San Lucas 11:34 - Tz'utujil (Ja Cꞌacꞌa Chominem)

³⁴ Ja panewach caniꞌ rbanic jun luz ixryaꞌon pa sak, ja wi mta rbanon wi ma yojtajnak ta jariꞌ pa luz cꞌa cꞌo wariꞌ ja recuerpo pro ni chi jun. Pro ja cꞌa wi yojtajnak jariꞌ pa kꞌekuꞌm cꞌa cꞌo wariꞌ ja recuerpo.

Tz'utujil NT

³⁴ Jek'awech cara' rbanic ajni' jun luz ixrey-on psak, wmajo'n achnak rebnon, wmajo'n yojtanak ta, jara' pluz c'o wa' njelal ecuerpo. Per wyojtanak jara' pk'ejku'm c'o wa' ecuerpo.

San Lucas 11:34 Iomraidhean Croise

Marcos 4:12

Queriꞌ nban utzcꞌa chi ejeꞌeꞌ nquetzꞌat ja ncꞌu̱t chiquewach pro matikaj pa quewiꞌ utzcꞌa chakajaꞌ chi nquicꞌaxaj ja nbix chique pro matichꞌobtaj cumal utzcꞌa chakajaꞌ chi matiqueqꞌuex ja quinaꞌoj chi ncuytaji ja quil quemac. Queriꞌ xbij ja Jesús chique.

Marcos 7:22

caniꞌ tre banoj alakꞌ, caniꞌ tre tok chaka benak chi nayarij quinakun winak, caniꞌ tre banoj itzelal in banoj engaño, caniꞌ tre banoj nakun ja congana chuw chwach ja Dios, caniꞌ tre aquiakarem, neꞌatzijoj winak, nayaꞌ akꞌij in banoj nakun ja xa ma chꞌobol ta.

Marcos 8:18

Cꞌo panewach pro ¿la matetzꞌat ja ncꞌu̱t chewach? In chakajaꞌ cꞌol ewxquin pro ¿la matoc pan ewxquin ja nbix chewe? In chakajaꞌ ¿la maturkaj chewe

San Lucas 11:35

Rmalcꞌariꞌ tok nbij chewe, tebanaꞌ cuenta, maxta tichupi ja luz ja yatajnak chewe pa tak ewanma utzcꞌa chi maquixqꞌuejeꞌ pa kꞌekumal.

Hechos 13:11

Camic natij na pokon pa rukꞌaꞌ ja kajaw Dios como natmoyiri in cꞌo jun tiempo matatzꞌat chic ja sakil, neꞌ tre. Ja cꞌa rajꞌitz tok bitaj queriꞌ tre rmal ja Pablo ni jariꞌ hora moyiri. Cꞌacꞌariꞌ xumaj rcanoxic jun ja nyukenel rxin chi rukꞌaꞌ.

Hechos 2:46

Kꞌij kꞌij ni nequimoloꞌ wiꞌ quiꞌ chipan ja nimlaj templo xin Dios, ejeꞌeꞌ xa jun quibanon. Neꞌewaꞌ pa tak cochoch, congana nequicoti, nojel quecꞌuꞌx nojel canma nquimaltioxij tre ja Dios.

Hechos 26:18

utzcꞌa chi nasakirsaj quebey chiquewach. Camic e caniꞌ moyaꞌ, pa kꞌekumal ecꞌo wiꞌ pro neꞌacoj na pa sakil. Neꞌel na pa rukꞌaꞌ ja Satanás in neꞌoc chi na pa rukꞌaꞌ ja Dios. Queriꞌ naban chique utzcꞌa chi ncuytaji ja quil quemac utzcꞌa chi cꞌo jun herencia nyataj na chique chiquicojol ja winak ja rechꞌachꞌojirsan chic chipan ja quil quemac rmal ja yukulbal quecꞌuꞌx wqꞌuin. Queriꞌ xbij ja Jesús chwe.

2 Corintios 1:12

Como ajoj wachꞌalal congana nokquicoti ja mta nak ta kabanon ja xtitiꞌon ta kaconciencia rmal, chꞌajchꞌoj rij rwach ja kabanon, ni majun nak ta kawawan ta pa tak kanma. Ni quirwariꞌ ja kabanon chiquewach ja winak in pior cꞌa chewach ixix. Ma kanaꞌoj ta ajoj nkacoj pro ja rutzil ja nsipaj ja Dios chake jariꞌ nsamaji pa tak kanma chi rbanic nojel ja nkaban.

2 Corintios 11:3

Pro ja ranin nxbej wiꞌ, nurkaj chwe ja ban tre ja Eva ojer tok ban engañar rmal ja cumatz como ja cumatz congana listo, matzij xa queriꞌ xtiban chic chewe ixix in junwiꞌ chic xtechꞌob in ma ruyon chi ta ruqꞌuin ja Cristo xtiyukeꞌ wiꞌ ecꞌuꞌx.

2 Corintios 4:4

Matichꞌobtaj cumal como ja diablo ja rcojon riꞌ como dios waweꞌ chwachꞌulew arjaꞌ rmoyirsan ja quewiꞌ canma. Queriꞌ nuban ja diablo chique ja winak ja matiyukeꞌ quecꞌuꞌx ruqꞌuin ja Jesucristo utzcꞌa ja luz xin Dios matekaji pa tak canma. Jariꞌ luz jariꞌ ja utzlaj tzij xin Dios ja ncꞌutuwi chi janila nim rukꞌij ja Cristo. Ja cꞌa Cristo arjaꞌ ni junan quinaꞌoj ruqꞌuin ja Dios.

Efesios 1:17

Nintzijon ruqꞌuin ja Dios rxin ja kajaw Jesucristo, jariꞌ Dios ja Tatixel ja ni rxin wiꞌ chi congana nim rukꞌij. Anin ncꞌutuj tre chi arjaꞌ nuyaꞌ chewe chi ja rEspíritu Santo nucoj ja naꞌoj xin Dios pa tak ewiꞌ pa tak ewanma in ncꞌutuj tre chakajaꞌ chi bien nkꞌalasaj chewach nak ja kas mero rbanic ja Dios.

Efesios 6:5

Ja cꞌa rixix ja rix moso queꞌenimaj ja repatrón ja recꞌo waweꞌ chwachꞌulew. Pro congana ta neꞌeban respetar, nojel ta ecꞌuꞌx nojel ta ewanma neꞌenimaj. Ja tok nqueyaꞌ samaj chewe ja ta neban tre caniꞌ ta samaj xin Cristo ja neban.

Colosenses 3:22

Ja cꞌa rixix ja rix moso ni queꞌenimaj wiꞌ ja repatrón ja recꞌo waweꞌ chwachꞌulew. Ecꞌoli moso congana nesamaji tok cꞌoloc ja quipatrón cuqꞌuin utzcꞌa chi utz netzꞌa̱t rmal pro tok nbe ja quipatrón ma kas ta nesamaj can chic pro maxta queriꞌ teban ixix. Pro ja neban, nojel ecꞌuꞌx nojel ewanma tebanaꞌ ja samaj in chwach Dios texbej wiꞌ ewiꞌ.