꞌambal tzij chique quewariꞌ: —Cꞌo jun achi biyom, cꞌoli ja rulew in congana cosecha nuyaꞌ.

San Lucas 16:14

Ja cꞌa fariseo ejeꞌeꞌ quicꞌaxaj chakajaꞌ nojel ja xbij ja Jesús tre ja mebaꞌil. Rmalcꞌariꞌ tok quemaj ryokꞌic como ejeꞌeꞌ chaka benak chi nquiyarij ja mebaꞌil xin rwachꞌulew.

San Lucas 21:34

Tebanaꞌ jutzꞌit cuenta ewiꞌ, maxta xa jaꞌ tibe ecꞌuꞌx trij nimak tak waꞌim in tijoj tak yaꞌ, maxta xa jaꞌ tebisoj ja xin rwachꞌulew. Maxta cꞌa jaꞌ tenaꞌ ja tok xterilaꞌ ja kꞌij ja tok xtipi chic jutij ja Ralcꞌwalaxel ja xoc alaxic cuqꞌuin ja winak.

San Lucas 8:14

Ja kaj pa tak qꞌuix jariꞌ tibij tzij chi ecꞌoli winak ja nquicꞌaxaj ja rtzobal Dios pro tok nqꞌuiswani xa jaꞌ nquibisoj chic ja xin rwachꞌulew caniꞌ tre mebaꞌil in caniꞌ tre quicotemal, caniꞌ nejikꞌ chipan. Ejeꞌeꞌ xa e caniꞌ juleꞌ tijcoꞌm ja mta rwach nuyaꞌ.

1 Corintios 6:10

nixtacꞌa chique ta ja ralakꞌomaꞌ nixtacꞌa chique ta ja winak ja chaka benak chi nquiyarij quinakun winak nixtacꞌa chique ta ja kꞌabarelaꞌ nixtacꞌa chique ta ja winak ja xa pokonlaj tak tzij netzijoni in nixtacꞌa chique ta ja nequechap winak chi nquilakꞌajel quinakun.

Colosenses 3:5

Como ixcamnak chic chwach ja il mac ma teban chi ta ixix ja ritzelal ja caniꞌ nqueban winak waweꞌ chwachꞌulew. Quewaꞌ nqueban riꞌ, xa il mac nqueban achiꞌiꞌ cuqꞌuin ixokiꞌ, xa nquitzꞌilorsaj ja quinaꞌoj, chaka benak chi nquiyarij quiꞌ, solo itzelal ja ncajoꞌ. In jun chic nqueban, chaka benak chi nquiyarij quinakun winak. Ja tok chaka benak chi nquiyarij quinakun winak jariꞌ xa nakun jeꞌe nqueyaꞌ rukꞌij, xa jariꞌ ocnak quidios.

2 Timoteo 3:2

Treriꞌ tiempo quewaꞌ quibanic ja winak riꞌ, xa ejeꞌeꞌ nquilokꞌokꞌoj kaj quiꞌ queyon, congana nel quecꞌuꞌx trij ja pwok in congana nqueyaꞌ quekꞌij chakajaꞌ, kas e nimak nquenaꞌ kaj. In chakajaꞌ xa itzel netzijoni, maquequinimaj quitataꞌ queteꞌ, matiquimaltioxij ja rutzil nba̱n chique, xa e itzel tak winak chwa Dios.

Hebreos 13:5

Maxta congana tel ecꞌuꞌx trij ja pwok, ni quixquicot wiꞌ nojel tiempo chi cꞌoli owi mta cꞌol ewqꞌuin como ja Dios arjaꞌ nchajin awxin caniꞌ rbin can chipan ja rtzobal quewariꞌ: —Nij incꞌo wiꞌ awqꞌuin chijutij, ni macatnuyaꞌ can wiꞌ, neꞌe.

2 Pedro 2:14

Mta ariꞌ ja maquita nquiyarij rwach jun ixok, maquecos chi rbanic ja ritzelal. Ja winak ja ma cowirnak ta quewiꞌ canma chipan ja rtzobal Dios nequisiqꞌuij chipan ja ritzelal. Kas ntzuri nbantaj cumal chi rqꞌuiyirsaxic ja quimebaꞌil. Queriꞌ quibanic, ejeꞌeꞌ xa etzelan chic rmal ja Dios.

2 Pedro 2:3

Ejeꞌeꞌ riꞌ ja ritzel tak maestro xa pwok nquiyarij in rmalariꞌ congana xquixquekꞌol, xtiquibij buen tak tzij chewe ja nquiwasbej ja pwok chewe. Pro ja Dios ojer cꞌo jun juicio rchominto quixin, ejeꞌeꞌ nequilaꞌ na jun kꞌij tok xqueꞌekaj chwach ja rpokonal.