San Lucas 11:43 - Tz'utujil (Ja Cꞌacꞌa Chominem)

⁴³ Congana lawuloꞌ chewe ja rix fariseo como ixix tok nixbe pa tak jay xin molbal riꞌil ja bar ncꞌaxax wiꞌ ja rtzobal Dios congana nel ecꞌuꞌx trij ja tzꞌulbal jeꞌe ja más nimak rukꞌij in chakajaꞌ tok nixbin pa tak cꞌaybal congana nel ecꞌuꞌx trij ja nixban saludar.

Tz'utujil NT

⁴³ Congan lowlo' chewa ixix je ix aj fariseo com ixix tak nquixba chpam jay rxin molbal ri'il jabar nc'axax wa' rtzojbal Dios xe tzrij tz'ulbal je nmak ruk'ij nel twa' ec'u'x. Chka' tak nquixbina ptak q'uebal congan nel ta ec'u'x tzrij tak nquixk'ijloxa.

San Lucas 11:43 Iomraidhean Croise

San Mateo 11:16

¿Bar cꞌa nenjunsaj wawaꞌ ja winak ja tinamit Israel? Cuqꞌuin caꞌiꞌ moc acꞌalaꞌ nenjunsaj wiꞌ ja quimajon tzꞌanem pa tak cꞌaybal. Jun moc nquerak quechiꞌ chiquij ja jun moc chic:

San Lucas 20:46

—Tebanaꞌ cuenta chique ja maestro ja netijon quixin ja winak tre ja ley xin Dios. Ejeꞌeꞌ congana nel quecꞌuꞌx trij ja necꞌastan chiquewach winak, quicojon nimak tak tziak ja ncꞌutu quixin chi e nimak tak maestro. In cꞌa cꞌo na más ja congana nel quecꞌuꞌx trij caniꞌ tre ja neba̱n saludar pa tak cꞌaybal in caniꞌ tre tok nebe pa tak jay xin molbal riꞌil ja bar ncꞌaxax wiꞌ ja rtzobal Dios, ejeꞌeꞌ nquicanoj ja nabey tak tzꞌulbal ja nimak rukꞌij in queriꞌ nqueban chakajaꞌ tok neba̱n invitar pa nimak tak waꞌim.

Romanos 12:10

Caniꞌ nuban jun winak lokꞌ nerunaꞌ ja rchꞌalal queriꞌ ta cꞌa neban ixix chakajaꞌ kas lokꞌ tenaꞌaꞌ ewiꞌ chibil tak ewiꞌ in tebanaꞌ respetar ewiꞌ chibil tak ewiꞌ chakajaꞌ.

Filipenses 2:3

Maxta cꞌo chꞌaꞌoj teban, maxta teyaꞌ kaj ekꞌij eyon pro ja neban, tebanaꞌ taknoꞌy ewanojelal. Quirtawaꞌ xtechꞌob kaj pa tak ewanma riꞌ: —Ja wachbil ejeꞌeꞌ ja más na e utz canojelal chinwach anin, xquixcheꞌ kaj ta chejujunal.

3 Juan 1:9

Cꞌo jun carta xintakel chique ja riglesia pro ja Diótrefes arjaꞌ ni cꞌo wiꞌ rgana chi xa ruyon arjaꞌ nbano mandar chiquicojol, arjaꞌ xa npokonaj nbij chi anin cꞌo nukꞌaꞌ tre.