San Lucas 11:4 - Tz'utujil (Ja Cꞌacꞌa Chominem)

⁴ Tacuyuꞌ ja kil kamac ja caniꞌ nkaban ajoj nekacuy ja winak tok cꞌoli nqueban chake. Atat ta xcatchajin kaxin, maxta kokaji tok nokrtakchiꞌij ja diablo, koꞌatoꞌoꞌ pa rukꞌaꞌ. Queriꞌ ta rbanic ja roración neban, neꞌ chique ja rdiscípulo.

Tz'utujil NT

⁴ Tecyu' kil kamac ajni' nkaban ajoj nquekacuy wnak tak c'ola lowlo' nqueban chka. Atet ta xtcatc'ana kxin, mquita xtokkaja tak nokrchajtij itzel wnak, ko'at-o' pruk'a'. Cara' ta rbanic oración neban, cara' xbij chca rdiscípulo.

San Lucas 11:4 Iomraidhean Croise

San Mateo 18:35

In ja Nataꞌ ja cꞌo chilaꞌ chicaj queriꞌ cꞌa xtuban chewe ixix chakajaꞌ chejujunal ja wi ma nojel ta ecꞌuꞌx ma nojel ta ewanma neꞌecuy ja rewachꞌalal ja nqueban chewe.

San Mateo 26:41

Quixcꞌascꞌoti in tebanaꞌ orar utzcꞌa ja Satanás tok xquixrtakchiꞌij maquita xquixruchꞌec. Ja rewanma jariꞌ ni katzij wiꞌ chi cꞌo rgana ncꞌascꞌoti pro como xa ix winak ja recuerpo npokonaj nuban queriꞌ, neꞌ tre.

San Lucas 11:5

Cꞌacꞌariꞌ xbij chic chique: —Tacꞌa cꞌo ta jun chewe nbe ta ruqꞌuin jun ramigo pa tak ncꞌajakꞌaꞌ in nerbij ta tre: —Wamigo, maxta cꞌo caxlanway awqꞌuin, tayaꞌaꞌ oxiꞌ rkan wxin pro can nyaꞌ rcꞌaxel.

San Lucas 13:4

In jun chic, turkaj chewe ja re dieciocho winak ja tok tzakto ja torre xin Siloé chiquij in xercamsaj. ¿La más na e ajꞌil la más na e ajmaquiꞌ chiquewach ja juleꞌ chic winak ja recꞌo triꞌ pa Jerusalén nechꞌob ixix?

San Lucas 22:46

—¿Nak tre tok xa waram neban? Camic quixyictaji in tebanaꞌ oración utzcꞌa ja Satanás tok xquixrtakchiꞌij maquita xquixruchꞌec, neꞌe ja Jesús chique ja rdiscípulo.

San Lucas 8:13

Ja kaji ja bar cꞌo wiꞌ abaj jariꞌ tibij tzij chi ecꞌoli winak ja nquicꞌaxaj ja rtzobal Dios in nquinimaj, congana nequicot rmal. Pro ejeꞌeꞌ e caniꞌ juleꞌ tijcoꞌm ja mta rcꞌamal, xa ti jurata nquinimaj. Ja cꞌa tok xterilaꞌ ja cꞌayewalaj tiempo xa nqueyaꞌ can.

San Juan 17:15

Ma ja ta ncꞌutuj chawe chi neꞌawasajel waweꞌ chwachꞌulew xquebe ta awqꞌuin camic riꞌ, ja nwajoꞌ chawe chi neꞌaban cuenta waweꞌ chwachꞌulew utzcꞌa chi maquechꞌac rmal ja ritzelal.

1 Corintios 10:13

Ja cꞌa rixix mta jun prueba ewilon chipan ja recꞌaslemal ja maquita ecꞌoli winak ekꞌaxnak chic chipan. Ja cꞌa Dios arjaꞌ matuyaꞌ lugar tre chi npi jun prueba chewij ja maquita nixcowini necochꞌ como arjaꞌ ni nuban wiꞌ cumplir ja rtzujun chake. Ja cꞌa wi xquixrcꞌambajaj chipan jun prueba pro nuyaꞌ na chewe chakajaꞌ nak ncꞌatzin chewe chi netoꞌ ewiꞌ chipan utzcꞌa chi nixcowini necochꞌ.

Colosenses 3:13

in tok chaka jalal neban ofender ewiꞌ tecochꞌoꞌ in tecuyuꞌ ewiꞌ. Quirtariꞌ neban ja caniꞌ xuban ja Cristo, como arjaꞌ xixrucuy chewiꞌ tok nbij chewe, tecuyuꞌ ewiꞌ ixix chakajaꞌ.

2 Tesalonicenses 3:3

Pro ja kajaw Jesucristo arjaꞌ ni nuban wiꞌ cumplir ja ntzujuj, arjaꞌ ncowirsaj ecꞌuꞌx chipan ja rtzobal Dios in nixrchajij chipan nojelal ja ritzelal ja npi chewij.

2 Timoteo 4:18

In bien wotak chi nij arjaꞌ wiꞌ nintoꞌowi pa quekꞌaꞌ xa nak ta xquetzelan wxin. Bien wotak chi nij arjaꞌ wiꞌ nbano cuenta wxin utzcꞌa chi nineqꞌuejeꞌ na chipan ja rgobierno ja xin chilaꞌ chicaj. Kas ta xtiyaꞌ rukꞌij camic, chwak in chijutij. Amén.

Santiago 2:13

Queriꞌ rbanic como ja wi matapokonaj quewach ja winak, tok xterilaꞌ ja nimlaj kꞌij xin juicio queriꞌ nba̱n chawe atat chakajaꞌ matipokonax awach. Nowi napokonaj quewach jariꞌ npokonax awach atat chakajaꞌ, ja juicio xin Dios matikaj chawij ja tok xtikꞌet tzij chawij.

Apocalipsis 2:10

Ma texbej ta ewiꞌ chwach ja rpokonal ja nixkꞌax na chipan. Bien tecꞌwaxaj ja xtinbij chewe riꞌ, ecꞌoli chewe ja diablo arjaꞌ nerucoj na pa cheꞌ jariꞌ nixrtakchibej chi neyaꞌ can ja yukulbal ecꞌuꞌx ruqꞌuin ja Dios in lajuj kꞌij nixqꞌuejeꞌ na chipan ja rpokonal. Ni ta yukul wiꞌ ecꞌuꞌx ruqꞌuin ja Dios chijutij, ni ta quirwariꞌ ebanon ja tok xquixcami. Ja wi queriꞌ neban cꞌo jun corona ja nyataj chewe jariꞌ ja utzlaj cꞌaslemal ja mta qꞌuisic trij.

Apocalipsis 3:10

Como ja rixix eniman ja ntzobal ja xinbij chewe chi nqꞌuejeꞌe ja repaciencia chi rcochꞌic ja npi jeꞌe chewij, anin chakajaꞌ nixnchajij na chipan ja nimlaj rpokonal ja penak chwach nojel ja rwachꞌulew. Jariꞌ nimlaj rpokonal ja xtipi na jariꞌ necꞌambajbexi ja winak ja recꞌo chwachꞌulew.