San Lucas 11:39 - Tz'utujil (Ja Cꞌacꞌa Chominem)

³⁹ Ja cꞌa kajaw Jesús quewaꞌ xbij tre riꞌ: —Ixix ja rix fariseo ix caniꞌ juleꞌ plato rachbil juleꞌ vaso ja bien chꞌajchꞌoj rij pro ja rpan congana tzꞌilornak. Queriꞌ cꞌa ebanic ixix como ja rewanma nojnak ja ritzelal chipan, congana alakꞌ ebanon.

Tz'utujil NT

³⁹ Ja' Kajaw Jesús cawra xbij tzra: —Ixix je ix aj fariseo ix ajni' jle' plat rexbil jle' vas kas bien ch'ajch'oj rij, per rpam congan lowlo' tz'il. Cara' c'a ebanic ixix com jewanm nojnak rtzilal chpam, congan alak' ebnon.

San Lucas 11:39 Iomraidhean Croise

San Mateo 15:19

Queriꞌ nbij chewe como pan awanma nwinakarto wiꞌ ja ritzel tak naꞌoj caniꞌ tre banoj camíc, caniꞌ tre tok cꞌo jun natoc ruqꞌuin ja wi ma awixjayil ta owi ma awachajil ta, caniꞌ tre banoj alakꞌ, caniꞌ tre ja nayaꞌ testigoꞌil ja ma katzij ta in caniꞌ tre ja tok nabij juleꞌ tzij tre ja Dios ja xa ofensa rcꞌamonto tre.

San Mateo 7:15

Tebanaꞌ cuenta ewiꞌ chiquewach ja winak ja profeta necheꞌxi, pro ma katzij ta chi e profeta. Ejeꞌeꞌ tok neꞌekaj ewqꞌuin nquikꞌalasaj quiꞌ chewach chi majun nak ta itzel nqueban chewe, e caniꞌ tak carnelo netzꞌati pro ja pa tak canma e caniꞌ utiwaꞌ ja maxcoꞌ chi camíc nqueban.

San Lucas 16:15

Ja cꞌa Jesús quewaꞌ xbij chique riꞌ: —Ixix quewaꞌ ebanic riꞌ, nekꞌalasaj ewiꞌ chiquewach ja winak chi congana ix utzlaj tak winak pro ja Dios arjaꞌ bien rotak nak ja cꞌo pa tak ewanma. Ecꞌoli winak ja xa itzel netzꞌa̱t rmal ja Dios masqui congana utz netzꞌa̱t cumal winak.

San Lucas 7:13

Ja cꞌa kajaw Jesús tok xutzꞌat ja rixok congana xpokonaj rwach: —Ma catokꞌ ta, neꞌ tre.

San Lucas 7:19

Ja cꞌa Juan Bautista arjaꞌ ecꞌo caꞌiꞌ chique ja rdiscípulo xersiqꞌuij, xerutakel ruqꞌuin ja Jesús in quewaꞌ xbijel chique riꞌ chi nequicꞌaxaj tre: —¿La atat ja rat Cristo ja bitajnak can chi natpi na owi nkaybej chi na jun? neꞌel chique.

San Juan 12:6

Queriꞌ xbij pro ma rmal ta chi npokonaj quewach ja tak mebaꞌiꞌ como arjaꞌ xa alakꞌom xa chewiꞌ tok nlakꞌaj kaj ja pwok pa caja como pa rukꞌaꞌ cꞌo wiꞌ ja pwok quixin ja Jesús e rachbil ja rdiscípulo.

San Juan 13:2

Arjaꞌ rmajon waꞌim cuqꞌuin ja rdiscípulo. Ja cꞌa diablo arjaꞌ rbanon chic ja samaj pa ranma ja Judas Iscariote ja rcꞌajol Simón, rtakchiꞌin chic chi nujach ja Jesús pa quekꞌaꞌ ja winak ja netzelan rxin.

Hechos 5:3

Ja cꞌa tok jachtaj rmal quewaꞌ bix tre rmal ja Pedro riꞌ: —Ananías, cꞌo jalal rjil ja rulew qꞌuejeꞌ can awqꞌuin. ¿Nak tre ja tok xaban queriꞌ? ¿Nak tre ja tok xayaꞌ lugar tre ja Satanás chi xoc pan awanma in xatrtakchiꞌij chi xatzꞌak tzij chwach ja rEspíritu Santo?

Gálatas 1:14

In jun chic, congana xintijoj wiꞌ trij ja quireligión ja wach tak aj Israel, e qꞌuiy chique ja wach tak qꞌuiyic congana xinkꞌax chiquewach chi rotakixic. Queriꞌ xinban como congana xinmakꞌeꞌ chipan ja costumbre ja quiyaꞌon can ja katiꞌt kamamaꞌ.

2 Timoteo 3:5

Nepeti pa tak culto pro xa matiquinimaj chi ja Dios nuyaꞌ poder chake ja rok winak chi nkaqꞌuex ja kanaꞌoj. Ejeꞌeꞌ riꞌ winak maxta tacoj awiꞌ cuqꞌuin.

Tito 1:15

Ja winak ja chꞌajchꞌoj canma ejeꞌeꞌ ni necowin wiꞌ nquetzꞌat ja rutzil. Ja winak ja xa tzꞌil canma in matiquinimaj ja Dios ejeꞌeꞌ nojel itzel nquetzꞌat. Ejeꞌeꞌ riꞌ xa itzel quinaꞌoj in matitiꞌon chique ja ritzelal nqueban.

Santiago 4:8

Quixtiloc ruqꞌuin ja Dios in arjaꞌ chakajaꞌ ntiloc ewqꞌuin. Ja rix ajꞌil ja rix ajmaquiꞌ rjawaxic chi neyaꞌ can ja ritzelal. Ja rixix ja xa cacaꞌ ecꞌuꞌx rjawaxic chi nechꞌachꞌojirsaj ja rewanma.