San Lucas 12:11 - Tz'utujil (Ja Cꞌacꞌa Chominem)

¹¹ Ja tok xquixchap cumal ja winak, tok nixquecꞌamel pa tak jay xin molbal riꞌil in tok nixquecꞌamel chiquewach ja kꞌetol tak tzij maxta quixoclaꞌ il tre ja nebij ja netobej ewiꞌ chiquewach

Tz'utujil NT

¹¹ Tak xtquixcha'pa cmal wnak, tak xtquixelsas ela ptak jay rxin molbal ri'il y tak nquixquec'om ela chquewech e k'toy tak tzij, mtquixbison ta tzrij nak nebij jnetobej ewi' chquewech

San Lucas 12:11 Iomraidhean Croise

San Mateo 23:34

Rmalcꞌariꞌ ja tok nbij chewe chi ecꞌoli winak nenutakel checojol caniꞌ chique profeta in caniꞌ chique juleꞌ chic ja solo rnaꞌoj Dios nquecoj in caniꞌ chique maestro. Ja cꞌa neban ixix chique, ecꞌoli chique neꞌerip chwach cruz, neꞌecamsaj in ecꞌoli chique neꞌerapaj pa tak jay xin molbal riꞌil ja bar nemol wiꞌ ewiꞌ chi rcꞌaxaxic ja rtzobal Dios in neꞌesaluj. Qꞌuiy ja tinamit nekꞌax wiꞌ emwal in nij ixtran wiꞌ chiquij chi quisaluxic.

San Mateo 6:25

Rmalcꞌariꞌ ja tok nbij chewe, maxta tekꞌisaj ewiꞌ tre ja recꞌaslemal: —¿Nak nkatij chi cꞌawaꞌ? maxta quixcheꞌe, in nixtacꞌa ja ncꞌatzin tre ja recuerpo chakajaꞌ: —¿Nak nkacoj chi cꞌawaꞌ? maxta quixcheꞌe. Ja Dios arjaꞌ nuyaꞌ nojelal ja ncꞌatzin tre ja recꞌaslemal in tre ja recuerpo ¿la matuyaꞌ cꞌariꞌ chewe chakajaꞌ ja netij in ja necoj?

San Mateo 6:27

In jun chic, ni majun chewe masqui congana nkꞌisaj riꞌ ncowin ta ruyon nuyaꞌ ta rqꞌuiybal nel ta más nim rkan.

San Mateo 6:28

In tre ja tziak ¿nak cꞌa tre tok nekꞌisaj ewiꞌ rmal ja necoj? Tewasaj mpeꞌ enaꞌoj trij ja cotzꞌiꞌj nak nuban tok nqꞌuiyi pa tak kꞌayis pro matisamaji in matikꞌinoni.

San Mateo 6:31

Rmalcꞌariꞌ nbij chewe, ma tekꞌisaj ta ewiꞌ: —¿Nak nkatij cꞌawaꞌ? maxta quixcheꞌe in: —¿Nak nkacoj cꞌawaꞌ? maxta quixcheꞌe chakajaꞌ.

San Mateo 6:34

Rmalcꞌariꞌ nbij chewe, maxta tekꞌisaj ewiꞌ rmal ja penak chewach xin chwak cabij. Ja wi cꞌoli ja problema xin chwak, xin chwak cꞌariꞌ, maxta tecꞌam camic. Ja jujun kꞌij sobre ja problema chipan.

San Lucas 12:22

Cꞌacꞌariꞌ xumaj tzij cuqꞌuin ja rdiscípulo, quewaꞌ xbij chique riꞌ: —Rmalcꞌariꞌ ja tok nbij chewe, maxta tekꞌisaj ewiꞌ tre ja recꞌaslemal: —¿Nak nkatij cꞌawaꞌ? maxta quixcheꞌe, in nixtacꞌa ja ncꞌatzin tre ja recuerpo chakajaꞌ: —¿Nak nkacoj chi cꞌawaꞌ? maxta quixcheꞌe.