San Lucas 11:22 - Tz'utujil (Ja Cꞌacꞌa Chominem)

²² Pro ja cꞌa tok npi chic jun achi ja más kꞌaxnak chi na rchokꞌakꞌ in nuchꞌec ja rachi ja rajaw jay jariꞌ numaj tre nojel ja banbal chꞌaꞌoj ja bar yukul wiꞌ rucꞌuꞌx, nlasaj tre ja cꞌo ruqꞌuin in numaj rjachic chique ja rachbil.

Tz'utujil NT

²² Per tak npeta jun acha más chna rchuk'a' y nuch'ec jara' acha je rjawal jay, jara' numaj tzra njelal achnak rxin banbal ch'oj jabar ykul wa' ruc'u'x, nelsaj tzra jc'ola ruq'uin y numaj rjachic chca rexbil.

San Lucas 11:22 Iomraidhean Croise

San Lucas 11:21

Ja tok cꞌo jun achi ja congana rchokꞌakꞌ rmajon rchajixic rochoch in tok cꞌoli ja banbal chꞌaꞌoj ruqꞌuin jariꞌ cꞌayew chi xtilasax ta tre ja cꞌo ruqꞌuin.

San Lucas 11:23

Ja winak ja matiquecoj quiꞌ wqꞌuin jariꞌ xa ruqꞌuin Satanás ja ncꞌulel nquecoj wiꞌ quiꞌ in chakajaꞌ ja maquetoꞌo wxin chi quimolic ja winak jariꞌ xa nequichicaj.

Efesios 6:11

Tecojoꞌ nojel rwach ja banbal chꞌaꞌoj ja ryaꞌon ja Dios chake utzcꞌa chi cow nixpeꞌe chwach ja diablo xa nak ta nucoj jeꞌe chewij chi nixrtakchibej.

Efesios 6:13

Rmalcꞌariꞌ nbij chewe, tecojoꞌ nojel rwach ja banbal chꞌaꞌoj ja ryaꞌon ja Dios chake utzcꞌa tok congana lawuloꞌ nuban ja diablo chewe nij ixix wiꞌ nixchꞌocmaji in cow ixpaꞌli ja tok ntzuri ja chꞌaꞌoj nojelal.

Colosenses 2:15

Arjaꞌ xkajsaj quichokꞌakꞌ ja cꞌo kꞌetbaltzij pa quekꞌaꞌ, bien xkꞌalasaj chiquewach winak chi arjaꞌ chꞌocmaji tokoriꞌ tok camsaxi ja Cristo chwach cruz.

1 Juan 3:8

Pro ja winak ja chaka nemacuni ejeꞌeꞌ riꞌ e ralcꞌwal diablo caniꞌ tre ja diablo arjaꞌ nij ajꞌil nij ajmac wiꞌ ja tok tzꞌucarsaxto ja rwachꞌulew. Ja cꞌa Ralcꞌwal Dios peti waweꞌ chwachꞌulew chi ryojic ja samaj ja nuban ja diablo.

1 Juan 4:4

Chakꞌlaj walcꞌwal, ixix ixcꞌo pa rcuenta ja Dios. Ja maestro ja ma Dios ta ecꞌayon ejeꞌeꞌ ma xecowin ta chewij, ixix xixchꞌeco quixin. Queriꞌ xeban como ja Dios ja cꞌo pa tak ewanma ixix más chi na kꞌaxnak rchokꞌakꞌ chwach ja diablo ja cꞌo pa tak canma ja winak ja xa ruqꞌuin rwachꞌulew yukul wiꞌ quecꞌuꞌx.