San Lucas 11:41 - Tz'utujil (Ja Cꞌacꞌa Chominem)

⁴¹ Pro ja rjawaxic chi neban, ja cꞌol ewqꞌuin jariꞌ queꞌetobej ja winak ja cꞌo rjawaxic chique. Ja wi queriꞌ neban jariꞌ chꞌajchꞌoj nixeli pro ni chi ix jun.

Tz'utujil NT

⁴¹ Per je nc'atzina neban, jc'ola ewq'uin jara' que'etobej wnak jc'ola cnecesidad. Wcara' neban jara' kas ch'ajch'oj nela ecuerpo ruq'uin ewanm chka'.

San Lucas 11:41 Iomraidhean Croise

San Mateo 26:11

Ja cꞌa tak mebaꞌiꞌ ejeꞌeꞌ nij ecꞌo wiꞌ checojol ja wi cꞌol egana neban utzil chique pro ja chwe anin maquinqꞌuejeꞌ ewqꞌuin nojel tiempo, ninwasaxel na checojol.

San Mateo 5:42

Ja wi cꞌo jun cꞌoli xcꞌutuj chewe teyaꞌaꞌ tre in wi cꞌo jun nrajoꞌ nukaj pwok chewe maxta ma teyaꞌ ta tre chakajaꞌ.

Marcos 7:19

Queriꞌ nbij chewe como ja noc pan achiꞌ jariꞌ nkaj chi apan in nelel chic jutij, neꞌ chique. Ja xbij ja Jesús chi matitzꞌilori ja rawanma xta rmal ja natiꞌ xa nak ta ja natiꞌ jeꞌe.

San Lucas 12:33

Ja cꞌo jeꞌe ewqꞌuin tecꞌayij in tesipaj ja rjil chique tak mebaꞌiꞌ. Ja wi queriꞌ neban jariꞌ cꞌoli caniꞌ jun cꞌolbal emebaꞌil nyataj na chewe pro mta yojtajic trij in cꞌoli chakajaꞌ ja mebaꞌil ewxin xin chilaꞌ chicaj pro jun mebaꞌil ja ni mta wiꞌ qꞌuisic trij. Ni majun alakꞌom xtoc ta triꞌ nixtacꞌa cꞌo ta jun chicop ja xtitijo ta ja mebaꞌil.

San Lucas 16:9

Ja mebaꞌil xin rwachꞌulew congana itzelal nqueban ja winak rmal. Pro camic nbij chewe, quixoc listo ixix chakajaꞌ, tecojoꞌ ja mebaꞌil xin rwachꞌulew pro ja ta neban ixix tre neꞌetobej ta ja cꞌo rjawaxic chique. Quirtariꞌ neban utzcꞌa tok xtiqꞌuisi ja mebaꞌil xin rwachꞌulew cꞌacꞌariꞌ ja rewamigo ja xeꞌetoꞌ ejeꞌeꞌ necꞌulu ewxin chilaꞌ chicaj pa tak cochoch ja ni mta wiꞌ qꞌuisic trij.

San Lucas 18:22

Ja cꞌa Jesús tok xcꞌaxaj ja xbij ja rachi quewaꞌ xbij chic tre riꞌ: —Pro cꞌa cꞌo na ja ma abanon ta. Tacꞌayij can nojel ja cꞌol awqꞌuin, ja cꞌa rjil tayaꞌaꞌ can chique ja tak mebaꞌiꞌ. Ja wi queriꞌ naban jariꞌ cꞌoli ja mebaꞌil ja nyataj na chawe chilaꞌ chicaj. Ja tok xtibantaj amwal ja cꞌa xinbij chawe riꞌ catmelojto cꞌa wqꞌuin in cattreꞌel chwij, neꞌ tre.

San Lucas 19:8

Ja cꞌa Zaqueo arjaꞌ peꞌi in xbij tre ja kajaw Jesús: —Ja camic Wajaw, cꞌa xinchꞌob chi caꞌiꞌ nban tre ja nmebaꞌil in nsipaj nicꞌaj chique ja tak mebaꞌiꞌ. In jun chic, cꞌo jeꞌe ja xocꞌo rwiꞌ ja rimpuesto ja xincꞌutuj chique ja winak pro ja camic can nmeloj quijiꞌ chiquitakariꞌ ja caniꞌ nwalakꞌan chique, neꞌe ja Zaqueo.

Hechos 10:15

Tzijon chic jutij ja kulaj: —Pro jariꞌ Dios rchomin chic, ma xajan chi ta. Ja wi ma xajan chi ta chwa Dios ma tabij chi ta atat tre chi xajan, neꞌ tre ja Pedro.

Hechos 11:29

Ja cꞌa kachꞌalal ja recꞌo pan Antioquía ejeꞌeꞌ quechꞌob chi nquetakel jun ayuda chique ja kachꞌalal ja recꞌo pa Judea: —Nkayaꞌ janiꞌ nokcowini nkayaꞌ chikajujunal, xecheꞌe.

Hechos 24:17

Anin cꞌo la quijiꞌ joꞌoꞌ junaꞌ xineqꞌuejeꞌ na pa tak tinamit cuqꞌuin ja winak ja ma e aj Israel ta in camic inmelojnakto chic jutij chipan ja katinamit Israel. Cꞌo jun ayuda xinmolto ja xinjach chique ja kach tak aj Israel in chakajaꞌ xinmelojto utzcꞌa chi waweꞌ nuntzujuj wiꞌ jun ofrenda chwach ja Dios.

2 Corintios 8:12

Queriꞌ nbij chewe como ja Dios tok nojel acꞌuꞌx nojel awanma nayaꞌ jun ayuda arjaꞌ utz nutzꞌat in nucꞌam chawe in janiꞌ natcowini nayaꞌ jariꞌ ncꞌutuj chawe, ma ja ta ncꞌutuj chawe ja macatcowini nayaꞌ.

Efesios 4:28

Ja re banol tak alakꞌ chewe nabey maxta tiqueban chic ja ralakꞌ. Ja nqueban, quesamaji ruqꞌuin quekꞌaꞌ pro utzlaj samaj tiquibanaꞌ utzcꞌa chi cꞌoli nquechꞌec ja nequitobej ja winak ja cꞌo rjawaxic chique.

Tito 1:15

Ja winak ja chꞌajchꞌoj canma ejeꞌeꞌ ni necowin wiꞌ nquetzꞌat ja rutzil. Ja winak ja xa tzꞌil canma in matiquinimaj ja Dios ejeꞌeꞌ nojel itzel nquetzꞌat. Ejeꞌeꞌ riꞌ xa itzel quinaꞌoj in matitiꞌon chique ja ritzelal nqueban.

Hebreos 13:16

Pro ni tecꞌutuꞌ wiꞌ ja rewutzil chakajaꞌ in queꞌetoꞌoꞌ ja cꞌo rjawaxic chique, maxta temestaj chi rbanic ja wariꞌ. Ja cꞌa tok neban ja wariꞌ junan neli ruqꞌuin jun sacrificio chakajaꞌ pro jun sacrificio ja congana nel rucꞌuꞌx ja Dios trij.

Hebreos 6:10

Ja cꞌa Dios mta moda xtuban ta ja ma utz ta xtimestaj ta ja rutzil ja rebanonto, arjaꞌ matimestaj chi congana xetij ekꞌij chi quitoꞌic ja kachꞌalal in cꞌa emajon na quitoꞌic camic. Como congana newajoꞌ ja Dios chewiꞌ tok neꞌetoꞌ.

Santiago 1:27

Ja religión ja kas utz ntzꞌa̱t rmal ja katataꞌ Dios in nucꞌut chi katzij chi animan ja Dios quewaꞌ rbanic riꞌ, jun, natbe cuqꞌuin acꞌalaꞌ ja ma ecꞌo chi ta ja quitataꞌ queteꞌ in cuqꞌuin chakajaꞌ ja rixokiꞌ ja malcaniꞌ ja recamnak chic ja quichajilal in neꞌatoꞌoꞌ nak cꞌo rjawaxic chique. In jun chic, naban cuenta awiꞌ chwach ja ritzelal ja nqueban ja winak ja xa ruqꞌuin ja rwachꞌulew yukul wiꞌ quecꞌuꞌx, naban cuenta awiꞌ utzcꞌa chi matitzꞌilori ja rawanma rmal ja ritzelal.