San Lucas 11:49 - Tz'utujil (Ja Cꞌacꞌa Chominem)

⁴⁹ Rmalcꞌariꞌ tok ja Dios ojer quewaꞌ rbin can riꞌ: —Ja winak ecꞌoli profeta nenutakel na cuqꞌuin e cachbil juleꞌ apóstol. Ja cꞌa profeta in apóstol juleꞌ chique necamsax na cumal ja winak in juleꞌ chic chique nesalux na cumal. Queriꞌ xbij ja Dios ja rotakyon nojelal.

Tz'utujil NT

⁴⁹ Rmal c'ara' tak cawra rbin cana Dios ojer: —Cuq'uin wnak ec'ola jle' profeta quenutak ela e quexbil jle' apóstol. J-e' profeta ruq'uin apóstol jle' chca nquecamsasa cmal wnak y jle' nquesalux ela. Cara' xbij Dios je ojtakyona njelal.

San Lucas 11:49 Iomraidhean Croise

San Mateo 22:6

Ja cꞌa juleꞌ chic xequechap ja moso, lawuloꞌ queban chique in xequicamsaj.

San Lucas 11:48

Ja tok queriꞌ neban jariꞌ bien kꞌalaj chi ix conforme ruqꞌuin ja queban ja rewatiꞌt emamaꞌ ojer como ejeꞌeꞌ xecamsan quixin ja profeta in ixix nixbano rbanic ja quipanteón.

San Lucas 24:47

In tzꞌibtal can chakajaꞌ chi pa rubiꞌ ja Cristo nekaj na rbixic cuqꞌuin canojel ja winak ja recꞌo pa tak nación jeꞌe chi rjawaxic chi nqueqꞌuex ja quinaꞌoj in nqueyaꞌ can ja ritzelal utzcꞌa chi ncuytaji ja quil quemac, jariꞌ pa Jerusalén nmajtajel wiꞌ rbixic.

San Juan 16:2

Como ja winak ejeꞌeꞌ nixquichꞌakijto na pa tak jay xin molbal riꞌil ja bar ncꞌaxax wiꞌ ja rtzobal Dios in maquixcꞌul chic chipan. In cꞌuluto, nerilaꞌ na jun kꞌij ja tok nixquicamsaj in ja pa quetzij ejeꞌeꞌ rvoluntad Dios nqueban ja nixquicamsaj.

Hechos 1:8

Pro ja tok xtikajto ja rEspíritu Santo ewqꞌuin tokoriꞌ cꞌoli poder xin Dios ja xtecochij tre. Tokocꞌariꞌ nixbe in nemaj rbixic chique ja winak nojel ja retzꞌaton in nojel ja recꞌwaxan ja xinban chewach. Nemajel rbixic pa Jerusalén in nixbe chi rbixic chipan nojel tinamit ja cꞌo pa rcuenta Judea in nixbe chi rbixic chipan ja departamento Samaria chakajaꞌ. Cꞌacꞌariꞌ nixbe chi rbixic nojel nat nakaj tre ja rwachꞌulew, neꞌe ja Jesús chique.

Hechos 11:27

Jariꞌ tiempo ecꞌo juleꞌ profeta xeꞌelel pa Jerusalén xebe pan Antioquía.

Hechos 22:20

In jun chic, ja tok camsaxi ja rEsteban ja rajsamajel awxin, anin incꞌo triꞌ ja bar camsax wiꞌ, in conforme triꞌ chi camsaxi, anin xinchajini ja quitziak ja xecamsan rxin, xincheꞌ tre.

Hechos 7:57

Pro congana quemaj rakic quechiꞌ, quitzꞌapij quixquin in xeyictaj trij ja rEsteban pro ni canojelal.

Hechos 8:3

Ja cꞌa Saulo arjaꞌ xumaj rbanic pokon chique ja riglesia. Ja nuban, noc pa tak jay xa nak ta chi jayil ja bar ecꞌo wiꞌ ja kachꞌalal, neꞌerchararajto chi ixokiꞌ chi achiꞌiꞌ in nerutak pa cheꞌ.

1 Corintios 1:24

Pro ja chake ajoj ja rokchaꞌon rmal ja Dios wi ok aj Israel owi ma ok aj Israel ta bien kotak chi ja Cristo ja camsax chwach cruz ruqꞌuin arjaꞌ nkawil wiꞌ ja poder xin Dios in ruqꞌuin arjaꞌ nkawil wiꞌ chakajaꞌ ja naꞌoj xin Dios.

1 Corintios 1:30

Dios cꞌa yoyon chewe nojelal. Arjaꞌ yoyon chewe jun cꞌacꞌa cꞌaslemal pro xa rmal ja Cristo Jesús chewiꞌ tok ryaꞌon chewe. Arjaꞌ takoto rxin ja Cristo chi katoꞌic in xa rmal ja Cristo ja tok yatajnak chake ja naꞌoj xin Dios in xa rmal ja Cristo chakajaꞌ tok Dios nokrucꞌul in nuban chake caniꞌ mta kil kamac in xa rmal ja Cristo chakajaꞌ tok kꞌij kꞌij noc más chꞌajchꞌoj ja kanma in xa rmal ja Cristo chakajaꞌ tok ma ok preso chi ta pa rukꞌaꞌ ja il mac in noketotaj na chijutij.

Efesios 4:11

Arjaꞌ sipan chake ja samaj nkaban jeꞌe quewariꞌ, juleꞌ chake xeꞌoc apóstol, juleꞌ chic chake xeꞌoc profeta, juleꞌ chic xuyaꞌ chique chi nebe pa tak lugar chi nequiyaꞌaꞌ rbixic ja utzlaj tzij xin Jesucristo, in juleꞌ chic xuyaꞌ chique chi nequiyukꞌuj ja kachꞌalal in nequitijoj.

Colosenses 2:3

Ruqꞌuin ja Cristo nkawil wiꞌ ja naꞌoj xin Dios pro ni nojelal, ruqꞌuin arjaꞌ nkawil wiꞌ nojelal ja nrajoꞌ ja Dios chake chi nkotakij jariꞌ caniꞌ jun nimlaj mebaꞌil nkawil. Pro solo ruqꞌuin ja Cristo nkawil wiꞌ.

Apocalipsis 16:6

Queriꞌ nbij chawe como ja winak ejeꞌeꞌ quetix quiquiqꞌuel ja profeta awxin, xequicamsaj in queriꞌ queban chique juleꞌ chic tinamit awxin chakajaꞌ. Pro ja cꞌa camic xayaꞌ rjil rcꞌaxel chique, ja yaꞌ xacoj quicꞌ chiquewach in jariꞌ nquetij camic in jariꞌ ni yatal wiꞌ chiquij chi queriꞌ ban chique, neꞌe ja ángel.

Apocalipsis 18:20

Pro ja cꞌa rixix ja rixcꞌo chilaꞌ chicaj quixquicoti. Ja rix apóstol, ja rix profeta, ewanojel ja rix tinamit rxin ja Dios quixquicoti. Como ja tinamit Babilonia, Dios ryaꞌon rjil rcꞌaxel tre ja rbanon chewe, xecheꞌe.